ଦେବଗଡ ୨୬।୪: ଦେବଗଡ ଜିଲ୍ଲା ଅନ୍ତର୍ଗତ ବସାଲଇ ଗ୍ରାମ ନିକଟରେ ୪୯ ନମ୍ବର ଜାତୀୟ ରାଜପଥରେ କାର ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳା ଜଣଙ୍କ ହେଲେ ରାଉରକେଲା ସେକ୍ଟର-୫ ଗୋଲଘର ଅଞ୍ଚଳର ମଞ୍ଜୁ ଭୋଳ । ମୃତ ମହିଳା ତାଙ୍କ ପରିବାର ସହ ନିଜର ପୈତୃକ ଘର ଭଞ୍ଜନଗର । ତାମନାଡ ଗ୍ରାମରେ ଥିବା ଶୈବପୀଠରୁ ମାନସିକ ପୂଜା ସାରି ଦୁଇଟି ଗାଡିରେ ଶୁକ୍ରବାର ଅପରାହ୍ନ ସମୟରେ ଫେରିବା ସମୟରେ ଏହି ଦୁର୍ଘଟଣା ଘଟିଛି ।
ତେବେ ମୃତ ମହିଳା ମଞ୍ଜୁଙ୍କ ସ୍ବାମୀ ଦେବୀ ପ୍ରସାଦ ଭୋଳ ଦୁର୍ଘଟଣାଗ୍ରସ୍ତ ଗାଡି ଚଳାଉଥିବା ବେଳେ ବସାଲଇ ନିକଟରେ ରାସ୍ତାର ଡିଭାଇଡରକୁ ଧକ୍କା ଦେଇ କାରଟି ଓଲଟି ପଡିଥିଲା । ଫଳରେ ଦୁର୍ଘଟଣା ସ୍ଥଳରେ ମଞ୍ଜୁଙ୍କ ମୃତ୍ୟୁ ଘଟିଥିବା ବେଳେ ସେହି ଗାଡିରେ ଥିବା ତାଙ୍କ ଦୁଇ ବର୍ଷର ଶିଶୁ ପୁତ୍ର ଅଳ୍ପକେ ବର୍ତ୍ତିଯାଇଛି । ତାଙ୍କ ୮ ବର୍ଷ ର ଝିଅ ଆରାଧ୍ୟା ଭୋଳ ଓ ଶ୍ବଶୁର ପ୍ରଭାକର ଭୋଳ ଆହତ ହୋଇଛନ୍ତି । ଆହତ ମାନଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଦେବଗଡ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ଥ ଗାଡିଟି ଜବତ କରିବା ସହ ଅଧିକ ତଦନ୍ତ କରୁଛନ୍ତି ।
You Can Read :