‘ଓଡ଼ିଶାର ସାନ୍‌ ତୁମେ, ଓଡ଼ିଶାର ଜାନ୍‌...ହେ ନବୀନ ବାବୁ ଆମେ ତମେ ଫ୍ୟାନ୍....

ଭୁବନେଶ୍ୱର ୧୮/୧୧: ମିଛରେ କହିଦେ ଭଲ ପାଉ ବୋଲି...କାଳେ ଆଉ କିଛି ଦିନ ବଞ୍ଚିଯିବି । ଏକଥା ଆମେ ନୁହେଁ ବରଂ କୋଟି କୋଟି ଓଡ଼ିଆ ଝୁରୁଛନ୍ତି । ଖାଲି ସେତିକି ନୁହେଁ ‘ଓଡ଼ିଶାର ସାନ୍ ତୁମେ, ଓଡ଼ିଶାର ଜାନ୍... କୋଟି କୋଟି ଓଡ଼ିଆର ତୁମେ ସ୍ୱାଭିମାନ, ହେ ନବୀନ ବାବୁ ଆମେ ତମ ଫ୍ୟାନ୍...’, ଏ ଗୀତ ଆଜି ବି କୋଟି କୋଟି ଜନତାଙ୍କ ହୃଦୟରେ ରାଜ୍ କରିଚାଲିଛି । 

ବିଜେଡି ପାର୍ଟି ଅଫିସ୍, ସଭାଗୃହଠୁ ନେଇ ନବୀନ ଯୁଆଡ଼େ ଯୁଆଡ଼େ ଯାଉଥିଲେ ସବୁଠି ଏହି ଗୀତର ଗୁଞ୍ଜରଣ । ଶେଷରେ ଏ ଗୀତର ଏତେ କ୍ରେଜ୍ ହେଲା ଯେ, ମେଲୋଡି, ପୂଜା, ଭସାଣୀରେ ବି ବାଜିଲା । ଏପରିକି ହ୍ୟୁମାନ୍ ଯେଉଁ ମଞ୍ଚରେ ଗୀତ ଗାଉଥିଲେ । କାରଣ ହ୍ୟୁମାନଙ୍କ କଣ୍ଠରେ ହିଟ୍ ହୋଇଥିଲା ସେହି ଗୀତ । ୨୦୧୯ରେ ବିଜେଡିରେ ମିଶି ଧରିଥିଲେ ଶଙ୍ଖ । ନବୀନଙ୍କ ପାଇଁ ପ୍ରଚାରରେ ବି ସାମିଲ ହୋଇଥିଲେ । ସେହିବର୍ଷ ନିର୍ବାଚନରେ ଏହି ଗୀତ ବେଶ୍ ଟ୍ରେଣ୍ଡ୍ରେ ରହିଥିଲା ।

ସୋସିଆଲ୍ ମିଡିଆରୁ ନେଇ ଶ୍ରୋତାଙ୍କମୁହଁରେ ସବୁବେଳେ ସବୁଠି ଏହି ଗୀତ ଶୁଣିବାକୁ ମିଳେ । କେବଳ ପ୍ରଚାର କରିଥିଲେ ଏବଂ ତାଙ୍କ ପ୍ରଚାରର ତରିକା ଥିଲା ସଙ୍ଗୀତରେ ଲୋକଙ୍କୁ ବାନ୍ଧି ରଖିବା । ଓଡ଼ିଆ ସଂଗୀତ ଜଗତର ସେ ଥିଲେ ନୂଆ ଅଧ୍ୟାୟ । ଯୁବପିଢ଼ିଙ୍କର ପ୍ରଥମ ପସନ୍ଦ ସିଏ ଥିଲେ । ୨୦୧୭ରୁ ଓଡ଼ିଆ ସଂଗୀତରେ ରାଜ୍ କରୁଥିବା ହ୍ୟୁମାନ୍, ପ୍ରଥମେ ଗୀତକୁ ହିଁ ‘ଇସ୍କ ତୁ ହି ତୁ’ କହିଥିଲେ । ଆଉ ତା’ ପରେ କେବେ ‘ଗପ ହେଲେ ବି ସତ‘ ହୋଇଛି, ତ ପୁଣି କେତେବେଳେ ପ୍ରେମର ଗୀତରେ ‘ପ୍ରେମ କୁମାର’ ସାଜିଛନ୍ତି ।

‘ଗୋଟେ ଶୁଆ ଗୋଟେ ଶାରୀ’ ଗୀତ ଗାଇ ପ୍ରେମିକାକୁ ଖୁବ୍ ଭଲ ପାଇଛନ୍ତି ହ୍ୟୁମାନ୍ । ଖାଲି ସେତିକି ତ ନୁହେଁ, ‘ନିଃଶ୍ବାସ ତୋ ବିନା ଚାଲେ ନା’ ଗାଇ ପ୍ରେମ ଗୀତରେ ଇମୋସନ୍ ଭରିଛନ୍ତି । କେବଳ ଏତିକିରି ସରିନି ହ୍ୟୁମାନଙ୍କ ପ୍ରେମ ଗୀତର ଦୁଷ୍ଟାମୀ । ଗୀତରେ ଗୀତରେ ପ୍ରେମିକାକୁ କହିଛନ୍ତି ‘ଖେଚଡ଼ା କଲା ମତେ ତୋ ଛେଚଡ଼ା ଯୌବନ’ ।