ପୁଅର ଜନ୍ମଦିନରେ ବାପାଙ୍କ ଶେଷ ଉପହାର...ମୃତ୍ୟୁ ପରେ ଘରକୁ ଆସିଲା ଡେଲିଭରୀ

ନୂଆଦିଲ୍ଲୀ ୧୭/୦୯: ସେପ୍ଟେମ୍ବର ୧୬, ଅର୍ଥ ମନ୍ତ୍ରଣାଳୟର ଉପସଚିବ ନବଜୋତ ସିଂହଙ୍କ ପରିବାର ପାଇଁ ସ୍ମରଣୀୟ ଦିନ । କାରଣ ସେହି ଦିନରେ ସେମାନଙ୍କର ଏକମାତ୍ର ପୁଅ ଜନ୍ମ ହୋଇଥିଲା । ପ୍ରତିବର୍ଷ, ପରିବାର ଏହି ଦିନଟିକୁ ଏକ ସ୍ୱତନ୍ତ୍ର ଉପାୟରେ ପାଳନ କରୁଥିଲେ । ପିତା ନିଜ ହାତରେ କେକ୍ କାଟି ତାଙ୍କ ପୁଅର ହସରେ ଖୁସି ଦେଖୁଥିଲେ । କିନ୍ତୁ ଏହି ବର୍ଷ, ଏହି ଦିନଟି କେବଳ ସ୍ମରଣୀୟ ନୁହେଁ, ବରଂ ଅଗଣିତ ଲୁହ ଓ ଯନ୍ତ୍ରଣାର ମଧ୍ୟ ସାକ୍ଷୀ ପାଲଟିଛି ।

ପୁଅର ଜନ୍ମଦିନ ଆସିଥିଲା, କିନ୍ତୁ ବାପା ନଥିଲେ । ନବଜୋତ ସିଂହଙ୍କ ପରିବାରରେ ରବିବାର ପଡିଥିଲା ଚଡକ । ଦିଲ୍ଲୀର ଧୌଲା କୁଆଁରେ ଏକ ସଡ଼କ ଦୁର୍ଘଟଣାରେ ମୃତ୍ୟୁବରଣ କରିଥିଲେ ନବଜୋତ ସିଂହ । କିନ୍ତୁ ଅନଲାଇନରେ ପୁଅ ପାଇଁ ବାପା କରିଥିବା ଉପହାର କିନ୍ତୁ ଘରେ ପହଞ୍ଚିଛି । ଡେଲିଭରୀ ସିନା ଆସିଲା, କିନ୍ତୁ ଡେଲିଭରୀ କରିଥିବା ଲୋକ ନଥିଲେ । ଆନନ୍ଦର ଏହି ମୁହୂର୍ତ୍ତ ପାଲଟିଯାଇଥିଲା ଗଭୀର ଯନ୍ତ୍ରଣାରେ । 

ପୁଅର ଜନ୍ମଦିନରେ ବାପାଙ୍କ ଶେଷକୃତ୍ୟ ବିରି ୱାଲା ବାଗ ଶ୍ମଶାନରେ କରାଯାଇଥିଲା । ଯେଉଁଦିନ ପିତା ନିଜ ହାତରେ ତାଙ୍କ ପୁଅ ପାଇଁ କେକ୍ କାଟିଥାନ୍ତେ, ସେହି ଦିନ ପୁଅ ତାଙ୍କ ବାପାଙ୍କ ଶବଦାହ କାନ୍ଧରେ ବୋହିଥିଲା । ପତ୍ନୀ ସନ୍ଦୀପ କୌର, ଯିଏ ତାଙ୍କ ସ୍ୱାମୀଙ୍କୁ ଶେଷ ଥର ପାଇଁ ଦେଖିଥିଲେ । କାନ୍ଦି ପକାଇବା ସମୟରେ ସେ ଅସହାୟ ହୋଇ ପଡ଼ିଥିଲେ। ପୁଅ ତାଙ୍କ ବାପାଙ୍କ କେକ୍ ଦେଖିଲା, କିନ୍ତୁ ତାଙ୍କ ହାତ ତାଙ୍କ ମୁଣ୍ଡରେ ନଥିଲା। ବାପାଙ୍କ ଉପହାର, ତାଙ୍କ ସମସ୍ତ ଭାବପ୍ରବଣତା ସହିତ, ତାଙ୍କ ପୁଅର ଉପସ୍ଥିତିରେ ଅପୂର୍ଣ୍ଣ ରହିଗଲା।

କହିବାକୁ ଗଲେ ରବିବାର ନବଜୋତ ତାଙ୍କ ପତ୍ନୀ ସନ୍ଦୀପ କୌରଙ୍କ ସହିତ ଏକ ବାଇକ୍ ଚଲାଇ ଆସୁଥିଲେ । ଫେରୁଥିବା ସମୟରେ, ଦିଲ୍ଲୀ ରାସ୍ତାରେ ସେମାନଙ୍କ ବାଇକ୍ ଏକ BMW କାର ସହ ଧକ୍କା ହୋଇଥିଲା । ଦୁର୍ଘଟଣା ପରେ, ପୋଲିସ ୩୮ ବର୍ଷୀୟ ଗଗନପ୍ରୀତ ମକ୍କରଙ୍କୁ ଗିରଫ କରିଛି ପୋଲିସ । ତଦନ୍ତରୁ ଜଣାପଡିଛି ଯେ ସେ ମଦ୍ୟପାନ କରି ନଥିଲେ। ସିସି ଟିଭି ଫୁଟେଜ୍ ଅନୁଯାୟୀ, କାରଟି ପ୍ରଥମେ ଡିଭାଇଡରରେ ଧକ୍କା ଦେଇଥିଲା । ପରେ ଓଲଟି ପଡ଼ିଥିଲା । ଫଳରେ ସେହି ରାସ୍ତା ଦେଇ ଯାଉଥିବା ନବଜୋତଙ୍କ ବାଇକ୍ ଧକ୍କା ଦେଇଥିଲା।