ସମ୍ବଲପୁର ୨୩।୫: ସମ୍ବଲପୁରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସାମ୍ବାଦିକ ସମ୍ମିଳନୀ । ଧର୍ମେନ୍ଦ୍ର କହିଛନ୍ତି, ପ୍ରାର୍ଥୀ ଘୋଷଣା ହେବା ପରେ ମୁଁ ଆପଣଙ୍କ ମାନଙ୍କ ସହ ନିରନ୍ତର ଭାବରେ ଅଛି । ୨ ମାସ ହେବ ଘନଘନ ଅଭିଯାନ ମାଧ୍ଯମରେ ଆପଣଙ୍କ ସହ ମିଶିଛି । ଏ ଅଂଚଳର ପ୍ରସଙ୍ଗ, ଆକାଂକ୍ଷା ଓ ଅପେକ୍ଷା ବାବଦରେ ଅବଗତ ଅଛି । ଆପଣ ମାଧ୍ଯମରେ ଅନେକ ନୂଆ ପ୍ରସଙ୍ଗ ବାବଦରେ ଅବଗତ ହେଲି । ଏଥର ନିର୍ବାଚନ ପ୍ରସଙ୍ଗ ଭିତ୍ତିକ ହେଉ ବୋଲି ବିଜେପି ଚାହିଁଛି । ରେକର୍ଡ ସଂଖ୍ଯାରେ ମତଦାନ ସମ୍ବଲପୁରରେ ହେଉ ବୋଲି ନିବେଦନ କରିଛନ୍ତି । ପୂର୍ବଥର ଅପେକ୍ଷା ଅଧିକ ଭୋଟ ଦାନ ହୋଇଛି ଗତ ୨ଟି ପର୍ଯ୍ଯାୟ ନିର୍ବାଚନରେ । ଓଡିଶାରେ ପରିବର୍ତ୍ତନ ବାରି ହେଉଛି । ଓଡିଶାରେ ବହୁମତ ସହ ବିଜେପି ସରକାର ଗଠନ ହେବ । ପ୍ରଧାନମନ୍ତ୍ରୀ ମଧ୍ଯ ଏକଥା କହିଥିବା ଧର୍ମେନ୍ଦ୍ର ପ୍ରଧାନ କହିଛନ୍ତି । ସମ୍ବଲପୁରରେ ରହି ଯେଉଁ ପ୍ରସଙ୍ଗ ଉଠାଇଛୁ ତାହା ରାଜ୍ଯରେ ଗୁଂଜରଣ ହୋଇଛି । ମହାନଦୀ ତଳେ ହୀରାକୁଦରେ ହୋଲି ସମୟରେ ଡାଇରିଆ ହୋଇଛି । ତା ମାନେ ସମ୍ବଲପୁରରେ ଅଂଚଳରେ ସ୍ବଚ୍ଛତା ଅଭାବ ଅଛି । ସମ୍ବଲପୁରରେ ନାଳି କୋଉଟା ଗଳି କୋଉଟା ଜଣାପଡୁଛି । ଲୋକଙ୍କଠାରୁ ଟ୍ଯାକ୍ସ ନେଇ ସେବା ନଦେବା କ୍ରିମିନାଲ ଅଫେନ୍ସ । ଏହାର ଦାୟୀ କିଏ ହେବ ଭୋଟ ନିର୍ଣ୍ଣୟ କରିବ । ଆମର ପ୍ରତିଦ୍ବନ୍ଦୀ ସବୁଆଡେ ଗଲେ ହେଲେ ଜିଲ୍ଲା ବାହାରକୁ ଯାଇ ଆଶୀର୍ବାଦ ନେଲେ ନାହିଁ । ହାଇକୋର୍ଟ ଏହି ଅଂଚଳର ପୁରୁଣା ଦାବି । ପଶ୍ଚିମାଂଚଳ ଓ ସମ୍ବଲପୁରକୁ ଅଣଦେଖା କରୁଛି । WODCର କାର୍ଯ୍ଯାଳୟ ଭୁବନେଶ୍ବର କାହିଁକି ଏହାର ଉତ୍ତର କିଏ ଦେବ । ଓଡିଶାରେ ମାଟ୍ରିକ ପରେ ୫୦ ପ୍ରତିଶତ ଛୁଆ ପାଠ ଛାଡିଛନ୍ତି । ଡାକ୍ତରଖାନାରେ ଡାକ୍ତର ନାହାନ୍ତି । ଜିଏମ ବିଶ୍ବବିଦ୍ଯାଳୟରେ ଅଧ୍ଯାପକ ନାହାନ୍ତି । ସମ୍ବଲପୁରକୁ ଭାରତର ୫୦ଟି ସହରର ତାଲିକାରେ ସ୍ଥାନ ଦେବା ପାଇଁ ପ୍ରୟାସ ହେବ । ଆଇଟି ହବ୍, ଇନୋଭେସନ, ବିକାଶ ଉପରେ ସହରକୁ ଧ୍ଯାନ ଦିଆଯିବ । ମୁଖ୍ଯମନ୍ତ୍ରୀ କହିବା ପାଇଁ ଲୋକ ଭଡାରେ ଆସିଛନ୍ତି । ମଧୁବାବୁ, ଗଙ୍ଗାଧର ମେହେର ମହାପୁରୁଷ ମାନେ କଣ ଭାବୁଥିବେ ବୋଲି ଧର୍ମେନ୍ଦ୍ର କହିଛନ୍ତି ।
You Can Read :
ବିଜେପିରେ ମିଶିଲେ ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ଦଳୀୟ ପ୍ରଚାରରେ ହେଲେ ସାମିଲ