ନୂଆଦିଲ୍ଲୀ: ଗରମରୁ ମୁକ୍ତି ପାଇଁ ଆମେ AC ବ୍ୟବହାର କରୁଛେ। କିନ୍ତୁ ସେହି AC ଆଣିପାରେ ବଡ଼ ବିପଦ। ଘରେ ଏସି ଚଲାଇ ଶୋଇଥିଲେ ସାରା ପରିବାର। କିନ୍ତୁ ହଠାତ୍‌ ACରେ ହେଲା ବିସ୍ଫୋରଣ। ନିଆଁର ପ୍ରକୋପ ଏତେ ଥିଲା, କେହିବି ବର୍ତ୍ତିପାରିନଥିଲେ। ଏହି ଦୁର୍ଘଟଣାରେ ପରିବାରର ତିନି ଜଣ ସଦସ୍ୟଙ୍କ ମୃତ୍ୟୁ ଘଟିଛି, ଯେତେବେଳେ ଗୋଟିଏ ପୁଅ ଗୁରୁତର ଆହତ ହୋଇ ହସ୍ପିଟାଲରେ ଜୀବନ ଏବଂ ମୃତ୍ୟୁ ମଧ୍ୟରେ ସଂଘର୍ଷ କରୁଛି। ରବିବାର ସକାଳେ ହରିୟାଣାର ଫରିଦାବାଦର ଗ୍ରୀନ୍ ଫିଲ୍ଡ କଲୋନୀରେ ଏକ ଦୁଃଖଦ ଘଟଣା ଘଟିଛି।

ସୋମବାର ଭୋର ୩ଟାରେ ଏହି ଘଟଣା ଘଟିଥିଲା, ସାରା ପରିବାର ନିଜ ନିଜ ରୁମ୍‌ରେ ଶୋଇଥିଲେ। ପ୍ରଥମ ମହଲାରେ ନିଆଁରୁ ବାହାରୁଥିବା ଧୂଆଁ ସିଧାସଳଖ ଦ୍ୱିତୀୟ ମହଲାକୁ ପହଞ୍ଚିଥିଲା। ଧୂଆଁ ଯୋଗୁଁ କୋଠରୀ ଭିତରେ ନିଶ୍ୱାସ ନେବା କଷ୍ଟକର ହୋଇଗଲା ଏବଂ ଧୀରେ ଧୀରେ ସ୍ୱାମୀ, ସ୍ତ୍ରୀ ଏବଂ ସେମାନଙ୍କ ଝିଅ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିଲା ଘଟଣା ସମ୍ପର୍କରେ ସୂଚନା ପାଇବା ପରେ ସ୍ଥାନୀୟ ଲୋକମାନେ ତୁରନ୍ତ ପୋଲିସ ଏବଂ ଅଗ୍ନିଶମ ବିଭାଗକୁ ସୂଚନା ଦେଇଥିଲେ। ଗ୍ରୀନ ଫିଲ୍ଡ କଲୋନି ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଇଛି। ଅଗ୍ନିଶମ ବିଭାଗ ବହୁ ପରିଶ୍ରମ ପରେ ନିଆଁକୁ ନିୟନ୍ତ୍ରଣ କରିଛି।

ଜଣେ ପଡ଼ୋଶୀ  କହିଛନ୍ତି ଯେ ଏସି ବିସ୍ଫୋରଣ ଯୋଗୁଁ ପ୍ରଥମ ମହଲାରେ ନିଆଁ ଲାଗିଥିଲା। ତଥାପି, ଯେଉଁ ଫ୍ଲାଟରେ ନିଆଁ ଲାଗିଥିଲା ​​ସେହି ଫ୍ଲାଟର ଲୋକମାନେ ସୁରକ୍ଷିତ ଭାବରେ ବାହାରକୁ ଆସିଯାଇଥିଲେ, କିନ୍ତୁ ପ୍ରଥମ ମହଲାରୁ ଧୂଆଁ ଦ୍ୱିତୀୟ ମହଲାକୁ ପହଞ୍ଚିଥିଲା। ଶୋଇଥିବା ଲୋକମାନେ ଏହାର ସୂଚନା ମଧ୍ୟ ପାଇ ନଥିଲେ। ଡୋର୍‌ ଭିତରୁ ବନ୍ଦ ହୋଇଯାଇଥିଲା, ଯାହା ଫଳରେ ସ୍ୱାମୀ, ସ୍ତ୍ରୀ ଏବଂ ଝିଅ ଶ୍ୱାସରୁଦ୍ଧ ହୋଇ ମୃତ୍ୟୁବରଣ କରିଥିଲେ।

ଏହି ପରିବାର ଦୀର୍ଘ ଦିନ ଧରି ଗ୍ରୀନ ଫିଲ୍ଡ କଲୋନିରେ ରହୁଥିଲା। ପୁଅ ଗୁରୁତର ଆହତ ହୋଇଛି ଏବଂ ତାଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଡାକ୍ତରଙ୍କ ଅନୁସାରେ, ତାଙ୍କ ଅବସ୍ଥା ଗୁରୁତର ରହିଛି ଏବଂ ଚିକିତ୍ସା ଚାଲିଛି। ବିଳମ୍ବିତ ରାତିରେ ଘରୁ ଧୂଆଁ ଉଠିବା ଦେଖି ପଡ଼ୋଶୀମାନେ ଭୟଭୀତ ହୋଇ ପଡିଥିଲେ ଏବଂ ତୁରନ୍ତ ଚିତ୍କାର କରି ଅନ୍ୟମାନଙ୍କୁ ଉଠାଇ ଦେଇଥିଲେ ବୋଲି କହିଛନ୍ତି। ଯଦି ସମୟ ମଧ୍ୟରେ ନିଆଁକୁ ନିୟନ୍ତ୍ରଣ କରାଯାଇଥାନ୍ତା, ତେବେ ହୁଏତ ଏତେ ବଡ଼ ଦୁର୍ଘଟଣାକୁ ରୋକାଯାଇପାରିଥାନ୍ତା। ଏହି ଦୁର୍ଘଟଣା ପରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି। ଜଣେ ପୋଲିସ ଅଧିକାରୀ କହିଛନ୍ତି ଯେ ମୃତଦେହଗୁଡ଼ିକର ପୋଷ୍ଟମର୍ଟମ କରାଯିବ। ଦୁର୍ଘଟଣାର ତଦନ୍ତ କରାଯାଉଛି।