ଭୁବନେଶ୍ୱର ୨୩/୦୪: ହାତରେ ଆଉ ମାତ୍ର ଅଳ୍ପ ଦିନ । ପ୍ରଚାର ପାଇଁ ଜୋରସୋରରେ ଲାଗିଛନ୍ତି ପ୍ରାର୍ଥୀ । ଦିନ ରାତି ଏକ୍ କରି ଚାଲିଛି କ୍ୟାମ୍ପେନିଂ । ଭୋଟରଙ୍କୁ ହାତେଇବାକୁ ସବୁ ପ୍ରକାର କସରତ । ତାତିର ପ୍ରକୋପକୁ ଖାତିର ନକରି ପ୍ରଚାରରେ ମାତିଛନ୍ତି ନେତା । ତେବେ ଆସନ୍ତାକାଲି ପ୍ରଚାର ମଦନକୁ ଓହ୍ଲାଇବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଏହା ପୂର୍ବରୁ ରାଜ୍ୟବାସୀଙ୍କୁ ଯୋଡିଶଙ୍ଖ ଦେଖାଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଦୁଇଟି ହାତରେ ଦୁଇଟି ଶଙ୍ଖ ପ୍ରତିକୃତି ଧରିଥିବାର ଭିଡିଓ ବେଶ୍ ଭାଇରାଲ ହେଉଛି । ଯୋଡିଶଙ୍ଖ ଦେଖାଇବାର ଅର୍ଥ ହେଉଛି ଗୋଟିଏ ବିଧାୟକ ଓ ଅନ୍ୟଟି ସାଂସଦ । ମାନେ ଏଥର ବି ଦୁଇଟି ଯାକ ଆସନରେ ବିଜେଡିର ଜିତାପଟ ହେବ ବୋଲି ଦୃଢୋକ୍ତି ଦେଖାଇଛନ୍ତି ନବୀନ । ଦୁଇ ହାତରେ ଦୁଇଟି ଶଙ୍ଖ ଦେଖାଇ ବିଜେଡିକୁ ଭୋଟ ଦେବାକୁ କହିଛନ୍ତି ସୁପ୍ରିମୋ ।
ସେହିଭଳି ମୁଖ୍ୟମନ୍ତ୍ରୀ ନୁହଁନ୍ତି ଫାଇଭ–ଟି ଅଧ୍ୟକ୍ଷ ଭିକେ ପାଣ୍ଡିଆନଙ୍କ ଦୁଇ ହାତରେ ଶଙ୍ଖ ଧରିଥିବାର ଭିଡିଓ ଭାଇରାଲ ହେଉଛି ।
