ଆସନ୍ତା ୧୭ରୁ ବଢିବ ବର୍ଷାର ପରିମାଣ, ଆହୁରି ୪ ଦିନ ଉପକୂଳରେ ଅସହ୍ୟ ଗୁଳୁଗୁଳି

Published By : Prameya-News7 Bureau | June 14, 2024 IST

ଭୁବନେଶ୍ବର ୧୪।୬: ପଶ୍ଚିମରେ ଖରାକୁ  ଉପକୂଳରେ ଅସହ୍ୟ  ଗୁଳୁଗୁଳି  ହେଉଥିବା   ବେଳେ  ଆହୁରି ୨୪  ଘଣ୍ଟା  ରାଜ୍ୟରେ  ଗ୍ରୀଷ୍ମ   ପ୍ରବାହ  ଜାରି  ରହିବ  ବୋଲି ପୂର୍ବାନୁମାନ କରିଛି ଭୁଭାଗ। ସେହିପରି ଆହୁରି ୪ ଦିନ ଉପକୂଳରେ  ଅସହ୍ୟ  ଗୁଳୁଗୁଳି  ଲାଗି ରହିବ । ଏହାସହ ଉଷ୍ମ ଓ ଆଦ୍ର ସ୍ଥିତି ମଧ୍ୟ ଲାଗିରହିବ । ଆସନ୍ତା  ୨୪  ଘଣ୍ଟାରେ ରାଜ୍ୟର  ବିଭିନ୍ନ ସ୍ଥାନରେ 

ବିଜୁଳି ଘଡଘଡି ସହ ହାଲୁକରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ଥିବା ଆକଳନ କରିଛି ପାଣିପାଗ ବିଭାଗ । ପରେ ୧୭ ତାରିଖ ବେଳକୁ ବର୍ଷାର ପରିମାଣ ବଢିବ ବୋଲି  ପୂର୍ବାନୁମାନ   କରିଛି  ବିଭାଗ । ବିଶେଷ କରି ଦକ୍ଷିଣ ଓଡ଼ିଶାର  ବିଭିନ୍ନ ସ୍ଥାନରେ ବର୍ଷା ସମ୍ଭାବନା ରହିଛି । ନୟାଗଡ କଳାହାଣ୍ଡି କନ୍ଧମାଳ ରାୟଗଡା ଗଜପତି ଗଞ୍ଜାମ ଜିଲ୍ଲାର ଗୋଟିଏ କିମ୍ବା ଦୁଇଟି  ସ୍ଥାନରେ ପ୍ରବଳ ବର୍ଷା ହୋଇପାରେ । ଆଜିର ପାଣିପାଗ ସ୍ଥିତିକୁ ନେଇ ପହିଲି ରଜ ଝିପିଝିପି ବର୍ଷା  ମେଘୁଆ ପାଗ ସହ ଗୁଳୁଗୁଳିରେ କଟିଛି । ୭ ଜିଲ୍ଲା  ଯେପରିକି  ବରଗଡ଼ ସମ୍ବଲପୁର ଝାରସୁଗୁଡା କେନ୍ଦୁଝର ସୁନ୍ଦରଗଡ ବାଲେଶ୍ୱର ଓ ମୟୁଭଞ୍ଜରେ ଜାରି ରହିବ  ଗ୍ରୀଷ୍ମ  ପ୍ରବାହକୁ ନେଇ ୟେଲୋ  ଓ୍ବାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

ଅନ୍ୟପଟେ ଚଳିତ ବର୍ଷ ଜୁନ୍ ୮ରେ ରାଜ୍ୟରେ  ମୌସୁମୀ   ଛୁଇଁଥିବା  ବେଳେ  ଆଉ ଆଗକୁ   ଅଗ୍ରସର ହେଉନାହିଁ । ଓଡିଶା  ଛୁଇଁବା  ପରେ ଦକ୍ଷିଣ   ପଶ୍ଚିମ  ମୌସୁମୀ ବାୟୁ ମାଲକାନଗିରିର  କିଛି ଅଞ୍ଚଳରେ ଛୁଇଁଥିଲା । ବର୍ତ୍ତମାନ ଏହା କୋରାପୁଟ  ଓ ମାଲକାନଗିରିରେ ସକ୍ରିୟ ରହିଛି । ମୌସୁମୀ ଅଗ୍ରସରକୁ  ନେଇ ପାଗ   ଅନୁକୂଳ ରହିଥିବା  ବେଳେ  ଆଉ ୩ରୁ ୪ ଦିନ   ଭିତରେ  ରାଜ୍ୟର  ଅନ୍ୟ ଅଂଚଳ ଛୁଇଁବ ବୋଲି ପାଣିପାଗ ବିଭାଗ ଆକଳନ କରିଛି । 

ସେପଟେ ଗତ ୨୪  ଘଣ୍ଟାରେ ୮ଟି ସହରରେ  ଗ୍ରୀଷ୍ମ  ପ୍ରବାହ   ଜାରି ରହିଥିବା ବେଳେ ଝାରସୁଗୁଡ଼ାରେ   ସର୍ବାଧିକ ୪୩.୪ ଡିଗ୍ରୀ  ତାପମାତ୍ରା  ରେକର୍ଡ ହୋଇଛି । ସେହିଭଳି  ଗୁରୁବାର ବିଭିନ୍ନ  ସ୍ଥାନରେ   ପ୍ରାକ ମୌସୁମୀ  ବର୍ଷା  ହୋଇଥିବା   ବେଳେ  ନୟାଗଡ ଦଶପଲ୍ଲାରେ  ୫୧.୬ ମିମି ବର୍ଷା  ରେକର୍ଡ   କରାଯାଇଛି । 

You Can Read :

ଦୁବାଇରେ ପୁଅର ମୃତଦେହ, ଶବ ଫେରାଇ ଆଣିବାକୁ ସରକାରକୁ ନିବେଦନ

 

 

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.