କଟକ ପ୍ରେସ ଛକରେ ଅଲ୍ ଇଣ୍ଡିଆ କ୍ଷେତ ମଜଦୁର ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ

କଟକ ୩୦।୧୧ : ଅଲ୍ ଇଣ୍ଡିଆ କ୍ଷେତ ମଜଦୁର ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ । କେନ୍ଦୁଝର ଜିଲ୍ଲା ପାଟଣା ବ୍ଲକରେ କମ୍ପାନୀମାନଙ୍କ ପାଇଁ ଜମି ଦଖଲ ଉଦ୍ୟମକୁ ବିରୋଧ କରି ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । କଟକ ପ୍ରେସ ଛକରେ କ୍ଷେତ ମଜଦୁର ସଂଘର କର୍ମକର୍ତ୍ତାମାନେ ଏହି ଆନ୍ଦୋଳନ କରୁଛନ୍ତି ।

ଖବର ଅନୁଯାୟୀ, କମ୍ପାନୀ ପାଇଁ ପ୍ରଶାସନ ଗରିବ ଲୋକଙ୍କ ଉପରେ ବଳ ପ୍ରୟୋଗ ଓ କମ୍ପାନୀର ମନମୁଖୀ କାର୍ଯ୍ୟ ବିରୋଧରେ ଆନ୍ଦୋଳ କରୁଥିବା ୫ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଯାହାକୁ ସ୍ଥାନୀୟ ଲୋକେ ଦୃଢ ପ୍ରତିବାଦ କରିଛନ୍ତି । ସଂଗଠନର କହିବା ଅନୁସାରେ, ଚାଷ ଜମି ଉପରେ ଏହି କମ୍ପାନୀ ପ୍ରତିଷ୍ଠା କରିବାକୁ ଉଦ୍ୟମ ଚାଲିଛି । ପ୍ରଶାସନକୁ ବିକଳ୍ପ ଜାଗା ସଂପର୍କରେ ଲିଖିତ ଭାବେ ତଥ୍ୟ ଦିଆଯାଇଥିବା ମଧ୍ୟ ଜୋର ଜବରଦସ୍ତି ଲୋକଙ୍କ ଚାଷ ଜମି ନେଇ ପ୍ରଶାସନ କାରଖାନା କରିବା ପାଇଁ ଚାହୁଁଛି ବୋଲି ଆନ୍ଦୋଳନକାରୀମାନେ ମତ ଦେଇଛନ୍ତି ।