ଭୁବନେଶ୍ବର ୭।୫: ବନ୍ୟା ବାତ୍ୟାକୁ ଦେଖି ହୁଏ, ଶୁଣି ହୁଏ, ହେଲେ ଗ୍ରୀଷ୍ମ ପ୍ରବାହ ଏମିତି ଗୋଟିଏ ପ୍ରାକୃତିକ ବିପର୍ଯ୍ୟୟ ଯାହା ଅଦୃଶ୍ୟ । ଏହାର ଶିକାର ହେବା ପରେ ହିଁ ମଣିଷ ଅନୁଭବ କରେ । ଏବେ ପର୍ଯ୍ୟନ୍ତ ଅଂଶୁଘାତ ମୃତ୍ୟୁ ରିପୋର୍ଟ ହସ୍ତଗତ ହୋଇନି । ଗ୍ରୀଷ୍ମ ନେଇ ସତର୍କ ହେବାର ଆବଶ୍ୟକତା ଅଛି ବୋଲି କହିଲେ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ।
ମନ୍ତ୍ରୀ କହିଛନ୍ତି, ବିଳମ୍ବରେ ପୋଷ୍ଟ ମର୍ଟମ ରିପୋର୍ଟ ଆସୁଥିବାରୁ ଅଂଶୁଘାତ ମୃତ୍ୟୁ ଜଣା ପଡୁନି । ଡାକ୍ତର ବି ଠିକ୍ ଭାବେ ଏହା ଜାଣି ନପାରି ଭିସେରା ପରୀକ୍ଷା ପାଇଁ ପଠାଉଛନ୍ତି । ଓଡ଼ିଶାରେ ଏଯାଏଁ ଗୋଟିଏ ବି ଅଂଶୁଘାତ ମୃତ୍ୟୁ ରିପୋର୍ଟ ଆସିନି । ବଲାଙ୍ଗିରରୁ ଗୋଟିଏ ଅଭିଯୋଗ ଆସିଛି । ହେଲେ ତାର ପୋଷ୍ଟମର୍ଟମ ରିପୋର୍ଟ ଆସିନି । ସବୁ ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦିଆଯାଇଛି ଯେ ଏପରି ଘଟଣାକୁ ଅଗ୍ରାଧିକାର ଦେଇ ପୋଷ୍ଟମର୍ଟମ କରିବେ । ଯାହା ଫଳରେ ମୃତକଙ୍କ ପରିବାରକୁ କ୍ଷତିପୂରଣ ମିଳିପାରିବ ବୋଲି ସୁରେଶ ପୂଜାରୀ କହିଛନ୍ତି ।
You Can Read:
ଏଟିଏମ୍ କାର୍ଡ ଚୋରି କରି ଆକାଉଣ୍ଟରୁ ଅର୍ଥ ଲୁଟ୍ : ୩ ଲୁଟେରା ଗିରଫ, ୫୧ କାର୍ଡ ସହ ଲକ୍ଷାଧିକ ଟଙ୍କା ଜବତ
