ଭୋପାଳ: କୁନୋକୁ ଜାତୀୟ ଉଦ୍ୟାନକୁ ଆସିଲେ ଦୁଇ ନୂଆ ଅତିଥି। ମଙ୍ଗଳବାର ମାଈ ଚିତା ବୀରା ଦୁଇ ଶାବକଙ୍କୁ ଜନ୍ମ ଦେଇଛି। ଏହା ସହ କୁନୋ ନ୍ୟାସନାଲ ପାର୍କରେ ଏବେ ଚିତା ସଂଖ୍ୟାରେ ବୃଦ୍ଧି ହୋଇଛି। ବର୍ତ୍ତମାନ କୁନୋରେ ସମୁଦାୟ ଚିତା ସଂଖ୍ୟା ୨୬ ହୋଇଛି। ଯେଉଁଥିରେ ୧୨ ବୟସ୍କ ଚିତା ଏବଂ ୧୪ ଶାବକ ଅଛନ୍ତି।
ସେପଟେ ଦୁଇ ଚିତା ଶାବକଙ୍କ ଜନ୍ମ ସୂଚନା ଦେଇ ମୁଖ୍ୟମନ୍ତ୍ରୀ ଡା. ମୋହନ ଯାଦବ ଖୁସି ପ୍ରକାଶ କରିବା ସହ ସେମାନଙ୍କର ଫଟୋ ସେୟାର କରିଛନ୍ତି। ଏହା ସହ ସେ ଚିତା ପ୍ରୋଜେକ୍ଟ ସହ ଜଡ଼ିତ ସବୁ ଅଧିକାରୀ, ଚିକିତ୍ସକ ଏବଂ ଫିଲ୍ଡ ଷ୍ଟାଫ୍ଙ୍କୁ ଶୁଭେଚ୍ଛା ଜଣାଇଚନ୍ତି।
ସୂଚନାଥାଉକି, ୨୦୨୨ ସେପ୍ଟେମ୍ବରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ବାରା ‘ପ୍ରୋଜେକ୍ଟ ଚିତା’ ଆରମ୍ଭ ହୋଇଥିଲା। ଏହା ଅନୁଯାୟୀ ନାମିବ୍ୟା ଏବଂ ଦକ୍ଷିଣ ଆଫ୍ରିକାରୁ ୨୦ ଚିତାଙ୍କୁ କୁନୋ ନ୍ୟାସନାଲ ପାର୍କ ଅଣାଯାଇଥିଲା। ଭାରତରେ ପ୍ରାୟ ୭୦ ବର୍ଷ ତଳେ ଚିତା ପ୍ରଜାତି ବିଲୁପ୍ତ ହୋଇଯାଇଥିଲା। କିନ୍ତୁ ଏହି ପୁନର୍ବାସ ପ୍ରକଳ୍ପ କାରଣରୁ ସେମାନଙ୍କ ସଂଖ୍ୟା ବଢ଼ାଇବାକୁ ପ୍ରୟାସ କରାଯାଉଛି। କୁନୋରେ ଚିତାଙ୍କ ପାଇଁ ପ୍ରାକୃତିକ ପରିବେଶ ସୃଷ୍ଟି କରାଯାଇଛି। ଯେପରି ସେମାନେ ସୁରକ୍ଷିତ ଏବଂ ସୁବିଧାରେ ରହିପାରିବେ। ଏ ପ୍ରକଳ୍ପ ପରେ ଏର୍ପଯ୍ୟନ୍ତ ଅନେକ ଚିତା ଶାବକଙ୍କ ଜନ୍ମ ହୋଇଛି। ଯାହା ଏହାକୁ ସଫଳ ଦର୍ଶାଉଛି।