News7 Logo

ରାହୁଲ ଗାନ୍ଧିଙ୍କ ଅଭିଯୋଗର ଜବାବ ରଖିଲେ MEA, ଜାରି କଲେ ବିଦେଶୀ ନେତାଙ୍କୁ ଭେଟିବାର ତାଲିକା

Published By: Prameya-News Bureau - Prameya-News Bureau | December 04, 2025 07:30 PM
NEWS7
state-assembly-election-is-ahead-know-what-arvind-kejriwal-said-about-gujarat-politics

ନୂଆଦିଲ୍ଲୀ ୪।୧୨: ସଂସଦର ଶୀତ ଅଧିବେଶନରେ ବିରୋଧୀ ଦଳ ନେତା ରାହୁଲ ଗାନ୍ଧି କେନ୍ଦ୍ର ସରକାରଙ୍କ ବିରୋଧରେ ବଡ ଅଭିଯୋଗ ଆଣିଛନ୍ତି। ରାହୁଲ ଅଭିଯୋଗ କରିଛନ୍ତି ଯେ ସରକାର ବିଦେଶୀ ନେତାଙ୍କୁ ବିରୋଧୀ ଦଳ ନେତାଙ୍କ ସହ ଭେଟିବାର ଅନୁମତି ଦେବା ପରମ୍ପରାକୁ ପାଳନ କରୁ ନାହାନ୍ତି। ଏହାକୁ ନେଇ ଅନ୍ୟ ବିରୋଧୀ ଦଳ ନେତାମାନେ ମଧ୍ୟ ସରକାରଙ୍କୁ ଟାର୍ଗେଟ କରିଛନ୍ତି। ଏହା ପରେ ବିଦେଶ ମନ୍ତ୍ରାଳୟ (ଏମଇଏ) ପକ୍ଷରୁ ବୟାନ ଜାରି ହୋଇଛି।

ସୂତ୍ରଙ୍କ କହିବା କଥା ହେଲା କୌଣସି ଗସ୍ତ କାଳରେ ଏମଇଏ ଆସିଥିବା ନେତା, ସରକାରୀ ଅଧିକାରୀ ଓ ସରକାରୀ ସଂସ୍ଥାଙ୍କ ବୈଠକ ଆୟୋଜିତ କରିଥାଏ। ଏହା ଛଡା ବିଦେଶୀ ଅତିଥିଙ୍କ ସବୁ ବୈଠକର ସରକାର ଧ୍ୟାନ ରଖନ୍ତି। ସରକାରଙ୍କ ସହ ବାର୍ତ୍ତା ପରେ ବିଦେଶୀ ନେତା ବାହାରେ କରୁଥିବା ବୈଠକ ତାଙ୍କ ସହ ଆସିଥିବା ଡେଲିଗେସନଙ୍କ ଉପରେ ନିର୍ଭର କରେ। ଏଥିରେ ସରକାରଙ୍କର କୌଣସି ଭୂମିକା ନଥାଏ। ସମସ୍ତ ନିଷ୍ପତ୍ତି ବିଦେଶୀ ନେତାଙ୍କ ଡେଲିଗେସନ ନେଇଥାନ୍ତି।

ବିଦେଶମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଗତ ଦିନରେ ଓ ୯ ଜୁନ ୨୦୨୪ରେ ବିଦେଶୀ ନେତାମାନେ ବିରୋଧୀ ଦଳର ନେତା ରାହୁଲ ଗାନ୍ଧିଙ୍କୁ ଭେଟି ସାରିଛନ୍ତି। ସେମାନଙ୍କ ମଧ୍ୟରେ ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନା ୧୦ ଜୁନ ୨୦୨୪ରେ ରାହୁଲଙ୍କୁ ଭେଟିଥିଲେ। ଏହା ଛଡା ଭିଏତନାମ ପ୍ରଧାନମନ୍ତ୍ରୀ ଫାମ ମିନହ ଚିଂଗ୧ ଅଗଷ୍ଟ ୨୦୨୪ରେ ବିରୋଧୀ ଦଳ ନେତାଙ୍କୁ ଭେଟିଥିଲେ। ଏହପରି ମାଲେସିୟା ପ୍ରଧାନମନ୍ତ୍ରୀ ଅନୱର ଇବ୍ରାହୀମ ୨୧ ଅଗଷ୍ଟ ୨୦୧୪ରେ ରାହୁଲ ଗାନ୍ଧିଙ୍କୁ ଭେଟିଥିଲେ। ଏହିକ୍ରମରେ ମରିସସ ପ୍ରଧାନମନ୍ତ୍ରୀ ନବୀନ ଚନ୍ଦ୍ର ରାମଗୁଲାମ ୧୬ ସେପ୍ଟେମ୍ବର ୨୦୨୫ରେ ଓ ନ୍ୟୁଜିଲ୍ୟାଣ୍ଡ ପ୍ରଧାନମନ୍ତ୍ରୀ କ୍ରିଷ୍ଟୋଫର ଲକ୍ସନ ୮ ମାର୍ଚ୍ଚ ୨୦୨୫ରେ ରାହୁଲ ଗାନ୍ଧିଙ୍କୁ ଭେଟିଛନ୍ତି।

ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି ଗୁରୁବାର ଗଣମାଧ୍ୟମ ସହ ଆଲୋଚନାରେ କହିଛନ୍ତି ଯେ ବିଦେଶରୁ ଆସୁଥିବା ନେତା ବିରୋଧୀ ଦଳ ନେତାଙ୍କୁ ଭେଟିବାର ପରମ୍ପରା ରହିଛି ଓ ଏହା ଅଟଳବିହାରୀ ବାଜପେୟୀଙ୍କ ସମୟରେ ହେଉଥିଲା ଓ ମନମୋହନ ସିଂହଙ୍କ ସରକାରରେ ମଧ୍ୟ ଜାରିଥିଲା। ହେଲେ ଆଜିକାଲି ସରକାର ବିଦେଶରୁ ଆସୁଥିବା ଅତିଥିଙ୍କୁ ମୋତେ ନ ଭେଟିବାକୁ କହୁଛନ୍ତି । ବିଦେଶ ଯିବା ସମୟରେ ମଧ୍ୟ ଏଇଆ ହେଉଛି। ମୋତେ ଖବର ମିଳୁଛି ସରକାର କହୁଛନ୍ତି ମୋତେ ନ ଭେଟନ୍ତୁ।

ରାହୁଲ ଗାନ୍ଧି କହିଛନ୍ତି ଯେ, ବିରୋଧୀ ଦଳ ନେତା ମଧ୍ୟ ଭାରତର ପ୍ରତିନିଧିତ୍ୱ କରନ୍ତି। ଏଥିରେ ଏହି ସବୁ ବୈଠକରେ ବିଦେଶୀ ନେତାଙ୍କୁ ଏକ ଅଲଗା ଧାରଣା ମିଳିଥାଏ। ହେଲେ ଏବେକା ସରକାର ଏହା ଚାହୁଁ ନାହାନ୍ତି। ରାହୁଲ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଓ ବିଦେଶମନ୍ତ୍ରାଳୟ ଏହି ପରମ୍ପରାକୁ ପାଳନ କରୁ ନାହାନ୍ତି। ତେବେ ସରକାର ଏପରି କାହିଁକି କରୁଛନ୍ତି ବୋଲି ରାହୁଲଙ୍କୁ ପଚରା ଯିବାରେ ସେକହିଛନ୍ତି ଯେ ଏହା ତାଙ୍କର ଅସୁରକ୍ଷାର କାରଣ ହୋଇପାରେ।