ନୂଆଦିଲ୍ଲୀ – ଲଣ୍ଡନର ଏକ ଭାରତୀୟ ରେଷ୍ଟୁରାଣ୍ଟରେ ନିଆଁ ଲାଗି ୫ଜଣ ଗୁରୁତର ଭାବେ ପୋଡ଼ି ହୋଇ ଆହତ ହୋଇଛନ୍ତି। ରବିବାର ଦିନ ଜଣେ ୧୫ ବର୍ଷିୟ ପିଲା ଓ ଜଣେ ୫୪ ବର୍ଷିୟ ବ୍ୟକ୍ତିଙ୍କୁ ଅଗ୍ନିକାଣ୍ଡ ପୋଡା ଜଳା ସନ୍ଦେହରେ ଗିରଫ କରାଯାଇଛି। ମେଟ୍ରୋପଲିଟନ ପୁଲିସ କହିଛି ଯେ, ଅଧିକାରୀଙ୍କୁ ଶୁକ୍ରବାର ରାତିରେ ଇଲଫୋର୍ଡ ସ୍ଥିତ ଇଣ୍ଡିଆନ ଅରୋମା ରେଷ୍ଟୁରାଣ୍ଟକୁ ଡକାଯାଇ ଥିଲା। ତିନି ଜଣ ମହିଳା ଓ ଦୁଇ ଜଣ ପୁରୁଷ ପୋଡ଼ି ହୋଇ ଯାଇଛନ୍ତି ଏବଂ ସେମାନଙ୍କ ହସ୍ପିଟାଲ ନିଆଯିବା ପୂର୍ବରୁ ଲଣ୍ଡନ ଆମ୍ୱୁଲାନ୍ସ ସେବାର ପାରାମେଡିକ୍ସ ଘଟଣାସ୍ଥଳରେ ହିଁ ଚିକିତ୍ସା କରି ଥିଲେ। ପୁଲିସ କହିଛି ଯେ, ସେମାନଙ୍କ ମଧ୍ୟରେ ଦୁଇ ଜଣଙ୍କର ( ଜଣେ ପୁରୁଷ ଓ ଜଣେ ମହିଳା) ସ୍ଥିତି ଏବେ ବି ବିପଦରେ ଅଛି।
ମେଟ୍ରୋପଲିଟନ ପୁଲିସର ସେଣ୍ଟ୍ରାଲ ସ୍ପେଶାଲିଷ୍ଟ କ୍ରାଇମ୍ ନର୍ଥ ୟୁନିଟ୍ର ଡିଟେକ୍ଟିଭ୍ ଚିଫ୍ ଇନ୍ସପେକ୍ଟର ମାର୍କ ରୋଜର୍ସ କହିଛନ୍ତି, ଆମେ ମାମଲାରେ ଦୁଇ ଜଣଙ୍କୁ ଗିରଫ କରିଛୁ। ଶୁକ୍ରବାର ସନ୍ଧ୍ୟାର ଘଟଣାର ରହସ୍ୟ ଉନ୍ମୋଚନ କରିବା ପାଇଁ ଆମର ଯାଞ୍ଚ ଖୁବ୍ ଜୋରରେ ଜାରି ରହିଛି। ସନ୍ଦିଗ୍ଧଙ୍କୁ ଜୀବନକୁ ବିପଦରେ ପକାଇବା ଉଦ୍ଦେଶ୍ୟରେ ଅଗ୍ନିକାଣ୍ଡ ଘଟାଇ ଥିବା ସନ୍ଦେହରେ ଗିରଫ କରାଯାଇଛି ଏବଂ ସେ ପୁଲିସ ହେପାଜତରେ ଅଛନ୍ତି। ରେଷ୍ଟୁରାଣ୍ଟ ସ୍ଥିତ ୱିକେଣ୍ଡରେ ୱୁଡଫୋର୍ଡ ଆଭେନ୍ୟୁ ଗେଟ୍ସ ଅଞ୍ଚଳରେ ବହୁ ସଂଖ୍ୟାରେ ପୁଲିସ ଫୋର୍ସ ମୁତୟନ ଥିଲେ। ପୁଲିସ କହିଛି , ଏମିତି ମନେକରାଯାଉଛି ଯେ, ଆଉ ଦୁଇ ଜଣ ପୀଡ଼ିତ ଥିଲେ , ଯିଏ ଅଧିକାରୀଙ୍କ ପହଞ୍ଚିବା ପୂର୍ବରୁ ଘଟଣାସ୍ଥଳରୁ ଚାଲିଗଲେ। ତାଙ୍କୁ ଚିହ୍ନଟ କରିବାକୁ ପ୍ରୟାସ ଜାରି ରହିଛି।
ସୂଚନା ଅନୁସାରେ , ନିଆଁ ଲାଗିବା ଦ୍ୱାରା ରେଷ୍ଟୁରାଣ୍ଟରେ ଖୁବ୍ କ୍ଷତି ଘଟିଛି। କିଛି ଖବରରେ ସିସିଟିଭି ଫୁଟେଜ୍ରେ ଚେହେରା ଢଙ୍କା ହୋଇଥିବା ଲୋକଙ୍କୁ ରେଷ୍ଟୁରାଣ୍ଟରେ ପଶିବା ଓ ନିଆଁ ଲାଗିବା ପୂର୍ବରୁ ଚଟାଣରେ ତରଳ ପଦାର୍ଥ ପକାଇବାର ଦେଖିବାକୁ ମିଳିଛି। ଲଣ୍ଡନ ଆମ୍ୱୁଲାନ୍ସ ସର୍ଭିସ୍ କହିଛି, ଆମେ ଘଟଣାସ୍ଥଳକୁ ଡାକ୍ତରଙ୍କ ଟିମ୍ ପଠାଇ ଥିଲେ। ଆମେ ଦୁଇ ଜଣ ବ୍ୟକ୍ତିଙ୍କୁ ଏକ ବଡ଼ ଟ୍ରମା ସେଣ୍ଟର ଓ ଆଉ ତିନି ଜଣଙ୍କୁ ସ୍ଥାନୀୟ ହସ୍ପିଟାଲକୁ ନେଇଛୁ। ଲଣ୍ଡନ ଅଗ୍ନିଶମ ସେବା କହିଛି , କେଉଁଠି ପାଇଁ ନିଆଁ ଲାଗିଲା ଏହା ଯାଞ୍ଚ କରୁଛୁ।
