ନୂଆଦିଲ୍ଲୀ: ଆଙ୍କତବାଦୀଙ୍କ ଆକ୍କା ସାଜିଥିବା ପାକିସ୍ତାନ ପାଇଁ ବଢ଼ିଲା ଅଡ଼ୁଆ । ଏବେ ସମ୍ପୂର୍ଣ୍ଣ ଭାବେ ବର୍ବାଦ ହୋଇଯିବ ପଡ଼ୋଶୀ ଦେଶ । ଜଳ ସଙ୍କଟ ଦେଖାଦେବ, ଶୋଷରେ ମରିବ ପାକ୍ । ଚାଷ ନଷ୍ଟ ହେଲେ ଆତଙ୍କୀସ୍ତାନର ଅର୍ଥବ୍ୟବସ୍ଥା ଭୁଶୁଡ଼ି ପଡ଼ିବ । କାରଣ ସିନ୍ଧୁ ଜଳ ସନ୍ଧି ସ୍ଥଗିତ କରିବା ପରେ ବଡ଼ ପଦକ୍ଷେପ ନେଇଛନ୍ତି ଭାରତ ସରକାର । ବଳକା ପାଣିକୁ ପାକିସ୍ତାନକୁ ନଛାଡ଼ି ପାଇଁ ଯୋଜନା ପ୍ରସ୍ତୁତ କରିଛନ୍ତି । କାଶ୍ମୀରର ହିମାଳୟ କ୍ଷେତ୍ରରେ ଦୁଇ ହାଇଡ୍ରୋ ଇଲେକ୍ଟ୍ରିକ୍ ପ୍ରକଳ୍ପ ନିର୍ମାଣ ଆରମ୍ଭ ହେବାକୁ ଯାଉଛି । ଏହି ଜଳ ବିଦ୍ୟୁତ୍ ପ୍ରକଳ୍ପ ସଲାଲ୍ ଓ ବଗିଲହାର ଡ୍ୟାମ୍ ଉପରେ ହେଇଛି ।
ସୂଚନା ଅନୁଯାୟୀ, ଜମ୍ମୁ-କାଶ୍ମୀରର ଥିବା ଚେନ୍ନାବ ନଦୀ ଉପରେ ଥିବା ହୋଇଥିବା ସଲାଲ ଓ ବଗଲିହାର ଡ୍ୟାମର କ୍ଷମତାକ ବୃଦ୍ଧି କରାଯିବ । ଏନେଇ ନିର୍ମାଣ କାର୍ଯ୍ୟ ମଧ୍ୟ ଆରମ୍ଭ ହୋଇଯାଇଛି । ପହଲଗାମ୍ ଆତଙ୍କବାଦୀ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ଜାରି ରହିଥିବା ଉତ୍ତେଜନାକୁ ସୃଷ୍ଟିରେ ରଖି କେନ୍ଦ୍ର ସରକାର ପଦକ୍ଷେପ ନେଇଛନ୍ତି । ଏହାର ଉଦ୍ଦେଶ୍ୟ ହେଉଛି ଚେନ୍ନାବ ନଦୀ ପାଣିକୁ ଭାରତରେ ଅଧିକରୁ ଅଧିକ ମାତ୍ରାରେ ଖର୍ଚ୍ଚ କରାଯିବ ଏବଂ ପଡ଼ୋଶୀ ପାକିସ୍ତାନକୁ ପାନେ ଦିଆଯିବ ।
ଭାରତର ସବୁଠୁ ବଡ଼ ହାଇଡ୍ରୋ ଇଲେକ୍ଟ୍ରିକ୍ କମ୍ପାନି NHPC ଓ ଜାମ୍ମୁ-କାଶ୍ମୀର ସରକାର ମିଳିତ ଭାବେ ଜଳାଶୟରେ ଜମିଥିବା ପଙ୍କ ଉଦ୍ଧାର ପାଇଁ ପ୍ରକ୍ରିୟା ଆରମ୍ଭ କରିଛନ୍ତି । ଏହି ଜଳାଶୟ ସଫା ପ୍ରକ୍ରିୟା ମେ’ ପହିଲାରୁ ଆରମ୍ଭ ତିନି ଦିନ ପର୍ଯ୍ୟନ୍ତ ଚାଲିଥିଲା । ଏଥିରେ ପାକିସ୍ତାନକୁ ପାଣି ସପ୍ଲାଏ ପ୍ରଭାବ ତୁରନ୍ତ ପଡ଼ିବ ନାହିଁ । ହେଲେ ଅନ୍ୟ ପ୍ରକଳ୍ପ ଗୁଡ଼ିବ ପ୍ରଭାବିତ ହେବ । ଦେଖିବାକୁ ଗଲେ ହିମାଳୟ କ୍ଷେତ୍ରରେ ଅଧା ଡଜନରୁ ଅଧିକ ଯୋଜନା ଚାଲୁଛି । ଜାମ୍ମୁ-କାଶ୍ମୀର ଦେଇ ଚେନ୍ନାବ ନଦୀ ପାକିସ୍ତାନରେ ପ୍ରବେଶ କରିଛି । ସିନ୍ଧୁ ଜଳ ସନ୍ଧି ସ୍ଥଗିତ ହେବା ପରେ ଭାରତ ସରକାର ବିନା କୌଣସି ବାଧାରେ ପାଣିକୁ ଅଧିକରୁ ଅଧିକ ବ୍ୟବହାର କରିାପାରିବେ ।
ସୂତ୍ର ଅନୁଯାୟୀ, ଭାରତ ସଲାଲ ଓ ବଗଲିହାର ଡ୍ୟାମ ଉପରେ ଚାଲୁଥିବା ହାଇଡ୍ରୋ ଇଲେକ୍ଟ୍ରିକ୍ ପ୍ରକଳ୍ପକୁ ନେଇ ପାକିସ୍ତାନକୁ କୌଣସି ସୂଚନା ଦିଆଯାଇନାହିଁ । ଏହା ପ୍ରଥମ ଥର ଯେ, ଭାରଚ ସରକାର ପଡ଼ୋଶୀ ଦେଶକୁ ବିନା କୌଣସି ସୂଚନା ଏଭଳି କିଛି ପ୍ରକଳ୍ପ ଉପରେ କାର୍ଯ୍ୟ କରୁଛନ୍ତି । ଏଥିରୁ ଭାରତ ଅଧିକ ବିଜୁଳି ଶକ୍ତି ଉତ୍ପାଦନ କରିପାରିବେ ।
୨୦୧୯ରେ ପୁଲଓ୍ବାମା ଆତଙ୍କବାଦୀ ଆକ୍ରମଣ ପରେ ଲଦାଖ କ୍ଷେତ୍ରରେ ୮ଟି ହାଇଡ୍ରୋ-ପାଓ୍ବାର ଯୋଜନାକୁ ମଞ୍ଜୁରି ମିଳିଛି । କିନ୍ତୁ ସିନ୍ଧୁ ନଦୀ ବୁଝାମଣା ସସପେଣ୍ଡ ହେବା ପରେ ପାକିସ୍ତନ ପକ୍ଷରୁ ଆରମ୍ଭ ହୋଇଥିଲା ନୂଆ ପ୍ରଯୋକ୍ଟରେ କାମ ଚାଲିବ ନାହିଁ କି ଉତ୍ପାଦନ ହେବ ନାହିଁ । ଫଳରେ ବିଶେଷ ଭାବେ ପ୍ରଭାବିତ ହେବ ପଡ଼ୋଶୀ ଦେଶ ।
