ଭଦ୍ରକ ୧।୮: ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରୁ ବନ୍ୟାଜଳ କମିବା ଆରମ୍ଭ କରିଛି । କିନ୍ତୁ ଅନେକ ନଦୀ ଏବେ ମଧ୍ୟ ଫୁଲି ରହିଛି । ତେଣୁ ବୈତରଣୀ ନଦୀ ସହ ସଂଯୋଗ କରୁଥିବା ନଦୀ ଗୁଡ଼ିକରେ କୁମ୍ଭୀର ଆସିବା ଆଶଙ୍କା ଥାଏ । ତେବେ ଭଦ୍ରକ ଜିଲ୍ଲା ଧାମନଗର ବ୍ଲକ ଫତେପୁର ପଞ୍ଚାୟତ ଦିନାଜପୁର ନିକଟରେ ରେବ ନଦୀରେ କୁମ୍ଭୀର ଦେଖିଛନ୍ତି ସ୍ଥାନୀୟ ଲୋକେ । ବନ୍ୟା ପାଣିରେ ଉପର ମୁଣ୍ଡକୁ ଚାଲି ଆସିଥିବା ସନ୍ଦେହ କରାଯାଉଛି । ସକାଳରୁ ଅପରାହ୍ନ ପର୍ଯ୍ୟନ୍ତ ଭିନ୍ନ ଭିନ୍ନ ସ୍ଥାନରେ ପ୍ରାୟ ୩ ଫୁଟ ଲମ୍ବର କୁମ୍ଭୀର ନଦୀରେ ବୁଲୁଥିବା ସୂଚନା ମିଳିଛି । ସ୍ଥାନୀୟ ଲୋକେ ଭୟଭୀତ ହୋଇ ନଦୀକୁ ବ୍ୟବହାର କରୁନଥିବା ବେଳେ ଗାଈ ଗୋରୁଙ୍କୁ ମଧ୍ୟ ନଦୀ ନିକଟକୁ ଛାଡୁ ନାହାନ୍ତି ।

You Can Read:

କମୁଛି ବୈତରଣୀ ନଦୀର ଜଳସ୍ତର, କେଉଁଠି ବନ୍ଧ ଧସିଲାଣି ତ କେଉଁଠି ଫାଟି ଆଁ କଲାଣି