ନୂଆଦିଲ୍ଲୀ ୧୯।୦୩; ସଫଳତାର ସହ ପୃଥିବୀ ପୃଷ୍ଠକୁ ଫେରିଲେ ସୁନୀତା ୱିଲିୟମ୍ସ। ସୁନୀତାଙ୍କ ସମେତ ସାଥୀ ବୁଚ୍ ୱିଲମୋର ଏବଂ ଅନ୍ୟ ୨ ମହାକାଶଚାରୀ ସଫଳତାର ସହ ପୃଥିବୀ ପୃଷ୍ଠରେ ଅବତରଣ କରିଛନ୍ତି। ଆମେରିକାର ଫ୍ଲୋରିଡ଼ା ତଟରେ ଭାରତୀୟ ସମୟ ଭୋର୍ ୩ଟା ୨୭ ମିନିଟରେ ଲାଣ୍ଡିଂ କରିଛି ଡ୍ରାଗନ୍ କ୍ୟାପସୁଲ୍। ନାସା ଏବଂ ସ୍ପେଶ୍ ଏକ୍ସର ମିଳିତ ଉଦ୍ୟମରେ ସଫଳତାର ସହ ପୃଥିବୀରେ ପହଞ୍ଚିଛନ୍ତି ୪ ମହାକାଶଚାରୀ।
Pod of dolphins spotted circling the SpaceX capsule following its splashdown in the Gulf of America.
— Collin Rugg (@CollinRugg) March 18, 2025
The moment came following Suni Williams and Butch Wilmore's 17-hour return to Earth after spending 9 months in space.
So cool. pic.twitter.com/6PCVaPQ8Ki
ଫ୍ଲୋରିଡା ସମୁଦ୍ର ତଟରେ ଡ୍ରାଗନ୍ କ୍ୟାପସୁଲ ପଡିବା ପରେ ଦେଖିବାକୁ ମିଳିଥିଲା ଆଶ୍ଚର୍ଯ୍ୟଜନକ ଦୃଶ୍ୟ। ଡ୍ରାଗନ କ୍ୟାପସୁଲକୁ ଦେଖି ଡଲଫିନ ଘେରି ରହିଥିଲେ। ଦେଖିଲେ ଲାଗୁଥିଲା ଯେମିତି ସେମାନେ ଖୁସିରେ ଡ୍ରାଗନ୍ କ୍ୟାପସୁଲ ଚାରିପଟେ ନାଚୁଛନ୍ତି। ସୁନୀତା ୱିଲିୟମ୍ସ, ବୁଚ୍ ୱିଲମୋର, ଆଲେକ୍ସଜାଣ୍ଡାର୍ ଗୋର୍ବୁନୋଭ ଏବଂ ନିକ ହେଗ କ୍ୟାପସୁଲ ଭିତରେ ବସି ଅନେକ ଡଲଫିନ୍ ସେମାନଙ୍କ ଚାରିପାଖରେ ବୁଲୁଥିବାର ଦେଖିଲେ। ଏହି ସମୟରେ ଉଦ୍ଧାରକାରୀ ଦଳ ମଧ୍ୟ ତାଙ୍କ ନିକଟରେ ଉପସ୍ଥିତ ଥିଲେ। କିନ୍ତୁ ଡଲଫିନନ୍ମାନେ ବାରମ୍ବାର କ୍ୟାପସୁଲ ନିକଟକୁ ଆସୁଥିଲେ, ଯେପରି ଲାଗୁଥିଲା ସେମାନେ ସୁନୀତା ୱିଲିୟମ୍ସଙ୍କ ସମେତ ସମସ୍ତ ମହାକାଶଚାରୀଙ୍କୁ ସ୍ୱାଗତ କରିବାକୁ ଉତ୍ସାହିତ ଥିଲେ।
ଭିଡିଓରେ ସ୍ପେସ୍ ଏକ୍ସର ଡ୍ରାଗନ୍ କ୍ୟାପସୁଲକୁ ଘେରି ରହିଥିବା ଏକ ଡଲଫିନ୍ ମଧ୍ୟ ଦେଖିପାରିବେ। ଯାହା ସୋସିଆଲ ମିଡିଆରେ ବିଭିନ୍ନ ଲୋକଙ୍କ ଦ୍ୱାରା ସେୟାର କରାଯାଉଛି । ଭିଡିଓରେ ଏହା ଦେଖିବାକୁ ମିଳେ ଯେ ଲାଇଭ୍ ଲ୍ୟାଣ୍ଡିଂ ସମୟରେ କ୍ୟାପସୁଲ୍ ଚାରିପାଖରେ ଅନେକ ଡଲଫିନ୍ ଘୁରି ବୁଲୁଛନ୍ତି। ମହାକାଶଚାରୀଙ୍କୁ ସତେଯେମିତି ଡଲଫିନ୍ ଗୁଡ଼ିକ କିଛି କହିବାକୁ ଚାହୁଁଛନ୍ତି।
