ଦେବଗଡ଼ ୦୫।୦୫ : ଦେବଗଡ଼ ଜିଲ୍ଲା ନୂଆଭୂଇଁ ଗାଁ ନିକଟରେ ଦୁର୍ଘଟଣା । ବସ୍କୁ ପଛରୁ ପିଟିଲା ଟ୍ରକ । ୨୦ରୁ ଅଧିକ ବସ୍ ଯାତ୍ରୀ ଆହତ ହୋଇଛନ୍ତି । ସମସ୍ତ ଆହତ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସୋମବାର ପୂର୍ବାହ୍ନ ସମୟରେ ଦେବଗଡ଼ ଜିଲ୍ଲା ନୂଆଭୂଇଁ ଗାଁ ନିକଟ ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥରେ ଟ୍ରକଟି ଭାରସାମ୍ୟ ହରାଇ ଯାତ୍ରୀବାହୀ ବସ୍କୁ ପଛରୁ ପିଟିଛି । ଯାହାଫଳରେ ଉଭୟ ଗାଡ଼ିରେ ଅନେକ ଯାତ୍ରୀ ଚାପି ହୋଇ ରହିଥିଲେ । ତେବେ ଦୁର୍ଘଚଣା ସଂପର୍କରେ ଖବର ପାଇ ଅଗ୍ନିଶମ ବାହିନୀ ଓ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଶେଷରେ ୨୦ରୁ ଅଧିକ ଯାତ୍ରୀଙ୍କୁ ଆହତ ଅବସ୍ଥାରେ ଉଦ୍ଧାର କରି ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏହାସହିତ ପୋଲିସ ଦୁର୍ଘଟଣାଗ୍ରସ୍ତ ଗାଡ଼ିକୁ ମଧ୍ୟ ଜବତ କରି ଛାନ୍ଭିନ୍ ଜାରି ରଖିଛି ।
