ମନି ଲଣ୍ଡରିଂ ମାମଲା: ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେଲେ ଜ୍ୟାକଲିନ୍, ହାଇକୋର୍ଟଙ୍କ ରାୟକୁ କଲେ ଚ୍ୟାଲେଞ୍ଜ

ମୁମ୍ଵାଇ ୨୧।୦୯; ବଲିଉଡ୍‌ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍। ସୁକେଶ ଚନ୍ଦ୍ରଶେଖରଙ୍କ ସହ ଜଡିତ ୨୦୦ କୋଟି ଟଙ୍କାର ମନି ଲଣ୍ଡରିଂ ମାମଲାରେ ଆଶ୍ୱସ୍ତି ପାଇଁ ସୁପ୍ରିମକୋର୍ଟରେ ଏକ ଆବେଦନ ଦାଖଲ କରିଛନ୍ତି। ଜ୍ୟାକଲିନ୍ ଦିଲ୍ଲୀ ହାଇକୋର୍ଟର ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଛନ୍ତି। ଜଷ୍ଟିସ୍ ଦୀପଙ୍କର ଦତ୍ତା ଏବଂ ଅଗଷ୍ଟିନ୍ ଜର୍ଜ ମାସିହଙ୍କ ଖଣ୍ଡପୀଠ ସୋମବାର, ସେପ୍ଟେମ୍ବର ୨୨ ତାରିଖରେ ଜ୍ୟାକଲିନଙ୍କର ଆବେଦନର ଶୁଣାଣି କରିବେ।

୩ ଜୁଲାଇରେ, ଦିଲ୍ଲୀ ହାଇକୋର୍ଟ ୨୦୦ କୋଟି ଟଙ୍କାର ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା ସୁକେଶ ଚନ୍ଦ୍ରଶେଖରଙ୍କ ବିରୋଧରେ ଦାୟର କରାଯାଇଥିବା ଏଫଆଇଆରକୁ ରଦ୍ଦ କରିବା ପାଇଁ ଏକ ଆବେଦନକୁ ଖାରଜ କରିଦେଇଥିଲେ। ଜ୍ୟାକଲିନ୍ ଆବେଦନକୁ ଖାରଜ କରି ଦିଲ୍ଲୀ ହାଇକୋର୍ଟ କହିଛନ୍ତି ଯେ ଅଭିଯୁକ୍ତ ପ୍ରକୃତରେ ଅପରାଧ କରିଛନ୍ତି କି ନାହିଁ ତାହା ନିର୍ଣ୍ଣୟ କେବଳ ଟ୍ରାଏଲ୍ କୋର୍ଟ କରିପାରିବେ। ଏହି ସମୟରେ ଜ୍ୟାକଲିନ୍ ଦିଲ୍ଲୀ ହାଇକୋର୍ଟରେ କହିଛନ୍ତି ଯେ ତାଙ୍କ ବିରୁଦ୍ଧରେ ସମସ୍ତ ଅଭିଯୋଗ ମିଥ୍ୟା ଏବଂ ସୁକେଶ ଚନ୍ଦ୍ରଶେଖରଙ୍କ ଅପରାଧିକ ଇତିହାସ ବିଷୟରେ ତାଙ୍କର କୌଣସି ଜ୍ଞାନ ନାହିଁ।

ଦିଲ୍ଲୀ ହାଇକୋର୍ଟରେ ଦାୟର କରିଥିବା ଆବେଦନରେ, ଜ୍ୟାକଲିନ କେବଳ ଇଡିର ମାମଲା ଖାରଜ କରିବାକୁ ଅନୁରୋଧ କରିନଥିଲେ ବରଂ ଚାର୍ଜସିଟ୍ ଗ୍ରହଣ କରିବା ପାଇଁ ନିମ୍ନ ଅଦାଲତର ନିର୍ଦ୍ଦେଶକୁ ମଧ୍ୟ ଚ୍ୟାଲେଞ୍ଜ କରିଥିଲେ। ଜ୍ୟାକଲିନ ତାଙ୍କ ଏବଂ ସୁକେଶଙ୍କ ବିରୁଦ୍ଧରେ ପ୍ରବର୍ତ୍ତନ ନିର୍ଦ୍ଦେଶାଳୟ ଯେଉଁ ଏଫଆଇଆର ତଦନ୍ତ କରୁଛି ତାହାକୁ ରଦ୍ଦ କରିବାକୁ ଅନୁରୋଧ କରିଛନ୍ତି। ସେ ଯୁକ୍ତିରେ ଦେଇଛନ୍ତି ଯେ ଏଫଆଇଆର ତଥ୍ୟ ସତ୍ୟ ଉପରେ ଆଧାରିତ ନୁହେଁ।