ଜାତିଗତ ସର୍ଭେ ମାମଲାରେ କର୍ଣ୍ଣାଟକ ହାଇକୋର୍ଟଙ୍କ ଗୁରୁତ୍ତ୍ୱପୂର୍ଣ୍ଣ ରାୟ; ରାଜ୍ୟ ସରକାରଙ୍କୁ ଦେଲେ ବଡ଼ ନିର୍ଦ୍ଦେଶ

ନୂଆଦିଲ୍ଲୀ: ଜାତିଗତ ସର୍ଭେ ମାମଲାରେ କର୍ଣ୍ଣାଟକ ହାଇକୋର୍ଟଙ୍କ ଗୁରୁତ୍ତ୍ୱପୂର୍ଣ୍ଣ ରାୟ । ଏହି ଗୁରୁତ୍ବପୂର୍ଣ୍ଣ ମାମଲାର ଶୁଣାଣି କରି କର୍ଣ୍ଣାଟକ ହାଇକୋର୍ଟ ରାଜ୍ୟ ସରକାରଙ୍କ ସାମାଜିକ- ଅର୍ଥନୈତିକ ସର୍ଭେ କିମ୍ବା ଜାତି ଗଣନା ସର୍ଭେକୁ ବନ୍ଦ କରିବା ପାଇଁ ହୋଇଥିବା ମାମଲାକୁ ଖାରଜ କରିଦେଇଛନ୍ତି। ଏହା ସହ କୋର୍ଟ ଅଧିକାରୀମାନଙ୍କୁ ସର୍ଭେରୁ ସଂଗୃହୀତ କୌଣସି ତଥ୍ୟ ପ୍ରକାଶ ନକରିବାକୁ ଏବଂ ଅଂଶଗ୍ରହଣକାରୀମାନଙ୍କୁ ଏହାର ଫଳାଫଳ ବିଷୟରେ ଜଣାଇବାକୁ ନିର୍ଦ୍ଦେଶ ଦେଇଛନ୍ତି।

ମୁଖ୍ୟ ବିଚାରପତି ବିଭୁ ବାଖରୁ ଏବଂ ବିଚାରପତି ସିଏମ୍ ଜୋଶୀଙ୍କ ଖଣ୍ଡପୀଠ ଏନେଇ ରାୟ ଦେଇ କହିଛନ୍ତି ଯେ ‘‘ଚାଲିଥିବା ସର୍ଭେକୁ ସ୍ଥଗିତ ରଖିବାର କୌଣସି କାରଣ ଆମେ ପାଉନାହୁଁ। ଏହି ସର୍ଭେରେ ଭାଗ ନେଇଥିବା କୌଣସି ବ୍ୟକ୍ତିଙ୍କ ତଥ୍ୟ ପ୍ରକାଶ କରାଯିବ ନାହିଁ। କମିଶନ ଏହା ନିଶ୍ଚିତ କରିବା ଉଚିତ ଯେ, କିପରି ସମସ୍ତ ତଥ୍ୟ ସମ୍ପୂର୍ଣ୍ଣ ସୁରକ୍ଷିତ ଏବଂ ଗୋପନୀୟ ରଖାଯିବ। ଆମେ କମିଶନଙ୍କୁ ଏକ ସାର୍ବଜନୀନ ବିଜ୍ଞପ୍ତି ଜାରି କରିବାକୁ ନିର୍ଦ୍ଦେଶ ଦେଉଛୁ। ଯେଉଁଥିରେ କୁହାଯାଇଛି ଯେ ଏହି ସର୍ଭେରେ ଜାରି କରାଯାଉଥିବା ଡାଟା ସ୍ୱେଚ୍ଛାକୃତ ଭାବେ ଗ୍ରହଣ କରାଯିବ ଏବଂ ଏଥିପାଇଁ କୌଣସି ବ୍ୟକ୍ତିଙ୍କୁ କୌଣସି ସୂଚନା ପ୍ରଦାନ କରିବାକୁ ବାଧ୍ୟ କରାଯାଇପାରିବ ନାହିଁ।’’

ଖଣ୍ଡପୀଠ ଏହା ମଧ୍ୟ କହିଛନ୍ତି ଯେ, ଚାଲୁ ରହିଥିବା ସର୍ଭେ ଆରମ୍ଭରୁ ସ୍ବେଚ୍ଛାକୃତ ହେବାର ଆବଶ୍ୟକତା ରହିଛି। ଯଦି ଜଣେ ଅଂଶଗ୍ରହଣକାରୀ ଏହି ସର୍ଭେରେ ଅଂଶଗ୍ରହଣ କରିବାକୁ ମନା କରନ୍ତି, ତେବେ ଅଧିକାରୀମାନେ ସେମାନଙ୍କୁ ସୂଚନା ଦେବା କିମ୍ବା  ସେମାନଙ୍କୁ ଏଥିରେ ଭାଗ ନେବା ପାଇଁ କୌଣସି ପଦକ୍ଷେପ ନେଇପାରିବେ ନାହିଁ। କମିଶନ ଗୋଟିଏ କାର୍ଯ୍ୟ ଦିବସ ମଧ୍ୟରେ ଏକ ସତ୍ୟପାଠ ଦାଖଲ କରିବେ ଯେଉଁଥିରେ ସଂଗୃହୀତ ତଥ୍ୟର ଗୋପନୀୟତା ବଜାୟ ରଖିବା ପାଇଁ ନିଆଯାଇଥିବା ପଦକ୍ଷେପ ବିଷୟରେ ସ୍ପଷ୍ଟ ଭାବରେ ବିସ୍ତୃତ ବର୍ଣ୍ଣନା ରହିଥିବ।