ନେପାଳରେ ଉତ୍ତେଜନା ମଧ୍ୟରେ କାଠମାଣ୍ଡୁ ବିମାନବନ୍ଦର ବନ୍ଦ, ଭାରତରୁ ସମସ୍ତ ବିମାନ ଉଡ଼ାଣ ବାତିଲ

ନୂଆଦିଲ୍ଲୀ ୧୦।୦୯; ନେପାଳରେ ୩ଚାଲିଥିବା ପ୍ରତିବାଦ ଧିରେ ଧିରେ ତୀବ୍ର ହେଉଛି। ଦେଶରେ ଦୁର୍ନୀତି ଏବଂ ସୋସିଆଲ ମିଡିଆ ଉପରେ ପ୍ରତିବନ୍ଧକ ବିରୋଧରେ ଯୁବପିଢ଼ିଙ୍କ ହିଂସାତ୍ମକ ପ୍ରତିବାଦ ଲଗାତାର ଦ୍ୱିତୀୟ ଦିନ ପାଇଁ ଜାରି ରହିଛି। ଏଥିରେ ଏପର୍ଯ୍ୟନ୍ତ ୧୯ ଜଣଙ୍କର ମୃତ୍ୟୁ ହୋଇଛି। ଏସବୁ ମଧ୍ୟରେ ସକାଳ ଠାରୁ କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦର (TIA) ରେ ଅରାଜକତା ରହିଛି। ସବୁ ବିମାନ ସେବା ବନ୍ଦ ଅଛି।

କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦର ସମେତ ଦେଶର ସମସ୍ତ ବିମାନବନ୍ଦର ବୁଧବାର ଦିନ ୧୨ଟା ପର୍ଯ୍ୟନ୍ତ ବନ୍ଦ କରାଯାଇଛି। ବଢ଼ୁଥିବା ଅଶାନ୍ତି ଯୋଗୁଁ ମଙ୍ଗଳବାର ଦିନ ୨ଟାରୁ ସମସ୍ତ ବିମାନ ଉଡ଼ାଣ ବନ୍ଦ କରିଦିଆଯାଇଛି। ବିମାନବନ୍ଦରର ସୁରକ୍ଷା ଏବଂ ପରିସ୍ଥିତି ସମୀକ୍ଷା କରିବା ପରେ ବୁଧବାର ଅପରାହ୍ନ ପରେ ବିମାନବନ୍ଦର ଖୋଲିବା ନିଷ୍ପତ୍ତି ନିଆଯିବ।  ବର୍ତ୍ତମାନ ନେପାଳୀ ସେନା ବିମାନବନ୍ଦର ଭିତରେ ଏବଂ ବାହାରେ କମାଣ୍ଡ ଗ୍ରହଣ କରିଛି।  କିନ୍ତୁ ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି, ବିମାନ ଏବଂ ଯାତ୍ରୀମାନଙ୍କର ସମ୍ପୂର୍ଣ୍ଣ ସୁରକ୍ଷାର ପରିସ୍ଥିତି ଗମ୍ଭୀର ରହିଛି। ଯାହାଫଳରେ କୌଣସି ବିମାନ ଉଡ଼ାଣ କିମ୍ବା ଅବତରଣ କରିପାରିନଥିବାରୁ ଶହ ଶହ ଯାତ୍ରୀ ନେପାଳରେ ଫସି ରହିଛନ୍ତି।

ହେଲ୍ପଲାଇନ୍ ନମ୍ବର ମଧ୍ୟ ଜାରି କରାଯାଇଛି

ନେପାଳରେ ହେଲ୍ପଲାଇନ୍ ନମ୍ବର ମଧ୍ୟ ଜାରି କରାଯାଇଛି ଏବଂ ଲୋକଙ୍କୁ ଅପିଲ୍ କରାଯାଇଛି ଯେ ଯଦି ଆପଣଙ୍କ ଘର ପାଖରେ କୌଣସି ଅସାମାଜିକ କାର୍ଯ୍ୟକଳାପ ଘଟୁଛି କିମ୍ବା ଆପଣଙ୍କୁ ସାହାଯ୍ୟର ଆବଶ୍ୟକତା ଅଛି, ତେବେ ଦୟାକରି ଜରୁରୀକାଳୀନ ହେଲ୍ପଲାଇନକୁ ଜଣାନ୍ତୁ। ଏହି ରାଜନୈତିକ ଅସ୍ଥିରତାକୁ ଦୃଷ୍ଟିରେ ରଖି, ଭାରତ ସରକାର ନେପାଳ ସମ୍ପର୍କରେ ଏକ ଯାତ୍ରା ପରାମର୍ଶ ଜାରି କରିଛନ୍ତି। ଭାରତୀୟ ନାଗରିକମାନଙ୍କୁ ବର୍ତ୍ତମାନ ପାଇଁ ନେପାଳ ଯାତ୍ରା ଏଡାଇବାକୁ ପରାମର୍ଶ ଦିଆଯାଇଛି।