ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବରେ ଚର୍ଚ୍ଚା କରି ଭାରତ ବିକଶିତ ହେବା ମାର୍ଗରେ ଆଗକୁ ବଢୁଛି ବୋଲି କହିଛନ୍ତି । ଦେଶ ପାଇଁ ୨୦ରୁ ୨୫ ବର୍ଷର କାଳଖଣ୍ଡ ବିକଶିତ ହେବା ପାଇଁ ଯଥେଷ୍ଟ ଅଟେ । ଏହାସହ ସେ କହିଛନ୍ତି ଯେ ଏବେ ଏହା ତାଙ୍କର ତୃତୀୟ କାର୍ଯ୍ୟକାଳ, ଆବଶ୍ୟକ ପଡ଼ିଲେ ଦେଶର ବିକାଶ ପାଇଁ ଆଗକୁ ସେବା କରିବା ଜାରି ରଖିବେ ।
ପ୍ରଧାନମନ୍ତ୍ରୀ କହିଛନ୍ତି ଯେ ବିକଶିତ ଭାରତ ସ୍ୱପ୍ନକୁ ପୂରଣ କରିବା ପାଇଁ ଦେଶ ଆଜି ବଡ଼ ଆତ୍ମବିଶ୍ୱାସ ସହ ଆଗକୁ ବଢିଛି । ସେ କହିଛନ୍ତି ଯେ ଏହା କୌଣସି ସରକାରୀ ସ୍ୱପ୍ନ ନୁହେଁ, ବରଂ ସବୁ ନାଗରିକଙ୍କ ସ୍ୱପ୍ନ । ପିଏମ୍ କହିଛନ୍ତି, 'ଦୁନିଆର ଅନେକ ଦେଶ ୨୦-୨୫ ବର୍ଷରେ ଏପରି କରି ଦେଖାଇଛି । ଭାରତ ସହ ଡେମୋଗ୍ରାଫି ରହିଛି, ଡେମୋଗ୍ରାଫି ଏବଂ ଡିମାଣ୍ଡ ଥିବାସତ୍ତ୍ୱେ ଆମେ କାହିଁକି ବିକଶିତ ହୋଇପାରିବା ନାହିଁ । ୨୦୪୭ ସୁଦ୍ଧା ଆମେ ଏପରି କରି ଦେଖାଇବୁ । ଏବେ ଆମକୁ ଆହୁରି ବଡ଼ ଲକ୍ଷ୍ୟ ହାସଲ କରିବାର ଅଛି ଏବଂ ଆମେ ତାହା କରି ଦେଖାଇବୁ । ଏହା କେବଳ ଆମର ତୃତୀୟ ଟର୍ମ । ଦେଶର ଆବଶ୍ୟକତା ଅନୁସାରେ ବିକଶିତ ଭାରତ କରିବା ପାଇଁ ଆଗାମୀ ଅନେକ ବର୍ଷ ଯାଏ ରହି କାମ କରିବୁ ।
#WATCH | PM Narendra Modi says, "...In 2047, when the country celebrates 100 years of independence, we would definitely be Viksit Bharat - this is the dream we are going forward with...I say this with confidence, this is just our third term. In line with the needs of the country,… pic.twitter.com/N5cqJLNrwo
— ANI (@ANI) February 4, 2025
ପ୍ରଧାନମନ୍ତ୍ରୀ ଦେଶର ବିକାଶ ପାଇଁ ସବୁ ଦଳ, ସବୁ ନେତା, ସବୁ ଦେଶବାସୀଙ୍କୁ ଏକଜୁଟ୍ ହେବା ପାଇଁ ଅନୁରୋଧ କରିଛନ୍ତି । ସେ କହିଛନ୍ତି ଯେ ସବୁ ଦଳ ଏବଂ ନେତାଙ୍କ ନିଜ-ନିଜର ବିଚାରଧାରା ରହିବ କିନ୍ତୁ ଦେଶଠାରୁ କିଛି ବଡ଼ ନୁହେଁ । ଯେତେବେଳେ ଦେଶ ବିକଶିତ ହେବ, ସେତେବେଳେ ଆମ ପରବର୍ତ୍ତୀ ପିଢି କହିବ ୨୦୨୫ରେ ଏକ ସଂସଦ ଏପରି ଥିଲା, ଯେଉଁଠି ବସିଥିବା ସବୁ ସାଂସଦ ବିକଶିତ ଭାରତ ପାଇଁ କାମ କରୁଥିଲେ ।
