ସବୁ ଜେଲ୍‌କୁ ସରପ୍ରାଇଜ୍ ଭିଜିଟ୍‌ ପାଇଁ ନିର୍ଦ୍ଦେଶ : ସବୁ ଜିଲ୍ଲାପାଳ ଓ ଏସ୍‌ପିଙ୍କୁ ଜେଲ୍‌ ଡିଜିଙ୍କ ଚିଠି

ଭୁବନେଶ୍ବର ୧୪।୧୦: ଗୃହ ବିଭାଗର ଚିଠି ପରେ ପ୍ରତି ଜିଲ୍ଲାର ଜିଲ୍ଲାପାଳ ଓ ଏସ୍‌ପି ମାନଙ୍କୁ ଚିଠି କଲା ଜେଲ୍ ବିଭାଗ । ଜେଲ୍ ମାନୁଆଲ ଅନୁଯାୟୀ ପ୍ରତି ମାସରେ ଜେଲ୍ ପରିଦର୍ଶନ କରିବେ ଜିଲ୍ଲାପାଳ ଓ ଏସ୍‌ପି । ଜେଲ୍‌ର ସିକ୍ୟୁରିଟି ସମ୍ପର୍କରେ ଜେଲ୍ ବିଭାଗକୁ ଅବଗତ କରାଇବେ ଏହି ଦୁଇ ବିଭାଗର ଅଧିକାରୀ । ଏଥି ସହିତ ଜେଲ୍ ଭିତରେ ଅବକାରୀ ସାମଗ୍ରୀକୁ ତଦାରଖ କରି ରିପୋର୍ଟ ଦେବେ ।

ସିସିଟିଭି ଚେକ୍ କରି ତାହା କାର୍ଯ୍ୟକାରୀ ହେଉଛି କି ନାହିଁ ତାର ବିବରଣୀ ପ୍ରଦାନ କରିବେ । ଜେଲ୍ ଭିତରେ କଏଦୀଙ୍କ ପାଇ ରହିଥିବା ଟଏଲେଟ ସଫାସୁତୁରା ସମ୍ପର୍କିତ ରିପୋର୍ଟ ପ୍ରଦାନ କରିବେ । ପ୍ରତି କଏଦୀଙ୍କୁ ଯେଉଁ ଖାଦ୍ୟ ଦିଆଯଉଛି ତାର ମାନ ଠିକ୍ ଅଛି କି ନାହିଁ ତାର ମଧ୍ୟ ରିପୋର୍ଟ ପ୍ରଦାନ କରିବେ । ଜେଲ୍ ଭିତରେ କଏଦୀ ମାନଙ୍କର ସ୍ବାସ୍ଥ୍ୟ ଠିକ୍ ଅଛି କି ନାହିଁ ତାର ରିପୋର୍ଟ ପ୍ରତି ମାସରେ ଜିଲ୍ଲାପାଳ ଓ ଏସ୍‌ପିଙ୍କୁ ପ୍ରଦାନ କରିବା ପାଇଁ କୁହାଯାଇଛି । ଜେଲ୍ ଭିତରେ କଏଦୀ ମାନଙ୍କର ଯୋଗ ସହିତ ଶାରୀରିକ ବ୍ୟାୟାମ କରାଯାଉଛି କି ନାହିଁ ତାର ତଦାରଖ କରି ରିପୋର୍ଟ ପ୍ରଦାନ କରିବାକୁ ଉଲ୍ଲେଖ ରହିଛି ।