ନଦୀରେ ଭାସୁଛି ଅଜଣା ବ୍ୟକ୍ତିଙ୍କ ମୃତଦେହ, ମିଳିନି ମୃତବ୍ୟକ୍ତିଙ୍କ ପରିଚୟ

ଆନନ୍ଦପୁର ୫।୯: କୁଶେଇ ନଦୀରେ ଭାସୁଛି ଅଜଣା ବ୍ୟକ୍ତିଙ୍କ ମୃତଦେହ । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ କୁଶେଇ ନଦୀର ଅଞ୍ଜିରା ଘାଟ ଠାରେ ଶୁକ୍ରବାର ସକାଳେ ଏକ ମୃତଦେହ ଭାସୁଥିବା ଦେଖିବାକୁ ମିଳିଥିଲା । ସ୍ଥାନୀୟ ଲୋକେ ଏନେଇ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ରାମଚନ୍ଦ୍ରପୁର ପୋଲିସ ପହଞ୍ଚି ମୃତଦେହକୁ ପାଣିରୁ ଉଦ୍ଧାର କରିବାକୁ ପ୍ରୟାସ କରିଛି । ତେବେ ମୃତବ୍ୟକ୍ତିଙ୍କ ପରିଚୟ ମିଳିପାରି ନାହିଁ ।

ଅନ୍ୟପଟେ ଲଗାଣ ବର୍ଷା ଯୋଗୁଁ କୁଶେଇ ନଦୀର ଆସିଛି ବନ୍ୟାପାଣି । ସେଥିପାଇଁ ଉପରମୁଣ୍ଡରୁ ମୃତଦେହଟି ଭାସିଆସିଥିବା ଅନୁମାନ କରାଯାଉଛି । ମୃତ ବ୍ୟକ୍ତିଙ୍କ ଶରୀର ପଚିସଢି ଯାଇଥିବାରୁ ପ୍ରାୟ ୩-୪ ଦିନ ପୂର୍ବେ ତାଙ୍କର ମୃତ୍ୟୁ ଘଟିଥିବା ଅନୁମାନ କରାଯାଉଛି । ଉଦ୍ଧର ପରେ ମୃତବ୍ୟକ୍ତିଙ୍କ ପରିଚୟ ଖୋଜିବା ସହ କେଉଁ କାରଣରୁ ତାଙ୍କର ମୃତ୍ୟୁ ଘଟିଲା ଓ ମୃତଦେହଟି ନଦୀରେ କିଭଳି ଭାସିଲା ତାକୁ ନେଇ ପୋଲିସ ଆଗକୁ ତଦନ୍ତ କରିବାକୁ ଥିବା ସୂଚନା ମିଳିଛି ।​​​​​​​