ନୂଆଦିଲ୍ଲୀ ୨୫/୦୮: ରାଜଧାନୀ ଦିଲ୍ଲୀରେ ଯାତ୍ରା କରିବା ଏଣିକି ମହଙ୍ଗା । ଖାସ୍ କରି ଦିଲ୍ଲୀରେ ମେଟ୍ରୋ ଟ୍ରାଭେଲ କରିବା ଲୋକଙ୍କୁ ସାଧିବ ଦାଉ । ରେଳ ନିଗମ (DMRC) ଯାତ୍ରୀମାନଙ୍କ ପାଇଁ ଭଡ଼ା ସାମାନ୍ୟ ବୃଦ୍ଧି କରିଛି । DMRC ଏକ ପୂର୍ବ ପୋଷ୍ଟରେ ସୂଚନା ଦେଇଛି ଯେ ନୂତନ ଦର ୨୫ ଅଗଷ୍ଟ ୨୦୨୫ (ସୋମବାର) ଠାରୁ କାର୍ଯ୍ୟକାରୀ ହୋଇଛି। ନୂତନ ନିୟମ ଅନୁଯାୟୀ, ଭଡ଼ା ଏକ ଟଙ୍କାରୁ ଚାରି ଟଙ୍କାକୁ ବୃଦ୍ଧି କରାଯାଇଛି । ସେହି ସମୟରେ, ବିମାନବନ୍ଦର ଏକ୍ସପ୍ରେସ ଲାଇନରେ ଏହି ବୃଦ୍ଧି ସର୍ବାଧିକ ପାଞ୍ଚ ଟଙ୍କା ପର୍ଯ୍ୟନ୍ତ ହେବ।
The passenger fares of the Delhi Metro services have been revised with effect from today, that is, 25th August 2025 (Monday) onwards. The increase is minimal, ranging from ₹ 1 to ₹ 4 only depending on the distance of travel (upto ₹5 for the Airport Express Line). The new fare… pic.twitter.com/gOgOGmebxz
— Delhi Metro Rail Corporation (@OfficialDMRC) August 25, 2025
ଦିଲ୍ଲୀ ମେଟ୍ରୋରେ ଯାତ୍ରା କରୁଥିବା ଲୋକଙ୍କ ପାଇଁ ଏକ ବଡ଼ ପରିବର୍ତ୍ତନ ଆସିଛି । ଦିଲ୍ଲୀ ମେଟ୍ରୋ ରେଳ କର୍ପୋରେସନ (DMRC) ଦୀର୍ଘ ସମୟ ପରେ ପୁଣି ଥରେ ଏହାର ଭଡ଼ା ବୃଦ୍ଧି କରିଛି। ଏହା ଆଜି ଅର୍ଥାତ୍ ୨୫ ଅଗଷ୍ଟରୁ ଲାଗୁ ହୋଇଛି। ସମସ୍ତ ଲାଇନରେ ଭଡ଼ା ୧ ଟଙ୍କାରୁ ୪ ଟଙ୍କା ଏବଂ ଏୟାରପୋର୍ଟ ଏକ୍ସପ୍ରେସ ଲାଇନରେ ୧ ଟଙ୍କାରୁ ୫ ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି।
ଡିଏମ୍ଆରସି ଅନୁଯାୟୀ, ଏବେ ଦିଲ୍ଲୀ ମେଟ୍ରୋର ସର୍ବନିମ୍ନ ଭଡ଼ା ୧୧ ଟଙ୍କା ଏବଂ ସର୍ବାଧିକ ଭଡ଼ା ୬୪ ଟଙ୍କା ହେବ। ଏହି ପରିବର୍ତ୍ତନ ୮ ବର୍ଷ ପରେ କରାଯାଇଛି, ଯାହା ଲକ୍ଷ ଲକ୍ଷ ଯାତ୍ରୀଙ୍କ ଖର୍ଚ୍ଚକୁ ପ୍ରଭାବିତ କରିବ। ଏୟାରପୋର୍ଟ ଏକ୍ସପ୍ରେସ୍ ଲାଇନରେ ଭଡ଼ା ୫ ଟଙ୍କା ବୃଦ୍ଧି ପାଇଛି। ଦିଲ୍ଲୀ ମେଟ୍ରୋ ରେଳ କର୍ପୋରେସନ ସୋସିଆଲ ମିଡିଆ ପ୍ଲାଟଫର୍ମ X ରେ ଲେଖିଛି, "ଦିଲ୍ଲୀ ମେଟ୍ରୋ ସେବାର ଯାତ୍ରୀ ଭଡା ଆଜି ଅର୍ଥାତ୍ ୨୫ ଅଗଷ୍ଟ ୨୦୨୫ (ସୋମବାର) ଠାରୁ ପରିବର୍ତ୍ତନ କରାଯାଇଛି।
DMRC କହିଛି ଯେ ଭଡାରେ ଏହି ବୃଦ୍ଧି ପରିଚାଳନା ଖର୍ଚ୍ଚ ଏବଂ ସେବା ଗୁଣବତ୍ତା ବଜାୟ ରଖିବା ପାଇଁ କରାଯାଇଛି। ବୃଦ୍ଧି ପାଉଥିବା ମୁଦ୍ରାସ୍ଫୀତି ଏବଂ ରକ୍ଷଣାବେକ୍ଷଣ ଖର୍ଚ୍ଚ ଯୋଗୁଁ ଏହି ପଦକ୍ଷେପ ଆବଶ୍ୟକ ହୋଇଯାଇଥିଲା।
