ଭାଲେଣ୍ଟାଇନ ଡେ’ ପୂର୍ବରୁ ପୋଷ୍ଟର ଭାଇରାଲ, ସୋସିଆଲ ମିଡିଆରେ ଝଡ଼

ପାଟନା ୧୩।୨: ରାତି ପାହିଲେ ଭାଲେଣ୍ଟାଇନ ଡେ’ ଯୁବକ ଯୁବତୀଙ୍କ ମନରେ ଅନେକ ସ୍ୱପ୍ନ। ଭାଲେଣ୍ଟାଇନ ୱିକ୍ କାଳରେ ସୋସିଆଲ ମିଡିଆରେ ପ୍ରାୟତଃ ଅନେକ କଥା ଭାଇରାଲ ହୋଇଥାଏ। ଏଥିରେ ପ୍ରାୟତଃ ପ୍ରେମ ପ୍ରସଙ୍ଗ ଥାଏ। ହେଲେ ଏବେ ସୋସିଆଲ ମିଡିଆରେ ଏପରି ପୋଷ୍ଟର ଭାଇରାଲ ହେଉଛି ଯାହାକୁ ନେଇ ଦେଶରେ ବିତର୍କ ଆରମ୍ଭ ହୋଇଯାଇଛି। ଏହି ପୋଷ୍ଟରରେ ‘ଯାହାଁ ମିଲେଙ୍ଗେ ବାବୁ ସୋନା, ତୋଡ ଦେଙ୍ଗେ କୋନା କୋନା’ ଲେଖା ଅଛି। ଏହି ପୋଷ୍ଟର ସାମ୍ନାକୁ ଆସିବା ମାତ୍ରେ ଇଣ୍ଟରନେଟରେ ଝଡ଼ ସୃଷ୍ଟି ହୋଇଛି।

ଗୋଟିଏ ପଟେ ୧୪ ଫେବୃଆରୀକୁ ଗୋଟିଏ ଗୋଷ୍ଠୀ ଧୂମଧାମରେ ପାଳନ କରିବା ପାଇଁ ଉତ୍ସାହୀ ଥିବା ବେଳେ ଏହା ବିରୋଧରେ କେତେକ ସଙ୍ଗଠନ ଏବେ ଖୋଲାଖୋଲି ସାମ୍ନାକୁ ଆସିଛନ୍ତି। ଭାଇରାଲ ପୋଷ୍ଟର ଓ ଏ ସମ୍ପର୍କିତ ଛବି ସୋସିଆଲ ମିଡିଆ ୟୁଜରଙ୍କୁ ଉତକ୍ଷିପ୍ତ କରିଛି। ଏପରି ପୋଷ୍ଟର ଦେଖି ସୋସିଆଲ ମିଡିଆରେ ୟୁଜର ନାନା କମେଣ୍ଟ କରୁଥିବା ଦେଖାଯାଉଛି। ଭାଇରାଲ ହେଉଥିବା ଭିଡିଓ ଏବଂ ପୋଷ୍ଟରରୁ ସଙ୍ଗଠନମାନେ କୁ ପ୍ରଥାକୁ ବିରୋଧ କରିବା ପାଇଁ ଭିନ୍ନ ପ୍ରକାରେ ପ୍ରସ୍ତୁତି କରୁଥିବା ଜଣାପଡିଛି।

valentines Day पर पटना में दिखा ये नज़ारा “जहां मिलेंगे बाबू सोना तोड़ देंगे कोना कोना”🫢 pic.twitter.com/Y8PTBWvmRK

— Mukesh singh (@Mukesh_Journo) February 14, 2025

ଭାଇରାଲ ହେଉଥିବା ଭିଡିଓ ଅନୁସାରେ କେତେକ ଦଳର କାର୍ଯ୍ୟକର୍ତ୍ତା ମନ୍ଦିରମାନଙ୍କରେ ଶୁକ୍ରବାର ଠେଙ୍ଗା ପୂଜା କରିଛନ୍ତି। କାର୍ଯ୍ୟକର୍ତ୍ତାମାନେ ଠେଙ୍ଗାକୁ ଚାମେଲି ଓ ସୋରିସ ତେଲରେ ମାଲିସ କରି ଚକ୍ ଚକ୍ କରିଛନ୍ତି। ଏପରି ସଙ୍ଗଠନମାନଙ୍କ କହିବା କଥା ହେଉଛି ଭାଲେଣ୍ଟାଇନ ଡେ ଭାରତୀୟ ସଂସ୍କୃତିର ନୁହେଁ ଓ ଏହି ଦିନ ସାର୍ବଜନିକ ସ୍ଥାନରେ ଅଶ୍ଲିଳତାକୁ ବରଦାସ୍ତ କରାଯିବନି। ଏହା ଛଡା ଭାଲେଣ୍ଟାଇନ ଡେ କୁ ସୋସିଆଲ ମିଡିଆରେ ବିରୋଧ କରୁଥିବା ଲୋକେ ଚେତାବନୀ ଦେଉଛନ୍ତି ଯେ ଯଦି ପାର୍କ, ହୋଟେଲ, ରେଷ୍ଟୁରାଣ୍ଟ ଓ ଧାର୍ମିକ ସ୍ଥଳ ଆଖପାଖରେ କେହି ପ୍ରେମୀ ଯୋଡା ମିଳନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ କରାଯିବ।

ଏପରି ଚେତାବନୀ ପରେ ସୋସିଆଲ ମିଡିଆରେ ଏହାକୁ ନେଇ କଡ଼ା ପ୍ରତିକ୍ରିୟା ଆସିବାକୁ ଲାଗିଛି। ଅନେକ ୟୁଜର ଏପରି ଚେତାବନୀକୁ ନେଇ ଆପତ୍ତି କରିଛନ୍ତି। ଜଣେ ୟୁଜର ଲେଖିଛନ୍ତି ଗୁଣ୍ଡାଙ୍କୁ ଏପରି ଅଧିକାର ଦେଲା କିଏ? ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି ଏପରି ଠେଙ୍ଗାବାଡ଼ି ଧରି ସମାଜରେ ଘୃଣା ଓ ହିଂସା ବ୍ୟାପ୍ତ କରୁଥିବା ଲୋକଙ୍କ ବିରୋଧରେ କେବେ କାର୍ଯ୍ୟାନୁଷ୍ଠାନ ହେବ ? ତେବେ ଦେଖିବାକୁ ରହିଲା ସପ୍ତାହନ୍ତରେ ପାଳିତ ହେବାଯାଉଥିବା ଭାଲେଣ୍ଟାଇନ ଡେ ରେ ଦେଶରେ ହେଉଛି କ’ଣ?

ଏହା ବି ପଢନ୍ତୁ:-ପ୍ରେମିକର ପ୍ରେମିକାକୁ ହତ୍ୟାକଲା ମୁମ୍ବାଇ ଝିଅ, ଭାଲେଣ୍ଟାଇନ୍ ସପ୍ତାହରେ ଫୁଟାଇଦେଲା ଗୁଳି