ଅକ୍ଷୟ ଖାନାଙ୍କ ପୂର୍ବରୁ ଏହି ସାଉଥଷ୍ଟାରଙ୍କୁ ଅଫର୍ ହୋଇଥିଲା ଧୁରନ୍ଧର, ଅଭିନେତା କଲେ ଖୁଲାସା

ମୁମ୍ବାଇ ୧୫।୦୨ : ବଲିଉଡ୍ ଫିଲ୍ମ ‘ଧୁରନ୍ଧର’ ବକ୍ସ ଅଫିସରେ କମାଲ କରିଛି । ଦର୍ଶକେ ଏହାକୁ ବେଶ ଭଲା ପାଇବା ଦେଇଥିବାବେଳେ ରେକର୍ଡ ରୋଜଗାର ମଧ୍ୟ କରିଛି । ତେବେ ସୁପରଷ୍ଟାର ରଣବୀର ସିଂହଙ୍କ ସହ ଅକ୍ଷୟ ଖାନ୍ନାଙ୍କ ଅଭିନୟ ଦର୍ଶକଙ୍କୁ ବେଶ ଆକୃଷ୍ଟ କରିଥିଲା । ଏହାସହ ତାଙ୍କ ଏଣ୍ଟ୍ରି ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ମଧ୍ୟ ହୋଇଥିଲା । ଅଭିନୟରେ ଚାରଚାନ୍ଦ ଲଗାଇଥିବା ଅକ୍ଷୟ ଖାନ୍ନାଙ୍କୁ ବେଶ ପ୍ରଂଶସା ମଧ୍ୟ କରାଯାଇଥିଲା । ତେବେ ଏହି ଭୂମିକାଟି ଫିଲ୍ମକୁ କେତେ ସଫଳତା ଦେଇଛି ତାହା ସମସ୍ତଙ୍କୁ ବେଶ ଭଲ ଭାବେ ଜଣା । ତେବେ ଏହି ଚରିତ୍ର ପାଇଁ ପ୍ରଥମେ ଦକ୍ଷିଣ ଫିଲ୍ମ ଜଗତର ମେଗାଷ୍ଟାର ନାଗାର୍ଜୁନଙ୍କୁ ଅଫର ମିଳିଥିବା ସୋସିଆଲ ମିଡିଆରେ ଚର୍ଚ୍ଚା ହେଉଛି।

ଏହି ଚର୍ଚ୍ଚା ଭିତରେ ନୀରବତା ଭାଙ୍ଗିଛନ୍ତି ନାଗାର୍ଜୁନ । ସେ କହିଛନ୍ତି କି,ଏହା ଏକ ଗୁଜବ । ମୋତେ ସେଭଳି କିଛି ଅଫର୍ ମିଳିନଥିଲା । ମାତ୍ର ଏଭଳି ଚରିତ୍ର କରିବାକୁ ମୁଁ ପସନ୍ଦ କରେ । ଯଦି ମୁଁ ଚାହିଁଥାନ୍ତି ତାହେଲେ ହୁଏତ ମୋତେ ମିଳିଥାନ୍ତା । ମାତ୍ର ମୁଁ ସେମିତି କୌଣସି ପ୍ରୟାସ ମଧ୍ୟ କରିନାହିଁ । ସେପଟେ ଏହି ଫିଲ୍ମକୁ ମଧ୍ୟ ପ୍ରଂଶସା କରିଛନ୍ତି । ସେ କହିଛନ୍ତି କି,ଏହା ଏକ ଉଚ୍ଚ କୋଟିର ଫିଲ୍ମ । ଦର୍ଶକେ ଏହାକୁ ବେଶ ଭଲ ପାଇବା ଦେଇଥିବାବେଳେ ବିଦେଶରେ ମଧ୍ୟ ଏହା ପ୍ରଂଶସିତ ହୋଇଛି । ଅକ୍ଷୟ ଖାନ୍ନାଙ୍କ ଅଭିନୟ ବେଶ ମନ ପସନ୍ଦର ହୋଇଛି ବୋଲି ମଧ୍ୟ କହିଛନ୍ତି । ଏହାସହ ସେ‘ଉରି’ଫିଲ୍ମକୁ ମଧ୍ୟ ପ୍ରଂଶସା କରିଛନ୍ତି ।

‘ଧୁରନ୍ଧର’ଫିଲ୍ମକୁ ଦେଶ ଏବଂ ବିଦେଶରେ ଅନେକ ପ୍ରଂଶସା ମିଳିଛି । ବ୍ୟବସାୟ ଦୃଷ୍ଟି କୋଣରୁ ଯଦି ଦେଖିବା ତାହେଲେ କେବଳ ଭାରତରେ ୮୦୦ କୋଟିରୁ ଅଧିକ ଟଙ୍କା ଆୟ କରିଛି । ବିଶ୍ବବ୍ୟାପୀ କଲେକ୍ସନକୁ ଯଦି ମିଶାଇବା ତାହେଲେ ଏହା ୧୩୦୦ କୋଟିରୁ ଅଧିକ ଟଙ୍କା ଆୟ କରିଛି । ଯାହାକି ସର୍ବାଧିକ ରୋଜଗାର କରିଥିବା ଭାରତୀୟ ସିନେମା ମଧ୍ୟରେ ଚତୁର୍ଥ ସ୍ଥାନରେ ରହିଛି । ଡିସେମ୍ବର ୨୫,୨୦୨୫ ମସିହାରେ ଏହି ଫିଲ୍ମଟି ରିଲିଜ୍ ହୋଇଥିବାବେଳେ ଦ୍ବିତୀୟ ଭାଗ ୧୯ ମାର୍ଚ୍ଚ ୨୦୨୬ରେ ରିଲିଜ୍ ହେବାକୁ ଯାଉଛି । ତେବେ ଏହି ଫିଲ୍ମଟି ମଧ୍ୟ ହିଟ୍ ହେବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା ରଖାଯାଇଛି ।