ପ୍ଲେବ୍ୟାକ୍ ସିଙ୍ଗିଙ୍ଗ ଛାଡିବା ପରେ ଷ୍ଟେଜ୍‌କୁ ଫେରିଲେ ଅରିଜିତ୍, ଗାୟକଙ୍କୁ ଦେଖି ଇମୋସନାଲ ହେଲେ ଫ୍ୟାନ୍ସ

ମୁମ୍ଵାଇ ୦୯।୦୨; ଗାୟକ ଅରିଜିତ ସିଂହ ପ୍ଲେବ୍ୟାକ୍ ସିଙ୍ଗିଂରୁ ଅବସର ନେବା ପରେ କୋଲକାତାରେ ତାଙ୍କର ପ୍ରଥମ ଲାଇଭ୍ ପରଫମାନ୍ସ ଦେଇଥିଲେ । ଗାୟକଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। କନସର୍ଟରେ ଅରିଜିତଙ୍କ ସହିତ ସୀତାର ବାଦକ ଅନୁଷ୍କା ଶଙ୍କର ମଧ୍ୟ ଉପସ୍ଥିତ ଥିଲେ। ଅରିଜିତ ଏବଂ ଅନୁଷ୍କାଙ୍କ ମଧ୍ୟରେ ହୋଇଥିବା ଜୁଗଲବନ୍ଦୀ ପ୍ରଶଂସକଙ୍କ ହୃଦୟ ଜିତିଥିଲା। ଅନୁଷ୍କାଙ୍କ ଶୋ’ରେ ଅରିଜିତ ସିଂହ ଗେଷ୍ଟ ପରଫର୍ମର ଥିଲେ।

Arijit Singh 👑 Kolkota Live with Anoushka Shankar ❤️ pic.twitter.com/vkbylfWlza

— closed account🫂 (@ASFAN_MAKKAR) February 8, 2026

ଷ୍ଟେଜ୍ରେ ଅରିଜିତ, ଫ୍ୟାନ୍ସ ଦିୱାନା

ଅରିଜିତଙ୍କୁ ଷ୍ଟେଜ୍‌ରେ ଦେଖି ଫ୍ୟାନ୍ସ ପାଗଳ ହୋଇଗଲେ। ଅନୁଷ୍କା ଅରିଜିତଙ୍କୁ ମଞ୍ଚ ଉପରେ ନିମନ୍ତ୍ରଣ କରିବା ମାତ୍ରେ ଲୋକମାନେ ଜୋରରେ ଚିଲ୍ଲାଇବାକୁ ଲାଗିଲେ। ଗାୟକ ପ୍ରଶଂସକମାନଙ୍କୁ ନିରାଶ କଲେ ନାହିଁ। ମଞ୍ଚ ଉପରେ ଆସିବା ମାତ୍ରେ, ଅରିଜିତ କିଛି ସମୟ ପାଇଁ ଦର୍ଶକଙ୍କ ସହ କଥା ହେଲେ। ସେ କହିଲେ, "ମୁଁ ନର୍ଭସ ଅଛି। ମୋତେ ଏଠାକୁ ନିମନ୍ତ୍ରଣ କରିବା ପାଇଁ ଧନ୍ୟବାଦ।" ଅନୁଷ୍କା ଏବଂ ଅରିଜିତ, ବିକ୍ରମ ଘୋଷଙ୍କ ସହିତ "ମାୟା ଭୋରା ରାତି" ଗୀତ ଗାଇଲେ। ପରଫମାନ୍ସ ପରେ, ଅରିଜିତ ପ୍ରକାଶ କଲେ ଯେ ସେ ଅନୁଷ୍କାଙ୍କ ଘରକୁ ଯାଇଥିଲେ, ଯେଉଁଠାରେ ସେମାନେ ଏକାଠି ଗୀତଟି ରଚନା କରିଥିଲେ। ସୋସିଆଲ ମିଡିଆରେ ଭାଇରାଲ କ୍ଲିପ୍ ଦେଖିବା ପରେ ପ୍ରଶଂସକମାନେ ଭାବପ୍ରବଣ ହୋଇପଡ଼ୁଛନ୍ତି।

 

 

 

 

View this post on Instagram

 

 

 

 

 

 

 

 

 

 

 

A post shared by Anoushka Shankar (@anoushkashankarofficial)

ୟୁଜର୍ସମାନେ ନା ନା କମେଣ୍ଟ କରିଛନ୍ତି । ସେଥି ମଧ୍ୟରେ ଜଣେ ଲେଖିଛନ୍ତି, "ମୁଁ ଖୁସି ଏବଂ ଦୁଃଖିତ ଉଭୟ।" ଅନ୍ୟ ଜଣେ କହିଛନ୍ତି, "ଏପରି ଲାଗୁଛି ଯେ ମୁଁ ବହୁତ ଦିନ ପରେ ଅରିଜିତଙ୍କୁ ଶୁଣୁଛି।" ଅନ୍ୟ ଜଣେ କହିଛନ୍ତି, "ଅରିଜିତ, ଆମେ ତୁମର ସ୍ୱରକୁ ମିସ୍ କରିଛୁ। ଏହି ସମୟରେ, ଅରିଜିତ ତାଙ୍କ ୟୁଟ୍ୟୁବ୍ ଚ୍ୟାନେଲରେ ଏକ ନୂଆ ଗୀତ ରିଲିଜ୍ କରିଛନ୍ତି। ଗୀତଟିର ଶୀର୍ଷକ "ଓ ଶିବ ମେରେ"। ଏହି ଭକ୍ତିପୂର୍ଣ୍ଣ ଗୀତଟି ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। ଏହି ଗୀତଟି ମନଦୀପ ପଙ୍ଘଲ ଦ୍ୱାରା ରଚିତ।

ଅଧିକ ପଢନ୍ତୁ- ୯ ବର୍ଷ ସାନ ଗର୍ଲଫ୍ରେଣ୍ଡ ସହ ରୋମାଣ୍ଟିକ ହେଲେ କରଣ କୁନ୍ଦ୍ରା, ଲେଡି ଲଭ ସହ ଏପରି ସେଲିବ୍ରେଟ୍ କରୁଛନ୍ତି ଭାଲେଣ୍ଟାଇନ୍ସ ୱିକ୍