ନୂଆଦିଲ୍ଲୀ ୨୫।୦୪:   ଆଇପିଏ ୨୦୨୫ । ଦମ୍ଦାର୍ ଫର୍ମରେ ସବୁ ଟିମ୍ । ଟ୍ରଫି ହାତେଇବାକୁ ଚଳାଇଛନ୍ତି ପ୍ରୟାସ୍ । କୁହାଯାଏ କେବଳ ବଲ୍ ଏବଂ ବ୍ୟାଟ୍ ଜରିଆରେ ମ୍ୟାଚ୍‌କୁ ରୋମାଞ୍ଚକର କରାଯାଇପାରିବନି । ଲାଇଭ୍ ମ୍ୟାଚ୍‌କୁ ରୋମାଞ୍ଚକର କରିଥାନ୍ତି ଚିୟରଗାର୍ଲ । ଏମାନଙ୍କ କଠିନ ପରିଶ୍ରମ ମ୍ୟାଚ୍‌ର ମଜା ବଢ଼ାଇଥାଏ । କିନ୍ତୁ IPL ପାଇଁ ଚିୟରଗାର୍ଲଙ୍କୁ କିପରି କରାଯାଏ ଚୟନ ? ସେମାନଙ୍କର ପୋଷାକ ଖର୍ଚ୍ଚ କିଏ ବହନ କରେ ? ଆଉ ସେମାନଙ୍କୁ କେତେ ମିଳେ ଦରମା ? ଆସନ୍ତୁ ଜାଣିବା ଚିୟରଗାର୍ଲଙ୍କ ବିଷୟରେ କିଛି ରୋଚକ କଥା ? 

ଚିୟରଗାର୍ଲଙ୍କ ଚୟନ ପ୍ରକ୍ରିୟା ବହୁତ ଜଟିଳ । ପ୍ରଥମେ ଏକ ଅଡିସନ୍ ହୁଏ, ତା'ପରେ ଆବେଦନକାରୀଙ୍କର ସାକ୍ଷାତକାର ନିଆଯାଏ । ସେମାନଙ୍କର ଦକ୍ଷତା ମୂଲ୍ୟାଙ୍କନ କରିବା ପରେ ହିଁ କେହି ଜଣେ ହୋଇପାରିଥାନ୍ତି ଚିୟରଗାର୍ଲ । ଜଣେ ଚିୟରଗାର୍ଲର ହେବା ପାଇଁ ଆବେଦନକାରୀମାନଙ୍କୁ ଡ୍ୟାନ୍ସ କରିବା ଜଣା ଥିବା ଆବଶ୍ୟକ । ସେମାନଙ୍କର ମଡେଲିଂ ସ୍କିଲ୍  ମୂଲ୍ୟାଙ୍କନ କରାଯାଏ ଏବଂ ସେମାନେ ଷ୍ଟେଜ୍‌ରେ ପ୍ରଦର୍ଶନ କରିବାର ଚାପକୁ ସମ୍ଭାଳି ପାରିବେ କି ନାହିଁ ତାହା ଦେଖିବା ପାଇଁ ମଧ୍ୟ ସେମାନଙ୍କୁ ପରୀକ୍ଷା କରାଯାଏ।

ଏବେ ପ୍ରଶ୍ନ ଆସୁଛି ଚିୟରଗାର୍ଲଙ୍କୁ ଡ୍ରେସ୍ ପାଇଁ କିଏ ଟଙ୍କା ଦିଏ ? ରିପୋର୍ଟ ଅନୁଯାୟୀ ଚିୟରଗାର୍ଲ ପିନ୍ଧୁଥିବା ପୋଷାକର ଖର୍ଚ୍ଚ ଟିମ୍ ସ୍ପନସର୍ ଉଠାଇଥାନ୍ତି । ଚିୟରଲିଡରଙ୍କ ୟୁନିଫର୍ମରେ ବଡ଼ ବଡ଼ କମ୍ପାନୀର ଲୋଗୋ ଚିତ୍ରିତ ହୋଇଥାଏ। ସାଧାରଣତଃ ଟିମ୍ ମ୍ୟାନେଜମେଣ୍ଟ ସ୍ପନସର୍ଙ୍କ ସହିତ ମିଶି ଚିୟରଗାର୍ଲଙ୍କ ଡ୍ରେସ୍ ଡିଜାଇନ୍ କରିବାରେ ସାହାଯ୍ୟ କରିଥାଏ। 

ତେବେ IPL ଚିୟରଗାର୍ଲଙ୍କ ଦରମା କେତେ ? IPLରେ ଜଣେ ଚିୟରଗାର୍ଲଙ୍କ ଦରମା ଫ୍ରାଞ୍ଚାଇଜ୍ ଏବଂ ବ୍ୟକ୍ତିଗତ ଚୁକ୍ତିନାମା ଉପରେ ନିର୍ଭର କରି ଭିନ୍ନ ହୋଇଥାଏ। ଯଦି ଜଣେ ଚିୟରଗାର୍ଲ ପୁରା ସିଜିନ୍ ପାଇଁ ପ୍ରଦର୍ଶନ କରନ୍ତି, ତେବେ ସେ ସାଢେ ୩ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ । ଯଦି କୌଣସି ଟିମ୍ ଫାଇନାଲରେ ପହଞ୍ଚିଥାଏ, ତେବେ ଜଣେ ଚିୟରଗାର୍ଲ ୪ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ। ଏହାବ୍ୟତୀତ ସେମାନେ ଟିମ୍ ସହ ଟ୍ରାଭେଲ୍ କରିବା ପରି ସୁବିଧା ପାଇଥାନ୍ତି । 

ଏବେ ସମସ୍ତଙ୍କ ମନରେ ପ୍ରଶ୍ନ ଆସୁଥିବ କେଉଁ ଟିମ୍ ଚିୟରଗାର୍ଲଙ୍କୁ ସବୁଠାରୁ ଅଧିକ ଦରମା ଦେଇଥାଏ ? ଆଇପିଏଲ୍ର ୧୦ଟି ଟିମ୍ ସେମାନଙ୍କ ମ୍ୟାଚ୍ ପାଇଁ ଚିୟରଲିଡର୍ସଙ୍କୁ ନିଯୁକ୍ତି ଦିଅନ୍ତି । ରିପୋର୍ଟ ଅନୁଯାୟୀ ମୁମ୍ବାଇ ଇଣ୍ଡିଆନ୍ସର ଜଣେ ଚିୟରଗାର୍ଲଙ୍କୁ ପ୍ରତି ମ୍ୟାଚ୍ ପାଇଁ ୨୦ହଜାର ଟଙ୍କା ଦରମା ମିଳିଥାଏ। ଏହାର ଅର୍ଥ ହେଉଛି ସେ ଗୋଟିଏ ସିଜିନରେ ୨ ଲକ୍ଷ ୮୦  ଟଙ୍କା ରୋଜଗାର କରିପାରିବେ । ଯଦି ମୁମ୍ବାଇ ଇଣ୍ଡିଆନ୍ସ ଦଳ ପ୍ଲେଅଫରେ ପହଞ୍ଚିଯାଏ ତେବେ ଚିୟରଗାର୍ଲଙ୍କ ଆୟ ମଧ୍ୟ ବୃଦ୍ଧି ପାଇବ। 

ଏହା ପଛକୁ ରହିଛି ଚେନ୍ନାଇ ସୁପର କିଙ୍ଗ୍ସ । ଟିମ୍ ଜଣେ ଚିୟରଲିଡରଙ୍କୁ ପ୍ରତି ମ୍ୟାଚ୍ ପାଇଁ ଦେଇଥାଏ ୧୭ ହଜାର ଟଙ୍କା ଦରମା । ସିଏସକେ ଚିୟରଗାର୍ଲ ଗୋଟିଏ ସିଜିନରେ ୨ ଲକ୍ଷ ୩୮ ହଜାର ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ। ଲିଷ୍ଟରେ ସାମିଲ ରହିଛି କୋଲକାତା ନାଇଟ୍ ରାଇଡର୍ସ।  ଆଇପିଏଲ ୨୦୨୫ରେ ଟିମ୍ ନିଜର ଚିୟରଗାର୍ଲଙ୍କୁ ସବୁଠାରୁ ଅଧିକ ଟଙ୍କା ଦେଉଛି । ରିପୋର୍ଟ ଅନୁସାରେ, କେକେଆରର ଜଣେ ଚିୟରଗାର୍ଲ ପ୍ରତି ମ୍ୟାଚ୍ ପାଇଁ ୨୪ ରୁ ୨୫ ହଜାର ଟଙ୍କା ଦେଇଥାଏ । ଏହାର ଅର୍ଥ ହେଉଛି ସେମାନଙ୍କର ଚିୟରଗାର୍ଲ ଗୋଟିଏ ସିଜିନରେ ୩ଲକ୍ଷ ୨୦ ହଜାର ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ।  ଯଦି ତାଙ୍କ ଦଳ ପ୍ଲେଅଫରେ ପହଞ୍ଚିଯାଏ, ତେବେ ତାଙ୍କର ରୋଜଗାର ଆହୁରି ବୃଦ୍ଧି ପାଇବ।