ନୂଆଦିଲ୍ଲୀ ୦୬/୦୭: ମହାକାଶ ବିଜ୍ଞାନ ଇତିହାସରେ ପ୍ରଥମ ଥର ମହାକାଶ ଷ୍ଟେସନ୍ ବାହାରେ କବଚ ଲାଗିଛି । ଗତ ସପ୍ତାହ ରୁଷ୍ର ଏକ ପୁରୁଣା ଉପଗ୍ରହ ମହାକାଶରେ ଫାଟିଥିଲା । ତା’ର ବର୍ଜ୍ୟ ଦ୍ରୁତ ବେଗରେ ଚୀନ୍ର ମହାକାଶ କେନ୍ଦ୍ର ତିଆଙ୍ଗଙ୍ଗ୍ ଆଡ଼କୁ ଆସୁଥିଲା । ବର୍ଜ୍ୟ ମହାକାଶ କେନ୍ଦ୍ରରେ ଧକ୍କା ହେବା ପୂର୍ବରୁ ଚୀନ୍ ମହାକାଶ କେନ୍ଦ୍ର ନିଜ ଚତୁପାଶ୍ୱର୍କୁ କବଚ ଦ୍ୱାରା ଆବୃତ୍ତ କରିଦେଲା । ଚୀନ୍ର ଶେନଝୋଉ-୧୮ ମିଶନ୍ର ଦୁଇ ମହାକାଶଚାରୀ ଏହି କାମ କଲେ । ଉଭୟ ମହାକାଶଚାରୀ ସାଢ଼େ ୬ ଘଣ୍ଟା ସ୍ପେସ୍ୱାକ୍ କରି ମହାକାଶ କେନ୍ଦ୍ର ଚତୁପାଶ୍ୱର୍ରେ କବଚ ଲଗାଇଲେ । ଏହା ଦ୍ୱାରା ଛୋଟ ଛୋଟ ବର୍ଜ୍ୟ ଧକ୍କା ହେଲେ ମହାକାଶ କେନ୍ଦ୍ରର କୌଣସି କ୍ଷତି ହେବ ନାହିଁ । ଚାଇନା ଏରୋସ୍ପେସ୍ ସାଇନ୍ସ ଆଣ୍ଡ ଟେକ୍ନୋଲୋଜି କର୍ପୋରେସନ୍ର ବୈଜ୍ଞାନିକ ଲିୟୁ ମିଙ୍ଗ କହିଛନ୍ତି, ସ୍ପେସ୍ୱାକ୍ର ପ୍ରଥମ କାମ ଥିଲା ମହାକାଶ କେନ୍ଦ୍ର ଚତୁପାଶ୍ୱର୍ରେ ସୁରକ୍ଷାତ୍ମକ ଉପକରଣ ଲଗାଇବା । ଏହା ଦ୍ୱାରା କେବଲ୍, ପାଇପ୍ଲାଇନ୍ ସୁରକ୍ଷିତ ରହିପାରିବ । ଗତ ଜୁନ୍ ୨୬ ତାରିଖରେ ରୁଷ୍ର ପୁରୁଣା ଆର୍ଥ୍ ଅବ୍ଜର୍ଭେସନ୍ ସାଟେଲାଇଟ୍ ରିସର୍ସ- ପି୧ କକ୍ଷରେ ଫାଟି ଯାଇଥିଲା ବୋଲି ଆମେରିକୀୟ ମହାକାଶ ଏଜେନ୍ସି ସ୍ପଷ୍ଟ କରିଥିଲା । ଉପଗ୍ରହର ୧୦୦ରୁ ଅଧିକ ଖଣ୍ଡ ହୋଇ ମହାକାଶରେ ଘୂରି ବୁଲିଲା । ଏହି ବର୍ଜ୍ୟକୁ ଟ୍ରାକ୍ କରାଯାଇପାରେ । ନାସାକୁ ତୁରନ୍ତ ଏ ବିଷୟରେ ସୂଚନା ଦିଆଗଲା । କାରଣ ଅନ୍ତର୍ଜାତୀୟ ମହାକାଶ କେନ୍ଦ୍ରରେ ଏବେ ୬ ଆମେରିକୀୟ ମହାକାଶଚାରୀ ଅଛନ୍ତି । ମହାକାଶ କେନ୍ଦ୍ର ଆଡ଼କୁ ଆସୁଥିବା ବର୍ଜ୍ୟରୁ ରକ୍ଷା ପାଇବା ଲାଗି ନାସା ସେଫ୍ ହେଭେନ୍ ପ୍ରକ୍ରିୟା ଆରମ୍ଭ କଲା । ଚୀନ୍ ମଧ୍ୟ ଏହି ବିପଦ ବିଷୟରେ ଜାଣିପାରିଲା । ତୁରନ୍ତ ନିଜ ମହାକାଶ କେନ୍ଦ୍ରରୁ ରୋବୋଟିକ୍ ଆର୍ମ ଜରିଆରେ ମହାକାଶଚାରୀ ୟେ ଗୁଆନ୍ଫୁଙ୍କୁ କବଚ ଲଗାଇବା ଲାଗି ବାହାରକୁ ପଠାଇଲା । ଏଥିରେ ତାଙ୍କୁ ସାହାଯ୍ୟ କଲେ ଲି ଗୁଆଙ୍ଗସୁ । ସେ ରୋବୋଟିକ୍ ଆର୍ମ ଓ ତିୟାନହେ କୋର୍ ମଡ୍ୟୁଲ ଉପରେ ନଜର ରଖିଲେ । କବଚ ଲଗାଇବା ପରେ ରୋବୋଟିକ୍ ଆର୍ମ ସାହାଯ୍ୟରେ ସ୍ପେସ୍ ଷ୍ଟେସନ୍ର ଯାଞ୍ଚ୍ କରାଗଲା ।
ପହଲଗାମ ଆଟାକ୍ର ପ୍ରତିଶୋଧ ନେବ ଭାରତ, ସରକାର ଡାକିଲେ...
