ସକାଳୁ ଭୂକମ୍ପରେ ଥରିଲା ତିବ୍ଦତ, ରିକ୍ଟର ସ୍କେଲ୍‌ରେ ତୀବ୍ରତା ୩.୧ ରେକର୍ଡ

ନୂଆଦିଲ୍ଲୀ ୧୩।୦୯; ତିବ୍ଦତରେ ମୃଦୁ ଭୂମିକମ୍ପ ଅନୁଭୂତ । ଶନିବାର ସକାଳେ ଇଣ୍ଡିଆନ୍ ନ୍ୟାସନାଲ୍ ସେଣ୍ଟର ଫର୍ ସିସମୋଲୋଜି (NCS) ଅନୁଯାୟୀ, ଏହି ଭୂମିକମ୍ପ ସକାଳ ୪:୫୭ ରେ ହୋଇଥିଲା। ଭୂମିକମ୍ପ ପରେ ଲୋକମାନେ ଘରୁ ବାହାରକୁ ବାହାରି ଆସିଥିଲେ। ହେଲେ ଏପର୍ଯ୍ୟନ୍ତ କୌଣସି ବଡ଼ କ୍ଷୟକ୍ଷତି ସମ୍ପର୍କରେ କୌଣସି ସୂଚନା ମିଳିନାହିଁ।

ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୩.୧ ରେକର୍ଡ କରାଯାଇଥିଲା। ଏହାର କେନ୍ଦ୍ରସ୍ଥଳ ତିବ୍ଦତରେ ୨୭.୯୩° ଉତ୍ତର ଅକ୍ଷାଂଶ ଏବଂ ୮୭.୨୭° ପୂର୍ବ ଦ୍ରାଘିମାରେ ଅବସ୍ଥିତ ଥିଲା। ଭୂମିକମ୍ପ ୧୦ କିଲୋମିଟର ଗଭୀରତାରେ ହୋଇଥିଲା। ହିମାଳୟ ଏବଂ ତିବ୍ଦତ ଅଞ୍ଚଳ ଭୌଗୋଳିକ ଦୃଷ୍ଟିରୁ ଅତ୍ୟନ୍ତ ସମ୍ବେଦନଶୀଳ କ୍ଷେତ୍ର। ସମୟ ସମୟରେ ଏଠାରେ ହାଲୁକାରୁ ମଧ୍ୟମ ତୀବ୍ରତାର ଭୂମିକମ୍ପ ଘଟୁଛି।

ଭୂମିକମ୍ପ କାହିଁକି ହୁଏ?

ଭୂମିକମ୍ପର ସବୁଠାରୁ ବଡ଼ କାରଣ ହେଉଛି ପୃଥିବୀ ପୃଷ୍ଠ ତଳେ ଥିବା ଟେକ୍ଟୋନିକ୍ ପ୍ଲେଟ୍। ପୃଥିବୀର ବାହ୍ୟ ସ୍ତର ଅନେକ ବଡ଼ ପ୍ଲେଟରେ ବିଭକ୍ତ। ଯାହା ନିରନ୍ତର ନିଜ ସ୍ଥାନରୁ ଘୁଞ୍ଚିଯାଏ। ଯେତେବେଳେ ଏହି ପ୍ଲେଟ ଗୁଡ଼ିକ ପରସ୍ପର ସହିତ ଧକ୍କା ହୁଅନ୍ତି। ସେତେବେଳେ ପ୍ରଚୁର ପରିମାଣର ଶକ୍ତି ନିର୍ଗତ ହୁଏ। ଏହି ଶକ୍ତି ଭୂକମ୍ପୀୟ ତରଙ୍ଗ ଆକାରରେ ବ୍ୟାପିଯାଏ ଏବଂ ଆମେ ପୃଥିବୀ ଥରୁଥିବା ଅନୁଭବ କରୁ। ଏହା ବ୍ୟତୀତ, ଜ୍ୱାଳାମୁଖୀ ଉଦ୍ଗୀରଣ, ଭୂତଳ ଖଣିରେ ବିସ୍ଫୋରଣ କିମ୍ବା ପୃଥିବୀ ଭିତରେ ଫାଟ ମଧ୍ୟ ଭୂମିକମ୍ପର କାରଣ ହୋଇପାରେ।