ଭୁବନେଶ୍ୱର ୧୫।୦୫ : ବୁଧବାର କଟକ ଏବଂ ସୋରଡ଼ାରେ ପ୍ରଚାର କରିବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ଭୁବନେଶ୍ବରରେ ପହଞ୍ଚିବା ପରେ ଗଂଜାମ ସୋରଡାରେ ଏକ ସଭାରେ ଯୋଗ ଦେଇ ଦଳୀୟ ପ୍ରାର୍ଥୀଙ୍କ ଲାଗି ପ୍ରଚାର କରିବେ ଶାହ। ସଂଧ୍ୟାରେ କଟକରେ ବିଜେପି ପ୍ରାର୍ଥୀଙ୍କ ଲାଗି ରୋଡ ସୋ କରି ଭୋଟ ଭିକ୍ଷା କରିବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ଘଣ୍ଟାଏ ଧରି ଚାଲିବ ଶାହଙ୍କ ରୋଡ ସୋ। ଏଥିପାଇଁ ବାଲିଯାତ୍ରା ପଡ଼ିଆରେ ଅସ୍ଥାୟୀ ହେଲିପ୍ୟାଡ ସହ ଶାହଙ୍କ ରୋଡ ସୋ ହେବାକୁ ଥିବା ରାସ୍ତାରେ ରିହରସଲ କରିଛି ପୋଲିସ। ଭୁବନେଶ୍ବର ଏୟାରପୋର୍ଟରୁ ବାହାରି ସଂଧ୍ୟା ୬ଟାରେ ଉପର ବାଲିଯାତ୍ରା ପଡିଆ ଅସ୍ଥାୟୀ ହେଲିପ୍ୟାଡରେ ପହଞ୍ଚିବେ ଶାହ। ସମାଜ ଅଫିସ ଛକ ନିକଟରୁ ଆରମ୍ଭ ହେବ ରୋଡ ସୋ। ବକ୍ସିବଜାର, ତିନିକୋଣିଆ ବଗିଚା, ଦରଘାବଜାର, ଗୌରୀଶଙ୍କର ପାର୍କ, ନୟାସଡକ ଦେଇ ବାଲୁବଜାରରେ ରୋଡ ସୋ’ ଶେଷ ହେବ। ଶାହଙ୍କ ଗସ୍ତକୁ ନେଇ ବିଜେପି ଶିବିର ବେଶ ଉତ୍ସାହିତ ହୋଇପଡିଛି। ସେଜିପରି ସନ୍ଧ୍ୟାରେ ଜେପି ନଡ୍ଡା ମଧ୍ୟ ଓଡ଼ିଶା ଆସିବା କାର୍ଯ୍ୟକ୍ରମ ରହିଛି ।
ଏହାସହିତ ଭୁବନେଶ୍ୱରରେ ଲୋକସଭା ବାଚସ୍ପତି ଓମ ବିର୍ଲା। ତାଙ୍କ ସହ ବିଜେପିର ରାଷ୍ଟ୍ରୀୟ ସଂଗଠନ ମହା ମନ୍ତ୍ରୀ ବି.ଏଲ. ସନ୍ତୋଷ ଭୁବନେଶ୍ଵର ଆସିଛନ୍ତି I ଦଳୀୟ କାର୍ଯ୍ୟକ୍ରମ ରେ ଯୋଗ ଦେବା ପାଇଁ ଓମ୍ ବିର୍ଲା ଆସିଥିବା କହିଛନ୍ତି । ଆଜି ବାଲେଶ୍ବର ଓ ସମ୍ବଲପୁରରେ ପ୍ରଚାର କରିବେ ଓମ୍ ବିର୍ଲା । ଓଡ଼ିଶା ସଂସ୍କୃତି ପରମ୍ପରା ବେଶ ଉନ୍ନତମାନର ଓ ରାଜ୍ୟ ଲୋକେ ଏଥର ପରିବର୍ତ୍ତନ ଚାହୁଁଥିବା କହିଛନ୍ତି । ରାଜ୍ୟରେ ଡବଲ ଇଂଜିନ ସରକାର ପାଇଁ ଲୋକେ ମନସ୍ଥ କରିଥିବା ସେ କହିଛନ୍ତି ।