‘ଓଡ଼ିଶାର ବିକାଶରେ ଅଦ୍ଵିତୀୟ ନେତା ନବୀନ ପଟ୍ଟନାୟକଙ୍କୁ ଏଭଳି କହିବା ଗ୍ରହଣୀୟ ନୁହେଁ’

ଭୁବନେଶ୍ବର ୫।୧୧: ପଶ୍ଚିମ ଓଡ଼ିଶା ବିଜେଡି ନେତ୍ରୀଙ୍କ ମିଳିତ ସାମ୍ବାଦିକ ସମ୍ମିଳନୀ । କଳ୍ପନା ଢୋଲକିଆ ଓ ଜୟ ଢୋଲକିଆଙ୍କ ଉପରେ ବର୍ଷିଲେ । ସାମାଜିକ ଗଣମାଧ୍ୟମରେ ରାଜେନ୍ଦ୍ର ଢୋଲକିଆଙ୍କ ପତ୍ନୀ ଓ ଜୟ ଢୋଲକିଆଙ୍କ ପକ୍ଷରୁ ବିଜେଡି ପକ୍ଷରୁ ଅବହେଳା ପ୍ରସଙ୍ଗକୁ ନେଇ ବର୍ଷିଛନ୍ତି ବିଜେଡି ନେତ୍ରୀ । ଏଭଳି କଥା ଦେଖି ଦୁଃଖିତ ବୋଲି ସାମ୍ବାଦିକ ସମ୍ମିଳନୀରେ କହିଛି ବିଜେଡି । ନବୀନ ସାରା ଭାରତର ଶୀର୍ଷ ନେତା । ତାଙ୍କ ସମକକ୍ଷ କେହି ନାହାନ୍ତି । ରାଜେନ୍ଦ୍ର ଢୋଲକିଆଙ୍କ ସ୍ତ୍ରୀ କଳ୍ପନା ଭାଉଜ ନବୀନଙ୍କ ସହଯୋଗୀ ହୋଇ କାମ କରିଥିବା ସେ ସ୍ୱୀକାର କରିଛନ୍ତି । ବିଜେଡିର ସକ୍ରିୟ କର୍ମୀ ହୋଇଥିବାରୁ ସେ ବିଭିନ୍ନ ପ୍ରମୁଖ ପଦପଦବୀ ପାଇବା ସହ ସବୁ କିଛି ହୋଇପାରି ଥିଲେ । ଦୁଃଖ ସମୟ ସମସ୍ତଙ୍କର ଆସେ । ନବୀନ ବାବୁଙ୍କର ମଧ୍ୟ ସର୍ଜରୀ ଓ ଟ୍ରିଟମେଣ୍ଟ ହୋଇଥିଲା । ଏକାଦଶାହ ବେଳେ ସମସ୍ତେ ଥିଲେ । ମହିଳା ଭାବେ ବିଜେଡିରେ ରହି ମୁଁ ମଧ୍ୟ କାମ କରିଥିଲି ବୋଲି ଟୁକୁନି ସାହୁ କହିଛନ୍ତି । ବିପଦ ଯେତେବେଳେ ଆସିଲା ସେତେବେଳେ ମୋତେ ସୁଯୋଗ ଦେଇଥିଲେ ବୋଲି ଟୁକୁନି କହିଛନ୍ତି । ତାଙ୍କୁ କେବଳ ବିଧାୟିକା ନୁହେଁ ନବୀନ ତାଙ୍କୁ ବିଭିନ୍ନ ପ୍ରମୁଖ ବିଭାଗର ମନ୍ତ୍ରୀ ମଧ୍ୟ କରିଥିଲେ । ବିଭିନ୍ନ ଉନ୍ନୟନମୂଳକ କାମରେ ରାଜୁ ଢୋଲକିଆଙ୍କ ସହ ନୂଆପଡ଼ା ଆସିଥିବା କହିଲେ ଟୁକୁନି ।

କଳ୍ପନା ମାଡ଼ାମ ଛାତିରେ ହାତ ରଖି କହିବେ କି ନବୀନ ବାବୁ ଉପନିର୍ବାଚନ ପୂର୍ବରୁ ତାଙ୍କୁ ସୁଯୋଗ ଦେବା ଲାଗି ଚାହିଁ ନଥିଲେ କି ବୋଲି ପ୍ରଶ୍ନ କଲା ବିଜେଡି । କିନ୍ତୁ ହିନ୍ଦୀ କହୁଥିବା ଯୋଗୁ ସେ ମନା କରିଥିଲେ । ପୁଅକୁ ସୁଯୋଗ ଦେବାକୁ ଚାହିଁଥିଲେ ନବୀନ ବାବୁ । କିନ୍ତୁ ସେ ନିଜେ ବିଜେପିକୁ ଗଲେ । କୁପୁତ୍ର ସମାଜରେ କଳଙ୍କିତ ହୁଏ ବୋଲି କହିଛି ବିଜେଡି । ରାଜୁ ଭାଇଙ୍କ ପୁଅ କୁପୁତ୍ର ହେଲେ । ରାଜୁ ଭାଇଙ୍କ ଫଟୋ ରଖି କ’ଣ ଭୁଲ କଲେ ବୋଲି ପ୍ରଶ୍ନ କରିଛି ବିଜେଡି । ଏକାଦଶାହ ବେଳେ ବିଜେଡିର ସମସ୍ତ ବରିଷ୍ଠ ନେତା ଆସିଥିଲେ । ଏପରିକି ଶଙ୍ଖ ଯାତ୍ରାରେ କଳ୍ପନା ଭାଉଜ ଓ ଜୟ ଚାଲିଥିଲେ । ଓଡ଼ିଶାର ବିକାଶରେ ଅଦ୍ଵିତୀୟ ନେତା ନବୀନ ବାବୁଙ୍କୁ ଏଭଳି କହିବା ଗ୍ରହଣୀୟ ନୁହେଁ ବୋଲି ସାମ୍ବାଦିକ ସମ୍ମିଳନୀରେ କହିଛି ବିଜେଡି ।