ମୁମ୍ବାଇ: ମୁମ୍ବାଇର ଓ୍ଵାଙ୍ଖେଡ଼େ ଷ୍ଟାଡିୟମରେ ଭାରତର ପୂର୍ବତନ ମହାନ କ୍ରିକେଟ୍‌ଙ୍କ ନାଁରେ ଷ୍ଟାଣ୍ଡ ରହିଛି। ଏଥିରେ ସଚିନ ତେନ୍ଦୁଲକର ଓ ସୁନୀଲ ଗାଭାସ୍କରଙ୍କ ନାଁ ସାମିଲ। ଏହି ତାଲିକାରେ ଏବେ ଭାରତୀୟ କ୍ରିକେଟ୍ ଦଳର ଅଧିନାୟକ ରୋହିତ ଶର୍ମାଙ୍କ ନାଁ ଯୋଡ଼ି ହେବାକୁ ଯାଉଛି। ଓ୍ଵାଙ୍ଖେଡ଼େରେ ଏବେ ରୋହିତ ଶର୍ମାଙ୍କ ନାଁରେ ଷ୍ଟାଣ୍ଡ ନାମିତ କରାଯିବ। ମୁମ୍ବାଇ କ୍ରିକେଟ୍ ଆସୋସିଏସନ(ଏମସିଏ) ରୋହିତ ଶର୍ମାଙ୍କ ନାଁରେ ଷ୍ଟାଣ୍ଡକୁ ନାମିତ କରିବା ପ୍ରସ୍ତାବକୁ ମଞ୍ଜୁରୀ ଦେଇଛି।

ଏପ୍ରିଲ ୧୫ ତାରିଖରେ ଆସୋସିଏସନର ବାର୍ଷିକ ସାଧାରଣ ବୈଠକରେ ଏହି ନିଷ୍ପତ୍ତି ନିଆଯାଇଛି। ଏହା ବାଦ୍ ଅନ୍ୟ ଦୁଇ ଷ୍ଟାଣ୍ଡର ନାମ ମଧ୍ୟ ବଦଳିବାକୁ ଯାଉଛି। ଗୋଟିଏ ଷ୍ଟାଣ୍ଡ ପୂର୍ବତନ ବିସିସିଆଇ ଅଧ୍ୟକ୍ଷ ଶରଦ ପାଓ୍ଵାର ଓ ଅନ୍ୟ ଏକ ଷ୍ଟାଣ୍ଡ ମହାନ ବ୍ୟାଟର ଅଜିତ ଓ୍ଵାଦେକରଙ୍କ ସମ୍ମାନରେ ରଖା ଯାଇଛି। ଆସୋସିଏସନ ନିଜ ପ୍ରେସ ବିବୃତିରେ ଜଣାଇଛି ଯେ, ଗୃହରେ ସର୍ବସମ୍ମତି କ୍ରମେ ଷ୍ଟାଣ୍ଡର ନାମକରଣକୁ ମଞ୍ଜୁରୀ ଦିଆଯାଇଛି। 

Also read: ଶେଖ୍ ରସିଦ୍ କିଏ? ଅଶ୍ୱିନଙ୍କ ସ୍ଥାନରେ କ୍ୟାପଟେନ୍ କୁଲ୍ କଲେ ରିପ୍ଲେସ...

ମୁମ୍ବାଇର ଓ୍ଵାଙ୍ଖେଡ଼େ ଷ୍ଟାଡିୟମର ଗ୍ରାଣ୍ଡ ଷ୍ଟାଣ୍ଡ ଲେବଲ ୩କୁ ଶରଦ ପାଓ୍ଵାର ନାମରେ ନାମିତ ହେବ। ଗ୍ରାଣ୍ଡ ଷ୍ଟାଣ୍ଡ ଲେବଲ ୪କୁ ଅଜିତ ଓ୍ଵାଦେକର ଷ୍ଟାଣ୍ଡ ନାମରେ ନାମକରଣ କରାଯିବ। ସେହିପରି ଦିବେଚା ପାଭିଲିୟନ ଲେବଲ ୩କୁ ରୋହିତ ଶର୍ମା ଷ୍ଟାଣ୍ଡ ନାମରେ ନାମକରଣଜ କରାଯିବ। ୨୦୧୧ ବିଶ୍ଵକପ୍‌ ଫାଇନାଲ୍ ମ୍ୟାଚ୍‌ର ଆୟୋଜନ କରିଥିବା ଏହି ଷ୍ଟାଡିୟମରେ ପୂର୍ବରୁ ଭାରତୀୟ କ୍ରିକେଟ୍‌ ଦଳର ମହାନ କ୍ରିକେଟର ସଚିନ ତେନ୍ଦୁଲକର, ସୁନୀଲ ଗାଭାସ୍କର, ବିଜୟ ମର୍ଚ୍ଚାଣ୍ଟ ଓ ଦିଲୀପ ଭେଙ୍କସରକାରଙ୍କ ନାଁରେ ଷ୍ଟାଣ୍ଡ ରହିଛି। ତେବେ ଏହା ବହୁତ ବିରଳ ଯେଉଁଠି ଖେଳାଳି ପେଶାଦାର କ୍ରିକେଟ୍‌ରେ ସକ୍ରିୟ ଥାଇ ତାଙ୍କ ନାମରେ କୌଣସି ଷ୍ଟାଡିୟମର ଷ୍ଟାଣ୍ଡ ନାମକରଣ କରାଯାଉଛି।