ମୁଣ୍ଡଳୀରେ ବନ୍ୟାଜଳ ସର୍ବୋଚ୍ଚ ସ୍ଥାନରେ ପହଞ୍ଚି ସାରିଛି, ତାପରେ କମିବ

ଭୁବନେଶ୍ବର ୭।୯: ରାଜ୍ୟରେ ବନ୍ୟା ସ୍ଥିତି ନେଇ ପ୍ରତିକ୍ରିୟା ରଖିଛନ୍ତି ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ । ସର୍ବୋଚ୍ଚ ଯନ୍ତ୍ରୀ କହିଛନ୍ତି, ମୁଣ୍ଡଳୀରେ ବର୍ତ୍ତମାନ ୬.୧୬ ଲକ୍ଷ କ୍ୟୁସେକ୍ ଜଳ ପ୍ରଭାବିତ ହେଉଛି । ମୁଣ୍ଡଳୀରେ ବନ୍ୟାଜଳ ସର୍ବୋଚ୍ଚ ସ୍ଥାନରେ ପହଞ୍ଚି ସାରିଛି । ତାପରେ କମିବ । କାରଣ ହୀରାକୁଦରେ ୮ଟି ଗେଟ୍ ଦେଇ ଜଳ ନିଷ୍କାସନ ହେଉଛି ।

ସେହିପରି ଆଖିଦୃଶିଆ ବର୍ଷା ହୋଇନି । ମହାନଦୀ ଶାଖା ନରାଜ, କୁଶଭଦ୍ରା ଠାରେ ବିପଦ ସଂକେତ ତଳେ ରହିଛି । ତେଣୁ କିଛି ଅସୁବିଧା ନାହିଁ । ଜିଲ୍ଲା ପ୍ରଶାସନ ସହ ଜଳ ସମ୍ପଦ ବିଭାଗ ପ୍ରସ୍ତୁତ ଅଛନ୍ତି । ବ୍ରାହ୍ମଣୀ ଜଳ ଯାଉଥିବା ରେଙ୍ଗାଲିର ସବୁ ଗେଟ୍ ବନ୍ଦ ଅଛି । କେବଳ ୩ ବ୍ଲକରେ ୫୦ ମିମି ବର୍ଷା ହୋଇଛି । ଗୋଟେ ବ୍ଲକ୍‌ରେ ଯାହା ଢେଙ୍କାନାଳ ଭୁବନରେ ୧୦୦ ମିମିରୁ ଅଧିକ ବର୍ଷା ହୋଇଛି ବୋଲି ଚନ୍ଦ୍ରଶେଖର ପାଢ଼ୀ କହିଛନ୍ତି ।