ନୂଆଦିଲ୍ଲୀ: ଭାରତ ପ୍ରତ୍ୟର୍ପଣ କରିବ ପଳାତକ ମେହୁଲ ଚୋକ୍ସି । ହୀରା ବ୍ୟବସାୟୀକୁ ଭାରତ ଫେରାଇ ଆଣିବାକୁ ଉଦ୍ୟମ କରୁଛନ୍ତି କେନ୍ଦ୍ର ସରକାର । ମେହୁଲ ଚୋକ୍ସି ଗିରଫ ହେବା ପରେ ଏଭଳି ଉଦ୍ୟମ ଚାଲିଛି । ପଳାତକ ମେହୁଲ ଚୋକ୍ସିକୁ ଏପ୍ରିଲ ୧୨ ତାରିଖରେ ବେଲଜିୟମରୁ ଗିରଫ କରାଯାଇଛି । ସୋମବାର ଏନେଇ ବେଲଜିୟମ୍ ଫେଡେରାଲ ପବ୍ଲିକ୍ ସର୍ଭିସ୍ ସୂଚନା ଦେଇଛି । ଭାରତରୁ ହଜାରେ କୋଟି ଟଙ୍କାର ବ୍ୟାଙ୍କ ଠକେଇ କରି ଫେରାର୍ ହୋଇଯାଇଛି ଅଭିଯୁକ୍ତ ।
ବେଲଜିୟମରୁ ମେହୁଲ ଚୋକ୍ସି ଗିରଫ ହେବା ପରେ ଭାରତ ପ୍ରତ୍ୟର୍ପଣ ପାଇଁ କେନ୍ଦ୍ର ସରକାର ପ୍ରୟାସ ଚଳାଇଛନ୍ତି । ପଳାତକ ଦେଶକୁ ଫେରିବାରେ ସରକାରଙ୍କ ପାଇଁ ଏହା ବଡ଼ ସଫଳତା ହେବ ବୋଲି କୁହାଯାଉଛି । ଭାରତୀୟ ଅଧିକାରୀ କହିଛନ୍ତି, ମେହୁଲଙ୍କ ବିରୋଧରେ ଆଗାମୀ ଆଇନଗତ କାର୍ଯ୍ୟାନୁଷ୍ଠାନ ପାଇଁ ବେଲଜିୟମ ସରକାର ପ୍ରସ୍ତୁତ ହେଉଛନ୍ତି । ଏହାସହିତ ତାଙ୍କୁ ଲିଗାଲ୍ କାଉନସିଲ୍ ମଧ୍ୟ ଯୋଗାଇ ଦିଆଯିବ ବୋଲି କୁହାଯାଇଛି ।
ନ୍ୟୁଜ୍ ଏଜେନ୍ସି ଏଏନଆଇକୁ ବିଭାଗର ମୁଖପାତ୍ର କହିଛନ୍ତି, ମୋହୁଲ ଚୋକ୍ସିକୁ ୨୦୨୫ ଏପ୍ରିଲ୍ ୧୨ ତାରିଖ ଅର୍ଥାତ୍ ଶନିବାର ଦିନ ଗିରଫ କରାଯାଇଛି । ତାକୁ ଏବେ ଆଗମୀ ନ୍ୟାୟିକ ପ୍ରକ୍ରିୟା ପାଇଁ ପୋଲିସ ହେପାଜତରେ ରଖାଯାଇଛି । ନିଜର କାଉନସିଲିଂ ପାଇଁ ତାଙ୍କୁ ଆଇନଜୀବୀଙ୍କ ସହିତ ଆଲୋଚନା କରିବାକୁ ମଧ୍ୟ ଅନୁମତି ଦିଆଯାଇଛି । ସେପଟେ ଭାରତ ସରକାର ହୀରା ବ୍ୟବସାୟୀକୁ ପ୍ରତ୍ୟର୍ପଣ ପାଇଁ ଔପଚାରିକ ଭାବେ ଅନୁରୋଧ କରିଛନ୍ତି ବୋଲି ବେଜଜିୟମର ଫେଡେରାଲ୍ ପବ୍ଲିକ୍ ସର୍ଭିସ୍ ଅଫ୍ ଜଷ୍ଟିସ୍ ସ୍ପଷ୍ଟ କରିଛନ୍ତି ।
ମେହୁଲ ଚୋକ୍ସି ପଞ୍ଜାବ ନ୍ୟାଶନାଲ ବ୍ୟାଙ୍କ ଘୋଟାଲାରେ ଜଡ଼ିତ ଅଛନ୍ତି । ସେ ଏହି ସରକାରୀ ବ୍ୟାଙ୍କୁ ପ୍ରାୟ ହଜାରେ କୋଟିରୁ ଅଧିକ ଟଙ୍କା ଠକେଇ କରି ବିଦେଶକ ପଳାୟନ କରିଥିଲେ । ମେହୁଲ ଚୋକ୍ସି ଚିକିତ୍ସା ବାହାନା ଦେଖାଇ ସ୍ବିଜରଲ୍ୟାଣ୍ଡ ଫେରାର୍ ହେଉଥିବା ବେଳେ ବେଲଜିୟମ ପୋଲିସ ତାଙ୍କୁ ଗିରଫ କରିଥିଲା ।
