ପାରାଦୀପ ୨୬।୦୯ : ଫସିଲା ବୋଟ୍ । ପାରାଦୀପ ନେହେରୁ ବଙ୍ଗଳା ମୁହାଣରେ ଫସିଲା ଦୁଇଟି ବୋଟ୍ । ଯେଉଁଥିରେ ରହିଛନ୍ତି ୧୪ ଜଣ ମତ୍ସ୍ୟଜୀବୀ । ସମସ୍ତଙ୍କୁ ଉଦ୍ଧାର ପାଇଁ କୋଷ୍ଟଗାର୍ଡ ଓ ମେରାଇନ୍ ପୋଲିସର ଉଦ୍ୟମ ଜାରି ରହିଛି ।
ଖବର ଅନୁଯାୟୀ, ଧର୍ମଶାକା-୨ ଓ ଧର୍ମଶାଖା-୩ ନାମକ ଦୁଇଟି ବୋଟ୍ ମାଛ ଧରିବାକୁ ସମୁଦ୍ରକୁ ଯାଇଥିଲା ।ମାଛ ଧରିବା ସମୟରେ ହଠାତ୍ ଧର୍ମଶାଖା-୨ ନାମକ ବୋଟ୍ଟି ଖରାପ ହୋଇଯାଇଥିଲା । ଆଉ ତାକୁ ଧର୍ମଶାଖା-୩ ନାମକ ବୋଟ୍ଟି ଟାଣି ଆଣୁଥିଲା । ଏହି ସମୟରେ ହଠାତ୍ ଧର୍ମଶାଖା-୩ ବୋଟ୍ର ରଶି ଛିଡିଯାଇଥିଲା । ଯାହାଫଳରେ ମୁହାଣ ନିକଟରେ ଦୁଇଟି ବୋଟ୍ ଅଟକି ରହିଥିଲା । ଯାହାକୁ ଉଦ୍ଧାର କରିବା ଲାଗି କୋଷ୍ଟଗାର୍ଡ ଓ ମେରାଇନ୍ ପୋଲିସ ପକ୍ଷରୁ ଉଦ୍ୟମ ଜାରି ରଖିଛି ।
