ନବମ ଶ୍ରେଣୀର ଛାତ୍ରଙ୍କୁ ରାଗିଂ ! ସ୍କୁଲ ଯିବାକୁ ଅମଙ୍ଗ ଛାତ୍ର

ମାଲକାନଗିରି ୨୦।୧୨ : ଛାତ୍ରଙ୍କୁ ରାଗିଂ ଅଭିଯୋଗ। ମାଲକାନଗିରି ଜିଲ୍ଲା ବାଲିମେଳା ଜବାହାର ନବୋଦୟ ବିଦ୍ୟାଳୟରୁ ଆସିଲା ସାଂଘାତିକ ଅଭିଯୋଗ। ନବମ ଶ୍ରେଣୀର କିଛି ଛାତ୍ରୀଙ୍କୁ ସିନିୟର ଛାତ୍ରମାନେ ରାଗିଂ କରିଥିବାର ଅଭିଯୋଗ ଆସିଛି ।

ଖବର ଅନୁଯାୟୀ, ବିଦ୍ୟାଳୟର ନବମ ଶ୍ରେଣୀର କିଛି ଛାତ୍ରଙ୍କ ସହ ଯୁକ୍ତ ଦୁଇ ପ୍ରଥମ ବର୍ଷର କିଛି ଛାତ୍ରଙ୍କ ସହି ଯୁକ୍ତିତର୍କ ହୋଇଥିଲା । ଏହାପରେ ନବମ ଶ୍ରେଣୀର ୫ ଜଣ ଛାତ୍ରଙ୍କୁ ନିସ୍ତୁକ ମାଡ ମାରିବା ସହ ବିଭିନ୍ନ ପ୍ରକାରର କାମ କରାଇ ନିର୍ଯାତନା ଦେଇଥିଲେ । କାହାର ଗାଲ ଫୁଲିଛି, ତ ଆଉ କାହା ପିଠି ଫାଟିଛି । ଆଉ କିଏ ଚାଲିପାରୁନି । ଶେଷରେ କିଛି ଛାତ୍ର ଏ ସଂପର୍କରେ ଅଭିଭାବକଙ୍କୁ ଘଟଣା ସଂପର୍କରେ ଜଣାଇଥିଲେ । ଅଭିଭାବକମାନେ ଛାତ୍ରଙ୍କ ଅଭିଯୋଗ ସଂପର୍କରେ ସ୍କୁଲ ଅଧ୍ୟକ୍ଷଙ୍କୁ ଜଣାଇଥିଲେ । ହେଲେ ସ୍କୁଲ ଅଧ୍ୟକ୍ଷ ଏ ବାବଦରେ କିଛି ଜାଣିନଥିବା କହିଥିଲେ । ସେପଟେ ଘଟଣାକୁ ଚାପିବା ପାଇଁ ନିର୍ଯାତନା ଦେଇଥିବା ଛାତ୍ରଙ୍କୁ ନିଜ ନିଜ ଘରକୁ ପଠାଇ ଦେଇଛନ୍ତି ଅଧ୍ୟକ୍ଷ । ମାଡ଼ ଖାଇଥିବା ଛାତ୍ରଙ୍କୁ ଅଭିଭାବକମାନେ ସ୍କୁଲ ଛାଡ଼ିବାକୁ ନାରାଜ ଥିବା ଜଣାପଡିଛି ।