ଡିୟୁ ଛାତ୍ରୀଙ୍କ ଉପରେ ଏସିଡ୍ ଆକ୍ରମଣ ମାମଲାରେ ନୂଆ ମୋଡ଼ , ଅଭିଯୁକ୍ତଙ୍କୁ ଫସାଇବା ପାଇଁ ଷଡ଼ଯନ୍ତ୍ର ସ୍ଵୀକାର କଲେ ପୀଡିତାଙ୍କ ବାପା

ନୂଆଦିଲ୍ଲୀ : ଦିଲ୍ଲୀ ବିଶ୍ୱବିଦ୍ୟାଳୟର ଜଣେ ଛାତ୍ରୀଙ୍କ ଉପରେ ହୋଇଥିବା ଏସିଡ୍ ଆକ୍ରମଣ ମାମଲାରେ ଏକ ବଡ଼ ଟ୍ୱିଷ୍ଟ ଆସିଛି। ଦୁଷ୍କର୍ମ ଅଭିଯୋଗରେ ଭାଲସ୍ୱା ଡେରୀ ପୋଲିସ ଏସିଡ୍ ଆକ୍ରମଣ ପୀଡିତାଙ୍କ ବାପା ଅକିଲଙ୍କୁ ଗିରଫ କରି ନେଇଛି। କୁହାଯାଉଛି ଯେ, ପୀଡ଼ିତାଙ୍କ ବାପା ସ୍ୱୀକାର କରିଛନ୍ତି ଯେ, ଜିତେନ୍ଦ୍ରଙ୍କୁ ଫସାଇବା ପାଇଁ ଏସିଡ୍ ଆକ୍ରମଣ ପରି ଏକ ଷଡ଼ଯନ୍ତ୍ର ରଚିଥିଲେ।

ଇଣ୍ଡିଆ ଟୁଡେର ଏକ ରିପୋର୍ଟ ଅନୁସାରେ, ପୀଡିତାଙ୍କ ବାପା ସ୍ୱୀକାର କରିଛନ୍ତି ଯେ, ସେ ତାଙ୍କ ପିଛା କରୁଥିବା ଜିତେନ୍ଦ୍ରଙ୍କୁ ଫସାଇବା ପାଇଁ ଆକ୍ରମଣର ଯୋଜନା କରିଥିଲେ ଏବଂ ପୀଡିତା ନିଜେ ଏସିଡ୍ ଆଣି ଥିଲେ। ଅକିଲ କହିଛନ୍ତି ଯେ, ଜିତେନ୍ଦ୍ରଙ୍କ ସ୍ତ୍ରୀ ତାଙ୍କ ବିରୁଦ୍ଧରେ ଦୁଷ୍କର୍ମ ମାମଲା ରୁଜୁ କରୁଥିଲେ, ତେଣୁ ସେ ତାଙ୍କୁ ଏସିଡ୍ ଆକ୍ରମଣ ମାମଲାରେ ଫସାଇବାକୁ ନିଷ୍ପତ୍ତି ନିଷ୍ପଭି ନେଇଥିଲେ।

କୁହାଯାଉଛି ଯେ, ଜିତେନ୍ଦ୍ରଙ୍କ ବ୍ୟତୀତ ପୀଡିତାଙ୍କ ବାପାଙ୍କର ଅନ୍ୟ ଦୁଇ ବ୍ୟକ୍ତି, ଇଶାନ ଏବଂ ଅରମାନଙ୍କ ସହିତ ମଧ୍ୟ ବିବାଦ ହୋଇଥିଲା,ଯାହାଙ୍କ ନାଁ ଏଫଆଇଆରରେ ରୁଜୁ ହୋଇଛି। ରିପୋର୍ଟ ଅନୁସାରେ, ଏହାପରେ ପୀଡିତା ନିଜେ ଶୌଚାଳୟ ସଫା କରିବା ପାଇଁ ବ୍ୟବହୃତ ହେଉବା ଏସିଡ୍‌ ଆଣି ଥିଲେ। ଏହା ପୂର୍ବରୁ, ମୁଖ୍ୟ ଅଭିଯୁକ୍ତଙ୍କ ପତ୍ନୀ ଦାବି କରିଥିଲେ ଯେ ପୀଡିତାଙ୍କ ବାପା ତାଙ୍କ ସ୍ୱୀମୀଙ୍କୁ ଫସାଇବା ପାଇଁ ଏହି ଅପରାଧ ଯୋଜନା କରିଥିଲେ , ଯାହା ଦ୍ୱାରା ତାଙ୍କୁ ଯୌନ ନିର୍ଯାତନା ମାମଲାରେ ଆପୋଷ ବୁଝାମଣା କରିବାକୁ ଚାପ ପକାଇ ହେବ।

୨୦ବର୍ଷୀୟା  ପୀଡ଼ିତା , ଯିଏ ଅଶୋକ ବିହାରରରେ ଥିବା ଲକ୍ଷ୍ମୀ ବାଇ କଲେଜର ଦ୍ୱିତୀୟ ବର୍ଷର ଛାତ୍ରୀ, ରବିବାର ଦାବି କରିଥିଲେ ଯେ, ସେ ଏକ ଏକଷ୍ଟ୍ରା କ୍ଲାସ ପାଇଁ ଯାଉ ଥିଲେ, ସେତେବେଳେ ତିନି ଜଣ ଆକ୍ରମଣକାରୀ - ଜିତେନ୍ଦ୍ର, ଈଶାନ ଏବଂ ଅରମାନ -ଏକ ମୋଟରସାଇକେଲରେ ଆସି ତାଙ୍କ ଉପରେ ଏସିଡ୍ ଫିଙ୍ଗି ଦେଇଥିଲେ।

ଅଭିଯୁକ୍ତଙ୍କ ସ୍ତ୍ରୀ ଅଭିଯୋଗ କରିଛନ୍ତି ଯେ, ଅକିଲ ଖାନ ଜିତେନ୍ଦ୍ରଙ୍କୁ ଫସାଇବା ପାଇଁ ତାଙ୍କ ନିଜ ଝିଅ ଉପରେ ଏସିଡ୍ ଆକ୍ରମଣ ଯୋଜନା କରିଥିଲେ ଏବଂ ଏହାକୁ ସଫଳ କରିଥିଲେ। ଆକ୍ରମଣ ଦିନ ଜିତେନ୍ଦ୍ର କାରଖାନା ଭିତରେ ଉପସ୍ଥିତ ଥିବା ଜଣାପଡ଼ିଛି। ଜିତେନ୍ଦ୍ର ଏହା ମଧ୍ୟ ଦାବି କରିଛନ୍ତି ଯେ , ଆକ୍ରମଣ ସମୟରେ ସେ ଘଟଣାସ୍ଥଳରେ ଉପସ୍ଥିତ ନଥିଲେ।

ପୀଡିତା ଏହା ମଧ୍ୟ ଦାବି କରିଥିଲେ ଯେ, ଜିତେନ୍ଦ୍ର ତାଙ୍କୁ କିଛି ମାସ ଧରି ପିଛ କରୁଥିଲେ। ସେ କହିଥିଲେ, ସେ ବିବାହିତ , କିନ୍ତୁ ତାଙ୍କର ନଜର ମୋ ଉପରେ ଥିଲା। ତାଙ୍କ ସ୍ତ୍ରୀ ମଧ୍ୟ ଏହି ମାମଲାରେ ତାଙ୍କୁ ସମର୍ଥନ କରିଥିଲେ। ମୁଁ ତାଙ୍କୁ ନିଜର ଏପରି କାର୍ଯ୍ୟକୁ ସୁଧାରିବାକୁ ଚେତାବନୀ ଦେଇଥିଲି, କିନ୍ତୁ ସେ ଶୁଣି ନଥିଲେ।