କନ୍ଧମାଳକୁ ଛୁଇଁଲା ଚଳିତ ବର୍ଷର ପ୍ରଥମ ଶୀତ, ପ୍ରକୃତିର ଭରପୁର ମଜ୍ଜା ନେଉଛନ୍ତି ଲୋକେ

ଜି.ଉଦୟଗିରି ୧୬/୧୦: ଚାଲିଛି ଧର୍ମମାସ କାର୍ତ୍ତିକ । ରାଜ୍ୟରେ କମିଛି ବର୍ଷାର ପ୍ରକୋପ । ଆଗକୁ ବି ଲଘୁଚାପ ପ୍ରଭାବରେ ବର୍ଷା ହେବାର ସମ୍ଭାବନା ରହିଛି । ତଥାପି ଅନେକ ସ୍ଥାନରେ ପାଗ ଶୁଖିଲା ରହିଛି । ଏହାରି ଭିତରେ କନ୍ଧମାଳ ଜିଲ୍ଲାକୁ ଛୁଇଁଛି ଚଳିତ ବର୍ଷର ପ୍ରଥମ ଶୀତ । ଓଡ଼ିଶାର ଦାର୍ଜଲିଙ୍ଗ କୁହାଯାଉଥିବା ଜି ଉଦୟଗିରିରେ ଶୀତର ମଜା ନେଉଥିବାର ଯୁବପୀଢ଼ୀ ଓ ଲୋକଙ୍କ ମଧ୍ୟରେ ଦେଖିବାକୁ ମିଳିଛି ।

ସକାଳୁ ସକାଳୁ ଲୋକମାନେ ବ୍ୟାୟାମ କରିବା ସହ ପ୍ରାଣାୟମ କରୁଥିବାର ଦେଖିବାକୁ ମିଳିଛି । ଶୀତ ସାଙ୍ଗକୁ ଘନ କୁହୁଡି ଜି.ଉଦୟଗିରି ଅଞ୍ଚଳ ର ପ୍ରକୃତି ରାଣୀ ଅତି ସୁନ୍ଦର ଦିଶୁଅଛି । ଗତ କିଛି ବର୍ଷ ହେବ ଓଡ଼ିଶାର ସବୁଠାରୁ ଶୀତୁଆ ଅଞ୍ଚଳ ଭାବେ ଜି ଉଦୟଗିରି ଗିରି ରେକର୍ଡ କରିଥିଲ । ଏଣୁ ଚଳିତ ବର୍ଷ ଭଲ ବର୍ଷା ହୋଇଥିବାରୁ ପାରଦ ଖସି ଆସିବ ବୋଲି ଆଶା କରିଛନ୍ତି ସ୍ଥାନୀୟ ଲୋକେ । ଜି.ଉଦୟଗିରି ସମତେ ରାଇକିଆ, ଟିକାବାଲି, ରାଇକିଆ ଆଦି ବିଭିନ୍ନ ସ୍ଥାନରେ ଶୀତ ଅନୁଭୂତ ହେଉଅଛି।ବର୍ତ୍ତମାନ ଲୋକେ ଖେଳିବାର ଦେଖିବାକୁ ମିଳିଛି । ପ୍ରବଳ ଶୀତ ଯୋଗୁଁ ଯାତାୟାତ ବି ବାଧାପ୍ରାପ୍ତ ହୋଇଛି ।