ଯାତ୍ରା ଦେଖା ପରେ ଦୁଇ ଗୋଷ୍ଠୀ ମଧ୍ୟରେ ବିବାଦ, ଘରେ ପଶି ଖଣ୍ଡାରେ ହାଣିଲେ

ଭୁବନେଶ୍ୱର ୨୪।୧୧ : ରାଜଧାନୀରେ ଗୋଷ୍ଠୀ ସଂଘର୍ଷ । ରାଜଧାନୀ ଉପକଣ୍ଠ ସୁନ୍ଦରପଦା ବିରିବନ୍ଧ ଗାଁରେ ଦୁଇ ଗୋଷ୍ଠୀ ମଧ୍ୟରେ ମାର୍ପିଟ୍ ହୋଇଛି । ଯେଉଁଥିରେ ଏକାଧିକ ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ବାକି କମିଶନରେଟ୍ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଖବର ଅନୁଯାୟୀ, ସୁନ୍ଦରପଦା ବିରିବନ୍ଧ ଗାଁରେ ଗୋଷ୍ଠୀ ସଂଘର୍ଷ ହୋଇଛି। ରବିବାର ବିଳମ୍ବି ରାତିରେ ବିରିବନ୍ଧ ଗାଁ ପଡ଼ିଆରେ ଯାତ୍ରା ଚାଲିଛି । ସିଂହବାହିନୀ ପାର୍ଟି ପକ୍ଷରୁ ଶେଷ ଯାତ୍ରା ରାତି ଥିଲା । ଯାତ୍ରା ଶେଷ ପରେ କୌଣସି କାରଣକୁ ନେଇ ଦୁଇ ଗୋଷ୍ଠୀ ମଧ୍ୟରେ ପାଟିତୁଣ୍ଡ ହୋଇଥିଲା । ଯାହାକି ବିରାଟ ରୂପ ନେଇଛି । ସାମାନ୍ୟ ପାଟିତୁଣ୍ଡ ଏବେ ଗୋଷ୍ଠୀ ସଂଘର୍ଷର ରୂପ ନେଇଛି । ବିଳମ୍ବିତ ରାତିରେ ବିରିବନ୍ଧରେ ଦୁଇ ଗୋଷ୍ଠୀଙ୍କ ମଧ୍ୟରେ ମାର୍ପିଟ୍ ହୋଇଛି । ଏପିରିକି ଅନ୍ୟ ଗୋଷ୍ଠୀର ଲୋକଙ୍କ ଘରେ ପଶି ମାଡ଼ ମାରିଥିଲେ ଅନ୍ୟ ପକ୍ଷର ଲୋକ । ଯେଉଁଥିରେ ଏକାଧିକ ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଅନ୍ୟପଟେ ଗୋଷ୍ଠୀ ସଂଘର୍ଷ ସଂପର୍କରେ ଖବର ପାଇ ଏୟାରଫିଲ୍ଡ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏହାସହ ଏହି ବିବାଦରେ ସଂପୃକ୍ତ ଥିବା ୫ ଜଣଙ୍କୁ ଅଟକ ରଖି ଜେରା କରୁଛି ଏୟାରଫିଲ୍ଡ ଥାନା ପୋଲିସ ।