ଆଫଗାନିସ୍ତାନ-ପାକିସ୍ତାନ ଯୁଦ୍ଧରେ ଏଣ୍ଟ୍ରି କରିବେ କି ଟ୍ରମ୍ପ? ଶେହବାଜ-ମୁନୀରଙ୍କ ପ୍ରସଙ୍ଗ ଦୋହରାଇଲେ

ନୂଆଦିଲ୍ଲୀ ୨୮/୦୨: ଅଟକିଯିବ କି ଭୟଙ୍କର ଯୁଦ୍ଧ । କାରଣ ମୈଦାନରେ ଏଣ୍ଟ୍ରି କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ବଢ଼ୁଥିବା ବିବାଦରେ ମଧ୍ୟସ୍ଥତା କରିବେ ଟ୍ରମ୍ପ । ଏ ସମ୍ପର୍କରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି । ଟ୍ରମ୍ପ କହିଛନ୍ତି ଯେ ଆବଶ୍ୟକ ହେଲେ ଆମେରିକା ହସ୍ତକ୍ଷେପ କରିବାକୁ ପ୍ରସ୍ତୁତ ।

ତଥାପି, ସେ ଏହା ମଧ୍ୟ କହିଛନ୍ତି ଯେ ତାଙ୍କର ପାକିସ୍ତାନ ସହିତ ବହୁତ ଭଲ ସମ୍ପର୍କ ରହିଛି। ଗଣମାଧ୍ୟମର ପ୍ରଶ୍ନର ଉତ୍ତର ଦେଇ ଟ୍ରମ୍ପ କହିଛନ୍ତି, "ମୁଁ ହସ୍ତକ୍ଷେପ କରିବି । କାରମ ମୋର ପାକିସ୍ତାନ ସହିତ ବହୁତ ଭଲ ସମ୍ପର୍କ ଅଛି।ଏହାରି ଭିତରେ ସେ ଶେହବାଜ ସରିଫ ଓ ମୁନିରଙ୍କ ପ୍ରଶଂସା କରି କହିଥିଲେ । କହିଥିଲେ ପାକିସ୍ତାନର ପ୍ରଧାନମନ୍ତ୍ରୀ ଓ ସେନା ମୁଖ୍ୟ ଉଭୟ ମହାନ ନେତା । ମୋର ଉଭୟଙ୍କ ପ୍ରତି ବହୁତ ସମ୍ମାନ ଅଛି। ଆଞ୍ଚଳିକ ରାଜନୀତିରେ ଟ୍ରମ୍ପଙ୍କ ଏହି ବକ୍ତବ୍ୟକୁ ବହୁତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।

ସୂଚନା ଥାଉକି, ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ଉତ୍ତେଜନା ଶୀର୍ଷରେ ରହିଛି । ଦୁଇ ଦେଶ ମଧ୍ୟରେ ସୀମାରେ ସାମରିକ କାର୍ଯ୍ୟକଳାପର ରିପୋର୍ଟ ନିରନ୍ତର ପ୍ରକାଶ ପାଉଛି । ଟ୍ରମ୍ପଙ୍କ ବକ୍ତବ୍ୟ ସ୍ପଷ୍ଟ ଭାବରେ ସୂଚାଇ ଦେଉଛି ଯେ ଆମେରିକା ପରିସ୍ଥିତି ଉପରେ କଡ଼ା ନଜର ରଖିଛି । ଆବଶ୍ୟକ ହେଲେ ହସ୍ତକ୍ଷେପ କରିପାରେ।ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ବୃଦ୍ଧି ପାଉଥିବା ସଶସ୍ତ୍ର ସଂଘର୍ଷ ମଧ୍ୟରେ, ଶୁକ୍ରବାର ଦିନ ରୁଷ ଦୁଇ ଦେଶକୁ ମୁକାବିଲା ସମାପ୍ତ କରିବାକୁ ଏବଂ କୂଟନୈତିକ ଉପାୟରେ ସେମାନଙ୍କର ମତଭେଦ ସମାଧାନ କରିବାକୁ ଅନୁରୋଧ କରିଛି ।

#WATCH | On Pakistan-Afghanistan conflict, US President Donald Trump says, "I would (intervene). But I get along with Pakistan very very well. They have a great Prime Minister, a great General. They have a great leader. Two of the people that I really respect a lot. Pakistan is… pic.twitter.com/LjPXCVmdJs

— ANI (@ANI) February 27, 2026

ସୀମାରେ ଆଫଗାନ ତାଲିବାନ ଦ୍ୱାରା କରାଯାଇଥିବା କଥିତ ଆକ୍ରମଣର ଜବାବରେ ପାକିସ୍ତାନ ଏକ ସାମରିକ ଅଭିଯାନ ଆରମ୍ଭ କରିଛି । ଦାବି କରିଛି ଯେ ଅପରେସନ୍ ଗାଜବ୍ ଲିଲ୍ ହକ୍ ରେ ୧୩୩ ତାଲିବାନ ଯୋଦ୍ଧା ନିହତ ହୋଇଛନ୍ତି।ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ୨,୬୧୧ କିଲୋମିଟର ଲମ୍ବା ସୀମା, ଯାହାକୁ ଡୁରାଣ୍ଡ ରେଖା କୁହାଯାଏ । କାବୁଲ ଦ୍ୱାରା ଆନୁଷ୍ଠାନିକ ଭାବରେ ସ୍ୱୀକୃତିପ୍ରାପ୍ତ ନୁହେଁ। ଆଫଗାନିସ୍ତାନ ଓ ପାକିସ୍ତାନ ମଧ୍ୟରେ ସଶସ୍ତ୍ର ସଂଘର୍ଷର ତୀବ୍ର ଉତ୍ତେଜନା ଉପରେ ରୁଷ ବୈଦେଶିକ ମନ୍ତ୍ରଣାଳୟ ଚିନ୍ତା ପ୍ରକାଶ କରିଛି । ଯେଉଁଥିରେ ନିୟମିତ ସାମରିକ ୟୁନିଟ୍, ବାୟୁସେନା ଏବଂ ଭାରୀ ଅସ୍ତ୍ରଶସ୍ତ୍ର ବ୍ୟବହାର ଅନ୍ତର୍ଭୁକ୍ତ।

ସେପଟେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାରିଆ ଜାଖାରୋଭା ଏକ ବିବୃତ୍ତିରେ କହିଛନ୍ତି ଯେ ସାଧାରଣ ନାଗରିକଙ୍କ ସମେତ ଉଭୟ ପକ୍ଷରେ କ୍ଷତି ହୋଇଛି। ଆମେ ଆମର ବନ୍ଧୁ ଦେଶ, ଆଫଗାନିସ୍ତାନ ଏବଂ ପାକିସ୍ତାନକୁ ଏହି ବିପଜ୍ଜନକ ସଂଘର୍ଷ ବନ୍ଦ କରିବା ପାଇଁ ଆଲୋଚନା ଟେବୁଲକୁ ଫେରିବାକୁ ଏବଂ ରାଜନୈତିକ ଏବଂ କୂଟନୈତିକ ମାଧ୍ୟମରେ ସମସ୍ତ ମତଭେଦ ସମାଧାନ କରିବାକୁ ଆହ୍ୱାନ କରୁଛୁ।

also read..

ଇସ୍ରାଏଲ ନିକଟରେ ପହଞ୍ଚିଲା ୟୁଏସଏସ୍ ଜେରାଲ୍ଡ ଆର. ଫୋର୍ଡ; ଆମେରିକା ରାଷ୍ଟ୍ରପତିଙ୍କୁ ଆକ୍ରମଣର ପ୍ଲାନ୍ ବୁଝାଇଲା ସେନା