ମୁମ୍ଵାଇ ୨୯।୦୪: ଅମୀର ଖାନଙ୍କ ଜ୍ୱାଇଁ ଇମ୍ରାନ ଖାନ ତାଙ୍କର ପ୍ରଥମ ଚଳଚ୍ଚିତ୍ର 'ଜାନେ ତୁ ୟା ଜାନେ' ସହିତ ଡେବ୍ୟୁ କରିଥିଲେ। ଇମ୍ରାନ ତାଙ୍କର ପ୍ରଥମ ଚଳଚ୍ଚିତ୍ର ପର ଠାରୁ ଇଣ୍ଡଷ୍ଟ୍ରିରେ ପ୍ରାଧାନ୍ୟ ବିସ୍ତାର କରିଥିଲେ। ତାଙ୍କର ଡେବ୍ୟୁ ଚଳଚ୍ଚିତ୍ର ଏକ ସୁପରହିଟ୍ ବୋଲି ପ୍ରମାଣିତ ହୋଇଥିଲା। କିନ୍ତୁ ଏହା ପରେ ଇମ୍ରାନ ଖାନଙ୍କ ଯାଦୁ ଲୋକଙ୍କ ଉପରେ କାମ କରିନଥିଲା ଏବଂ ସେ ଇଣ୍ଡଷ୍ଟ୍ରିରୁ ବ୍ରେକ୍ ନେଇଥିଲେ।
ବର୍ତ୍ତମାନ ୯ ବର୍ଷ ପରେ ଇମ୍ରାନ ଖାନ ଅଭିନୟ ଜଗତକୁ କମ୍ବ୍ୟାକ୍ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରର ବିଶେଷ କଥା ହେଉଛି ଏହାକୁ ଭୀର ଦାସ ନିର୍ଦ୍ଦେଶନା ଦେଉଛନ୍ତି। ଏହି ଚଳଚ୍ଚିତ୍ରର ନାମ ହାପି ପଟେଲ । ଦୀର୍ଘ ଦିନ ଧରି ଇମ୍ରାନ ଖାନଙ୍କୁ ବଡ଼ ପରଦାରେ ଦେଖିବାକୁ ପ୍ରଶଂସକମାନେ ଅପେକ୍ଷା କରିଥିଲେ। ବର୍ତ୍ତମାନ ସେମାନେ ଇମ୍ରାନଙ୍କ କମ୍ବ୍ୟାକ୍ ବିଷୟରେ ଜାଣିବା ମାତ୍ରେ ସେମାନଙ୍କର ଖୁସିର କୌଣସି ସୀମା ନାହିଁ। ସମସ୍ତେ ଉତ୍ସାହର ସହିତ ଏହି ଚଳଚ୍ଚିତ୍ରକୁ ଅପେକ୍ଷା କରିଛନ୍ତି ।
ରିପୋର୍ଟ ଅନୁଯାୟୀ ଇମ୍ରାନ ଖାନ ଏହି ଫିଲ୍ମର ସୁଟିଂ ଗୋଆରେ ଆରମ୍ଭ କରିଛନ୍ତି। ଇମ୍ରାନଙ୍କ ସହ ଫିଲ୍ମରେ କିଏ ମୁଖ୍ୟ ଅଭିନେତ୍ରୀ ହେବେ ତାହା ଏପର୍ଯ୍ୟନ୍ତ ଚୂଡାନ୍ତ ହୋଇନାହିଁ। ତେବେ ମୋନା ସିଂ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ଦେଖିବାକୁ ମିଳିବ । ମୋନା ପୂର୍ବରୁ ଅମୀର ଖାନଙ୍କ ଅନେକ ଫିଲ୍ମରେ କାମ କରିସାରିଛନ୍ତି। ଏହି ଚଳଚ୍ଚିତ୍ରର ବିଶେଷ କଥା ହେଉଛି ଅମୀର ଖାନ ମଧ୍ୟ ଏଥିରେ ଏକ କ୍ୟାମୋ କରିବାକୁ ଯାଉଛନ୍ତି। ହାପି ପଟେଲଙ୍କ ବିଷୟରେ କହିବାକୁ ଗଲେ ଏହା କମେଡିରେ ପରିପୂର୍ଣ୍ଣ ଏକ ଫିଲ୍ମ ହେବାକୁ ଯାଉଛି। ଏହି ଚଳଚ୍ଚିତ୍ରଟି ଅମୀର ଖାନଙ୍କ ପ୍ରଡକ୍ସନ୍ ହାଉସ୍ ଅଧୀନରେ ନିର୍ମିତ ହେଉଛି ।
