ଭୁବନେଶ୍ୱର: ଆୟୁର୍ବେଦ ଔଷଧ କ୍ଷେତ୍ରରେ ବେଶ ପରିଚିତ ନାଁ ବୈଦ୍ୟନାଥ । ଦୀର୍ଘ ୧୦୭ ବର୍ଷ ଧରି ଦେଶ ବିଦେଶରେ ଲୋକଙ୍କ ବିଶ୍ୱାସ ଭାଜନ ହୋଇ ପାରିଛି ବୈଦ୍ୟନାଥ । ୭୦୦ରୁ ଅଧିକ ଉତ୍ପାଦ ସହ ୨୫ରୁ ଅଧିକ ଦେଶକୁ ରପ୍ତାନୀ କରୁଛି ବୈଦ୍ୟନାଥ । ଆୟୁର୍ବେଦ ଔଷଧ, ପ୍ରସାଧାନ ସାମଗ୍ରୀ, କସମେଟିକ, ଜୁସ୍ ଭଳି ବିଭିନ୍ନ ସାମଗ୍ରୀ ଉତ୍ପଦାନ କରୁଛି ବୈଦ୍ୟନାଥ ଆୟୁର୍ବେଦ ପ୍ରାଇଭେଟ ଲିମିଟେଡ୍ ।
ଭୁବନେଶ୍ବରରେ ବୈଦ୍ୟନାଥ ଡିଲର ସମ୍ମିଳନୀ ଅନୁଷ୍ଠିତ ହୋଇଛି । ଏହି ଅବସରରେ ବୈଦ୍ୟନାଥ ଆୟୁର୍ବେଦର ପରିଚାଳନା ନିର୍ଦେଶକ ରାମକ୍ରୀଷ୍ଣା ଶର୍ମା ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି । ଏହି ଅବସରରେ ନ୍ୟୁଜ୍୭କୁ ପ୍ରତିକ୍ରିୟା ଦେଇ ସେ କହିଛନ୍ତି ଯେ, ବଜାରରେ ଯେତେ ପ୍ରତିଯୋଗିତା ବଢିଲେ ମଧ୍ୟ ବୈଦ୍ୟନାଥ କମ୍ପାନି ପ୍ରତି ଲୋକଙ୍କ ବିଶ୍ୱସନୀତା ରହିଛି । ବ୍ୟବସାୟ ଭଲ ହେଉଛି । ଓଡିଶାରେ ମଧ୍ୟ ବୈଦ୍ୟନାଥ ଭଲ ଅଭିବୃଦ୍ଧି ରହିଛି । ବୈଦ୍ୟନାଥ ପ୍ରଡକ୍ଟ ପ୍ରତି ଯୁବ ବର୍ଗଙ୍କର ଆଗ୍ରହ ବଢୁଛି । ବିଭିନ୍ନ ପ୍ରକାର ଫେସ୍ ଓ୍ବାସ୍, ବିୟୁଟି ଅଏଲ୍, ଆଲୋଭେରା, ହଳଦି, ନିମ, ସାମ୍ପୁ, କୁମକୁମାଦି ତୈଳ, ଭୃଙ୍ଗରାଜ ସାମ୍ପୁ, ଅଲୋଭେରା ଜେଲ୍, ସିନ୍ସିଲ୍ଡ ସନ୍ ପ୍ୟାକ୍ ଭଳି ପ୍ରସାଧନା ସାମଗ୍ରୀ ଲଞ୍ଚ୍ କରାଯାଇଛି ।
ଏହି ସମ୍ମିଳନୀରେ ରାଜ୍ୟର ବିଭିନ୍ନ ପ୍ରାନ୍ତରୁ ବୈଦ୍ୟନାଥର ଡିଲରମାନେ ଯୋଗଦେଇଥିଲେ । ବିକ୍ରିରେ ଭଲ ପ୍ରଦର୍ଶନ ହାସଲ କରିଥିବା ଡିଲରମାନଙ୍କୁ କମ୍ପାନୀ ପକ୍ଷରୁ ପୁରସ୍କୃତ କରାଯାଇଥିଲା । ବୈଦ୍ୟନାଥ ପକ୍ଷରୁ ରାଜ୍ୟରେ ଆୟୁର୍ବେଦିକ ପାଠ ପଢୁଥିବା ଗରିବ ମେଧାବୀ ଛାତ୍ରଛାତ୍ରୀଙ୍କୁ ସ୍କଲାରସିପ ପ୍ରଦାନ କରାଯାଉଛି । ପୁରୀଠାରେ ଥିବା ଗୋପବନ୍ଧୁ ଆୟୁର୍ବେଦ କଲେଜରେ ବୈଦ୍ୟନାଥ ପକ୍ଷରୁ ଗବେଷଣା କରାଯାଉଛି ।
୧୯୧୭ ମସିହାରୁ ଭାରତରେ ଆୟୁର୍ବେଦ କ୍ଷେତ୍ରରେ ବେଶ ପରିଚିତ ନାଁ ବୈଦ୍ୟନାଥ । ଏହାର ଗୁଣବତ୍ତା ଏବଂ ଭଲ ଉତ୍ପାଦନ ଗ୍ରାହକଙ୍କ ପ୍ରଥମ ପସନ୍ଦ ପାଲଟିଛି । ଆୟୁର୍ବେଦିକ ଜ୍ଞାନ, ବୈଜ୍ଞାନିକ ଅନୁସନ୍ଧାନ ଏବଂ ଅତ୍ୟାଧୁନିକ ପ୍ରଯୁକ୍ତି ଜ୍ଞାନକୌଶଳର ବ୍ୟବହାର କରି ଉତ୍ତମମାନର ସାମଗ୍ରୀ ଉତ୍ପାଦନ କରୁଛି ବୈଦ୍ୟନାଥ । ଏବେ ସାରା ଦେଶରେ ବୈଦ୍ୟନାଥର ୧୪ଟି ପ୍ରଡ୍କସନ ଫ୍ୟାକ୍ଟ୍ରି, ୫ଟି ଉଚ୍ଚମାନର ଗବେଷଣାଗାର ରହିଛି । ବିଭିନ୍ନ ସ୍ଥାନରେ ୪ ହଜାର ୫୦୦ ସୋ’ରୁମ୍ ଓ କ୍ଲିନିକ୍ ରହିଛି । ଯେଉଁଠି ପରାମର୍ଶ ପାଇଁ ଆୟୁର୍ବେଦ ଡାକ୍ତର ଉପଲବ୍ଧ ହେଉଛନ୍ତି । ଗ୍ରାହକମାନେ ମାଗଣାରେ ପରାମର୍ଶ ପାଇ ପାରୁଛନ୍ତି । WHOର ସାର୍ଟିଫିକେସନ ସହ Good Manufacturing Practices (GMP) ମାନ୍ୟତା ପାଇ ପାରିଛି ।
