ରାୱଲପିଣ୍ଡି' ଚିକେନ୍ ଟିକ୍କା, 'ବାହାବଲପୁର' ନାନ୍...ଖାଇବା ଥାଳିରେ ବି ପାକିସ୍ତାନକୁ ଛାଡିଲାନି ଭାରତୀୟ ବାୟୁସେନା

ନୂଆଦିଲ୍ଲୀ ୦୯/୧୦: ଭାରତୀୟ ବାୟୁସେନା (IAF) ପାଳିଛି ୯୩ ତମ ସ୍ଥାପନା ଦିବସ । ହିଣ୍ଡନବେସ୍ ଏୟାରବେସ୍‌ରେ ହୋଇଥିଲା ସ୍ୱତନ୍ତ୍ର କାର୍ଯ୍ୟକ୍ରମ । ଭବ୍ୟ ସମାରୋହରେ ଦମ୍ ଦେଖାଇଥିଲେ ସ୍ୱତନ୍ତ୍ର କ୍ୟାଟେଡ । ଏହି ଅବସରରେ ଆୟୋଜନ ହୋଇଥିଲା ସ୍ପେଶାଲ ଡିନର ପାର୍ଟି । ଆଉ ଏହି ପାର୍ଟିର ଫୁଡ୍ ମେନ୍ୟୁ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଭାରତୀୟ ବାୟୁ ସେନା ରାତ୍ରୀ ଭୋଜନ ମେନ୍ୟୁକୁ ନେଇ ଜୋରଦାର ଚର୍ଚ୍ଚା । କାରଣ ମେନ୍ୟୁରେ ପାକିସ୍ତାନୀକୁ କରାଯାଇଛି ବେଜ୍ଜିତ୍ । ମେନ୍ୟୁରେ ଥିବା ଫୁଡ୍‌କୁ ସହର ନାମରେ ନାମିତ କରାଯାଇଛି । କେହି କେହି କହୁଛନ୍ତି ଭାରତ ପ୍ରତିଶୋଧର ଏହା ଫଳ । ଏହି ଅନନ୍ୟ ମେନ୍ୟୁର ଫଟୋ ଭାଇରାଲ ହୋଇ ଆଲୋଚନା ହେଉଛି । 

ସୂଚନା ଥାଉକି, ମେନ୍ୟୁରେ ଥିବା ମୁଖ୍ୟ ଖାଦ୍ୟରେ ଥିଲା "ରାୱଲପିଣ୍ଡି" ଚିକେନ୍ ଟିକ୍କା ମସାଲା । "ରଫିକ୍" ରାରା ମଟନ୍, "ବୋଲାରୀ" ପାନେର୍ ମିଥାଇ ମଲାଇ, "ସୁକ୍କୁର" ଶ୍ୟାମ ସାଭେରା କୋଫତା, "ସରଗୋଡା" ଡାଲ ମାଖାନି, "ଜାକବାଦ୍" ଡ୍ରାଏ ଫ୍ରୁଟ୍ ପୁଲାଓ ସହ "ବାହାବଲପୁର" ନାନ । ସେହିଭଳି ମିଠାରେ ଥିଲା "ବାଲାକୋଟ" ତିରାମିସୁ, "ମୁଜାଫରବାଦ" କୁଲଫି ଫାଲୋଡା, ଓ "ମୁରିଦକେ" ମିଠା ପାନ ।  

​​​​​​​

ଉଲ୍ଲେଖନୀୟ ଯେ ମେନ୍ୟୁରେ ଥିବା ସମସ୍ତ ପାକିସ୍ତାନୀ ସହର ଭାରତୀୟ ବାୟୁସେନା ପାଇଁ ଐତିହାସିକ ଗୁରୁତ୍ୱ ବହନ କରେ । ୨୦୧୯ରେ ଅପରେସନ ବନ୍ଦର ଏବଂ ଏହି ବର୍ଷ ହୋଇଥିବା ଅପରେସନ ସିନ୍ଦୂର ସମୟରେ ଏହି ସହରଗୁଡ଼ିକୁ ଭାରତୀୟ ବାୟୁସେନା ଆକ୍ରମଣ ଦ୍ୱାରା ଟାର୍ଗେଟ କରାଯାଇଥିଲା।
ସେପଟେ ଭାଇରାଲ ମେନ୍ୟୁ କାର୍ଡ ଉପରେ ପ୍ରତିକ୍ରିୟା ଦେଇ, ବିଜେପି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ "ନୂଆ ଭାରତ" ଓ "ଘୁସ୍ ମେ ଘୁସ୍ କେ ମାରେଙ୍ଗେ" ଉଲ୍ଲେଖ କରିଛି। ବିଜେପି କହିଛି ଯେ ଭାରତୀୟ ବାୟୁସେନାର ମେନ୍ୟୁ ମଧ୍ୟ ଏବେ ଏକ ନୂତନ ଭାରତକୁ ପ୍ରତିଫଳିତ କରେ ।

ବିଜେପି ମୁଖପାତ୍ର ଶହଜାଦ ପୁନାୱାଲା ଟ୍ୱିଟରରେ (ପୂର୍ବରୁ ଟ୍ୱିଟରରେ) ମେନ୍ୟୁର ଏକ ଫଟୋ ସେୟାର କରି ଲେଖିଛନ୍ତି । "ଖାଦ୍ୟ ପରିବେଷଣ କରିବା ଠାରୁ ନ୍ୟାୟ ପ୍ରଦାନ କରିବା ପର୍ଯ୍ୟନ୍ତ, ଭାରତୀୟ ବାୟୁସେନାର ମେନୁ ମଧ୍ୟ ଏବେ ଏକ ନୂତନ ସ୍ୱାଭାବିକତାକୁ ପ୍ରତିଫଳିତ କରୁଛି! ସେହି ଦିନଗୁଡ଼ିକ ଚାଲିଗଲା ଯେତେବେଳେ ୨୬/୧୧ ଘଟିଥିଲା । ପି. ଚିଦାମ୍ବରମଙ୍କ ଅନୁସାରେ, ବିଦେଶୀ ଶକ୍ତି ଦ୍ୱାରା କୌଣସି କାର୍ଯ୍ୟକୁ ଅନୁମତି ଦିଆ ଯାଇନଥିଲା । ଏବେ, ଏହା ହେଉଛି ନୂତନ ମଡେଲ । ଘରେ ପ୍ରଶି ଆତଙ୍କୀଙ୍କୁ ମାର ।