ମୁମ୍ଵାଇ ୦୯।୦୮: ବଲିଉଡ୍ କ୍ୟୁଟ୍ କପଲ ସନି କୌଶଲ ଏବଂ ଶରବରୀ ୱାଗ। ଦୁହିଁଙ୍କ ଡେଟିଂ ଖବର ଦୀର୍ଘ ଦିନ ଧରି ଆଲୋଚନାରେ ରହିଆସିଛି। ଭିକି ଏବଂ କ୍ୟାଟ୍ରିନାଙ୍କ ବିବାହରେ ଶରବରୀ ସାମିଲ ହୋଇଥିଲେ। ଅଭିନେତ୍ରୀ ପ୍ରାୟତଃ ସନିଙ୍କ ସହିତ ଛୁଟି କାଟିବା ସହ ପାରିବାରିକ କାର୍ଯ୍ୟକ୍ରମରେ ନଜର ଆସିଥାନ୍ତି। ଉଭୟ ଏପର୍ଯ୍ୟନ୍ତ ସେମାନଙ୍କର ସମ୍ପର୍କକୁ ଅଫିସିଆଲ୍ କରିନାହାଁନ୍ତି। କିନ୍ତୁ ନିକଟରେ ସନିଙ୍କୁ ତାଙ୍କ ରିଲେଶନସିପ୍ ଷ୍ଟାଟସ୍ ବିଷୟରେ ପଚରାଯାଇଥିଲା । ଅଭିନେତା କହିଥିଲେ ଯେ ମୁଁ ସିଙ୍ଗଲ। ଏହା ପରେ ଯେତେବେଳେ ତାଙ୍କୁ ଶରବରୀଙ୍କ ଡେଟିଂ ଖବର ବିଷୟରେ ପଚରାଗଲା, ଅଭିନେତା କହିଥିଲେ ଯେ ସେ ମୋର ଭଲ ବନ୍ଧୁ ।
ଡେଟିଂ ଗୁଜବ ଉପରେ ସନି ପୂର୍ବରୁ କହିଥିଲେ, ମୁଁ ମୋର ପିତାମାତାଙ୍କୁ କହିଥିଲି ଯେ ତୁମେ ମଧ୍ୟ ମୋ ବିଷୟରେ ଏପରି ଖବର ଶୁଣିବ। ଏ ସବୁ ମୋର ଫରକ ପଡେ ନାହିଁ ଯେ ମୋର ବ୍ୟକ୍ତିଗତ ଜୀବନ ବିଷୟରେ କଣ ଆଲୋଚନା କରାଯାଉଛି । ଏହା କେବଳ ଏକ ଆଲୋଚନା ସେମାନଙ୍କୁ ଗମ୍ଭୀରତାର ସହିତ ଗ୍ରହଣ କରିବା ମୂର୍ଖତା ।
ଶରବରୀ ଏବଂ ସନି ସେମାନଙ୍କ ସମ୍ପର୍କ ବିଷୟରେ କୌଣସି ବିବୃତ୍ତି ଦେଇନାହାଁନ୍ତି । କିନ୍ତୁ ରଣବୀର ସିଂ କରଣଙ୍କ ଶୋ’ରେ କହିଥିଲେ ଯେ କ୍ୟାଟ୍ରିନା ଏବଂ ଭିକି ଡବଲ ଡେଟ୍ରେ ଶରବରୀ ଏବଂ ସନିଙ୍କ ସହ ଯିବେ। ଶରବରୀ ମୁଞ୍ଜା ଏବଂ ଭିକିଙ୍କ ବ୍ୟାଡ ନ୍ୟୁଜ୍ ବକ୍ସ ଅଫିସରେ ଏକ ଜବରଦସ୍ତ ପ୍ରତିକ୍ରିୟା ଗ୍ରହଣ କରିଥିଲା । ୱାର୍କ ଫ୍ରଣ୍ଟରେ ସନି କୌଶଲଙ୍କ ଫିଲ୍ମ ଫିର ଆଏ ହସିନ ଦିଲରୁବା ନେଟଫ୍ଲିକ୍ସରେ ମୁକ୍ତିଲାଭ କରିଛି।
