ସୁବର୍ଣ୍ଣପୁର ସୁରେଶ୍ଵରୀ ମନ୍ଦିରରେ ମା’ଙ୍କ ଦଶ ଅବତାର ଆରମ୍ଭ, ଧବଳମୁଖୀ ବେଶରେ ଦେଉଛନ୍ତି ଦର୍ଶନ

ସୁବର୍ଣ୍ଣପୁର ୨୧।୯: ଆଜି ହେଉଛି ପବିତ୍ର ମହାଳୟା । ଏହି ଅବସରରେ ସୁବର୍ଣ୍ଣପୁର ସୁରେଶ୍ଵରୀ ମନ୍ଦିରରେ ମା’ ସୁରେଶ୍ଵରୀଙ୍କ ଧବଳମୁଖୀ ବେଶ ହୋଇଛି । ଆଜି ଠାରୁ ମା’ଙ୍କ ଦଶ ଅବତାର ଆରମ୍ଭ ହୋଇଛି । ପ୍ରଥମ ଦିନରେ ମା’ ସୁରେଶ୍ଵରୀ ଧବଳମୁଖୀ ବେଶରେ ଭକ୍ତ ମାନଙ୍କୁ ଦର୍ଶନ ଦେଉଛନ୍ତି । ମା’ଙ୍କ ଧବଳମୁଖୀ ବେଶ ଦର୍ଶନ କରିବାକୁ ସକାଳୁ ଭକ୍ତମାନେ ମନ୍ଦିରରେ ଭିଡ ଲଗାଇଥିଲେ । ସ୍ଵତନ୍ତ୍ର ଭାବରେ ନୀତିକାନ୍ତି ସମ୍ପନ୍ନ କରାଯିବା ପରେ ସର୍ବସାଧାରଣ ଦର୍ଶନ ପାଇଁ ମନ୍ଦିର ଖୋଲାଯାଇଥିଲା । ବର୍ଷକରେ ଥରେ ଏହି ବେଶ ହେଉଥିବାରୁ ଧବଳମୁଖୀ ବେଶ ଦର୍ଶନ କରିବାକୁ ଭକ୍ତ ମାନଙ୍କ ଭିଡ଼ ଜମିଛି । ବେଶ ଦର୍ଶନ କରି ସେମାନେ ବେଶ୍ ଆନନ୍ଦିତ ବୋଲି କହିଛନ୍ତି ।