ଚୀନ୍ ସହ କନେକ୍ସନ, ଗୁପ୍ତଚର ଅଭିଯୋଗ...ଆମେରିକାରେ ଭାରତୀୟ ବଂଶୋଦ୍ଭବ ଗିରଫ

ନୂଆଦିଲ୍ଲୀ ୧୫/୧୦: ଜଣାଶୁଣା ଆମେରିକୀୟ ଆନାଲିଷ୍ଟ ତଥା ଭାରତୀୟ ବଂଶୋଦ୍ଭବ ଆସଲେ ଟେଲିସ୍‌ । ଗୁଇନ୍ଦା ତଥ୍ୟ ଚୋରି ଅଭିଯୋଗରେ ଆସ୍‌ଲେଙ୍କୁ ଗିରଫ କରିଛି ଆମେରିକା ଗୁଇନ୍ଦା ସଂସ୍ଥା । ଆମେରିକାର ଜାତୀୟ ସୁରକ୍ଷା ସମ୍ପର୍କିତ ଫାଇଲ୍‌ ଚାଇନାକୁ ହସ୍ତାନ୍ତର କରିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।

ଜଣେ ଭାରତୀୟ-ଆମେରିକୀୟ ବିଶ୍ଳେଷକ ଏବଂ ଦକ୍ଷିଣ ଏସିଆ ନୀତିର ଦୀର୍ଘକାଳୀନ ପରାମର୍ଶଦାତା ଆଶଲି ଟେଲିସ୍‌ଙ୍କୁ ଆମେରିକାରେ ଗିରଫ କରାଯାଇଛି। ତାଙ୍କ ବିରୁଦ୍ଧରେ ଗୋପନୀୟ ଦସ୍ତାବିଜ୍ ରଖିବା ଏବଂ ଚୀନ୍ ଅଧିକାରୀଙ୍କ ସହ ସାକ୍ଷାତ କରିବାର ଅଭିଯୋଗ ରହିଛି। କୋର୍ଟର ଦଲିଲ୍ ଅନୁଯାୟୀ, ୬୪ ବର୍ଷୀୟ ଟେଲିସ୍‌ଙ୍କ ବିରୁଦ୍ଧରେ ବେଆଇନ ଭାବରେ ଜାତୀୟ ସୁରକ୍ଷା ସୂଚନା ରଖିବାର ଅଭିଯୋଗ ଅଛି। ଦୋଷୀ ସାବ୍ୟସ୍ତ ହେଲେ ତାଙ୍କୁ ୧୦ ବର୍ଷ ପର୍ଯ୍ୟନ୍ତ ଜେଲ୍ ଓ $୨୫୦,୦୦୦ ଜରିମାନା ହୋଇପାରେ।  

ଆମେରିକାର ନ୍ୟାୟ ବିଭାଗ କହିଛି ଯେ ଟେଲିସଙ୍କ ଭର୍ଜିନିଆସ୍ଥିତ ଘରୁ ହଜାର ହଜାର ପୃଷ୍ଠାର "ଅତି ଗୁପ୍ତ" ଏବଂ "ଗୁପ୍ତ" କାଗଜପତ୍ର ଉଦ୍ଧାର କରାଯାଇଛି। ଏହି କାଗଜପତ୍ରଗୁଡ଼ିକୁ ତାଙ୍କ ଭିଏନା ଘରେ ରଖାଯାଇଛି। ଟେଲିସଙ୍କୁ ଗତ ସପ୍ତାହରେ ଗିରଫ କରାଯାଇଥିଲା । ସୋମବାର ତାଙ୍କ ବିରୋଧରେ ଆନୁଷ୍ଠାନିକ ଭାବରେ ଅଭିଯୋଗ କରାଯାଇଥିଲା । ଏଫବିଆଇ ରିପୋର୍ଟରେ କୁହାଯାଇଛି ଯେ ସେ ଷ୍ଟେଟ ଡିପାର୍ଟମେଣ୍ଟର ଜଣେ ଅବୈତନିକ ପରାମର୍ଶଦାତା ଓ ପେଣ୍ଟାଗନର ନେଟ୍ ଆସେସମେଣ୍ଟ କାର୍ଯ୍ୟାଳୟର ଜଣେ ଠିକାଦାର ଭାବରେ କାର୍ଯ୍ୟ କରୁଥିଲେ।