IPL 2026 ନିଲାମୀରେ ସାମିଲ ହେବେ ନାହିଁ ଏହି ୫ କ୍ରିକେଟ ସୁପରଷ୍ଟାର

ନୂଆଦିଲ୍ଲୀ: ଡିସେମ୍ବର ୧୬ ତାରିଖରେ ଆବୁଧାବିରେ IPL ୨୦୨୬ ଲାଗି ନିଲାମୀ ଅନୁଷ୍ଠିତ ହେବ। ରିପୋର୍ଟ ଅନୁଯାୟୀ ମୋଟ ୧,୩୫୫ ଜଣ ଖେଳାଳି ନିଲାମ ପାଇଁ ପଞ୍ଜିକରଣ କରିଛନ୍ତି । କିନ୍ତୁ କେବଳ ୭୭ଟି ସ୍ଥାନ ଉପଲବ୍ଧ । ସମସ୍ତ ଦଳର ପର୍ସରେ କୋଟି କୋଟି ଟଙ୍କା ବାକି ଅଛି। ଏହି ନିଲାମରେ ଭାରତ ଏବଂ ବିଦେଶର ଅନେକ ଅଭିଜ୍ଞ ଏବଂ ଯୁବ ଖେଳାଳିଙ୍କୁ ଦେଖିବାକୁ ମିଳିବ । କିନ୍ତୁ କିଛି ଅନ୍ତର୍ଜାତୀୟ ତାରକା ଅନୁପସ୍ଥିତ ରହିବେ। ତେଣୁ, ଏଠାରେ ପାଞ୍ଚ ଜଣ ଅନ୍ତର୍ଜାତୀୟ ଖେଳାଳିଙ୍କ ତାଲିକା ଦିଆଯାଇଛି । ଯେଉଁମାନେ IPL ୨୦୨୬ ନିଲାମୀର ସାମିଲ ହେବେ ନାହିଁ।

୧. ଗ୍ଲେନ୍ ମ୍ୟାକ୍ସୱେଲ୍ଆଇପିଏଲରେ ୧୩ ସିଜିନ୍ ଖେଳି, ୨୮୧୯ ରନ୍ କରିବା ଏବଂ ୪୧ ୱିକେଟ୍ ନେବା ପରେ, କିମ୍ବଦନ୍ତୀ ଅଷ୍ଟ୍ରେଲୀୟ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ୍ ଆଇପିଏଲ ୨୦୨୬ ନିଲାମୀରେ ସାମିଲ ହେବେ ନାହିଁ। କିନ୍ତୁ ସେ ଇଣ୍ଡିଆନ୍ ପ୍ରିମିୟର ଲିଗ୍ ରୁ ଅବସର ନେଇନାହାନ୍ତି। ୨୦୨୬ ନିଲାମୀ ପୂର୍ବରୁ ତାଙ୍କୁ ପଞ୍ଜାବ କିଙ୍ଗ୍ସ ମୁକ୍ତ କରିଥିଲା।

୨. ଆଣ୍ଡ୍ରେ ରସେଲଆଣ୍ଡ୍ରେ ରସେଲ ଇଣ୍ଡିଆନ୍ ପ୍ରିମିୟର ଲିଗରୁ ଅବସର ନେଇସାରିଛନ୍ତି। ସେ ୨୦୧୪ ମସିହାରୁ କୋଲକାତା ନାଇଟ୍ ରାଇଡର୍ସ ସହିତ ଥିଲେ। ତାଙ୍କ IPL କ୍ୟାରିୟରରେ, ସେ ୨,୬୫୧ ରନ କରିଥିଲେ ଏବଂ ୧୨୩ ୱିକେଟ୍ ନେଇଥିଲେ। ରସେଲ ଦିଲ୍ଲୀ ଡେୟାରଡେଭିଲ୍ସ ଏବଂ KKR ପାଇଁ ଖେଳିଥିଲେ।

୩. ଫାଫ୍ ଡୁପ୍ଲେସିସ୍ଆଇପିଏଲ ୨୦୨୬ ମିନି ନିଲାମୀରୁ ଫାଫ୍ ଡୁ ପ୍ଲେସିସ୍ ପ୍ରଥମ ଖେଳାଳି ଭାବରେ ଓହରି ଯାଇଥିଲେ । ସେ ଏକ ସୋସିଆଲ ମିଡିଆ ପୋଷ୍ଟରେ ଘୋଷଣା କରିଥିଲେ ଯେ, ସେ ଆଇପିଏଲ ୨୦୨୬ ନିଲାମୀରେ ଅଂଶ ହେବେ ନାହିଁ । ସେ ପିଏସଏଲ ୨୦୨୬ରେ ଖେଳିବାକୁ ନିଷ୍ପତ୍ତି ନେଇଥିଲେ। ଡୁପ୍ଲେସିସ୍ ଗତ ସିଜିନରେ ଦିଲ୍ଲୀ ଡେୟାରଡେଭିଲ୍ସ ପାଇଁ ଖେଳିଥିଲେ।

୪. ମୋଇନ୍ ଅଲିଲଗାତାର ଆଠ ସିଜିନ୍ ଧରି ଆଇପିଏଲ୍ ଖେଳୁଥିବା ମୋଇନ୍ ଅଲି ଫାଫ୍ ଡୁ ପ୍ଲେସିଙ୍କ ଭଳି ସମାନ ପଥ ଅନୁସରଣ କରିଛନ୍ତି। ସେ ଏହା ମଧ୍ୟ ନିଶ୍ଚିତ କରିଛନ୍ତି ଯେ ସେ ଆଇପିଏଲ୍ 2026 ନିଲାମରେ ଅଂଶଗ୍ରହଣ କରିବେ ନାହିଁ। ତାଙ୍କୁ ପାକିସ୍ତାନ ସୁପର ଲିଗ୍ (ପିଏସ୍ଏଲ୍)ରେ ମଧ୍ୟ ଖେଳିବାକୁ ଦେଖାଯିବ। ତାଙ୍କ ଆଇପିଏଲ୍ କ୍ୟାରିୟରରେ ମୋଇନ୍ ଅଲି 73ଟି ମ୍ୟାଚ୍ ଖେଳି 1167 ରନ୍ ସ୍କୋର କରିବା ସହିତ 41ଟି ୱିକେଟ୍ ନେଇଥିଲେ।

୫. ବେନ୍ ଷ୍ଟୋକ୍ସବିସିସିଆଇର କଠୋର ନିୟମ ଯୋଗୁଁ ଇଂଲଣ୍ଡ ଅଧିନାୟକ ବେନ୍ ଷ୍ଟୋକ୍ସ ନିଲାମରେ ଅଂଶଗ୍ରହଣ କରିପାରିବେ ନାହିଁ। ସେ ଗତବର୍ଷ ମେଗା ନିଲାମୀରୁ ନାମ ପ୍ରତ୍ୟାହାର କରିଥିଲେ । ଏହାକୁ ନେଇ ବିସିସିଆଇ ଏକ ନିୟମ କରିଥିଲା । ଯଦି କୌଣସି ଖେଳାଳି ଅଂଶଗ୍ରହଣ କରିବାରେ ବିଫଳ ହୁଅନ୍ତି, ତେବେ ତାଙ୍କୁ ପରବର୍ତ୍ତୀ ଦୁଇଟି ନିଲାମୀରୁ ବାସନ୍ଦ କରାଯିବ। ଏହି କାରଣରୁ ଷ୍ଟୋକ୍ସ ଚାହିଁଲେ ମଧ୍ୟ ଅଂଶଗ୍ରହଣ କରିପାରିବେ ନାହିଁ।