ମୁମ୍ଵାଇ ୨୫।୦୫: ସାଉଥର ମେଗାଷ୍ଟାର ରଜନୀକାନ୍ତ। ବର୍ତ୍ତମାନ ତାଙ୍କୁ ସଂଯୁକ୍ତ ଆରବ ଏମିରେଟ୍ସର ଗୋଲ୍ଡେନ ଭିସା ପ୍ରଦାନ କରାଯାଇଥିଲା। ଯେଉଁଥିପାଇଁ ସୁପରଷ୍ଟାର ବହୁତ ଖୁସି ଅଛନ୍ତି। ତାଙ୍କର ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ରଜନୀକାନ୍ତ ତାଙ୍କ ସଫଳତା ବିଷୟରେ କହୁଛନ୍ତି। ଭାଇରାଲ ଭିଡିଓରେ ରଜନୀକାନ୍ତ ତାଙ୍କ ପ୍ରଶଂସକଙ୍କୁ କହିଛନ୍ତି ଯେ ତାଙ୍କୁ ୟୁଏଇର ଗୋଲଡେନ ଭିସା ମିଳିଛି ଏବଂ ଏଥିପାଇଁ ସେ ୟୁଏଇ ସରକାରଙ୍କୁ ଧନ୍ୟବାଦ ଦେଉଛନ୍ତି। ତେବେ ଆସନ୍ତୁ ଜାଣିବା ଏହି ଗୋଲଡେନ୍ ଭିସା କ’ଣ ଏବଂ ଏହାର ବିଶେଷତା କ’ଣ?
ସୁପରଷ୍ଟାର ରଜନୀକାନ୍ତଙ୍କୁ ଆବୁଧାବି ସରକାର ୟୁଏଇ ଗୋଲଡେନ ଭିସା ପ୍ରଦାନ କରିଥିଲେ। ଆବୁଧାବି କାର୍ଯ୍ୟନିର୍ବାହୀ ପରିଷଦର ସଦସ୍ୟ ତଥା ସଂସ୍କୃତି ଓ ପର୍ଯ୍ୟଟନ ବିଭାଗର ଚେୟାରମ୍ୟାନ୍ ଆବୁଧାବି ସରକାର ମହମ୍ମଦ ଖଲିଫା ଅଲ ମୁବାରକ ଆବୁଧାବିର ଡିସିଟି ମୁଖ୍ୟାଳୟରେ ଆୟୋଜିତ ଏକ କାର୍ଯ୍ୟକ୍ରମରେ ସୁପରଷ୍ଟାରଙ୍କୁ ଏମିରେଟ୍ସ ଆଇଡି ହସ୍ତାନ୍ତର କରିଛନ୍ତି। ବିଶିଷ୍ଟ ଏନଆରଆଇ ତଥା ଆବୁଧାବି ଚାମ୍ବରର ଉପରାଷ୍ଟ୍ରପତି ୟୁସୁଫ ଅଲି ଏମ ମଧ୍ୟ ଉପସ୍ଥିତ ଥିଲେ।
தங்கமகன் Rajinikanth was honoured with a golden visa for the UAE today.#Thalaivar expresses his gratitude to his dear friend, Mr. Yusuf, the esteemed Chairman and Owner of the renowned LuLu Group of Companies.
— WarLord (@Mr_Ashthetics) May 23, 2024
(Audio Credits : SunPictures)#ThalaivarNirandharam #vettaiyan pic.twitter.com/6BllOWl87v
ୟୁଏଇ ସରକାରଙ୍କୁ ସୁପରଷ୍ଟାର ଧନ୍ୟବାଦ ଜଣାଇଛନ୍ତି
ୟୁଏଇରୁ ଗୋଲଡେନ୍ ଭିସା ପାଇଥିବାରୁ ରଜନୀକାନ୍ତ ୟୁଏଇ ସରକାରଙ୍କୁ ଧନ୍ୟବାଦ ଜଣାଇଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ତାଙ୍କର ଏକ ଭିଡିଓରେ ରଜନୀକାନ୍ତ କହିଛନ୍ତି, 'ଆବୁଧାବି ସରକାରଙ୍କ ଠାରୁ ୟୁଏଇର ସମ୍ମାନଜନକ ଗୋଲ୍ଡେନ ଭିସା ପାଇଥିବାରୁ ମୁଁ ଅତ୍ୟଧିକ ଗୌରବାନ୍ୱିତ। ଏହି ଭିସାକୁ ସୁଗମ କରିଥିବାରୁ ଏବଂ ମୋତେ ବହୁତ ସମର୍ଥନ କରିଥିବାରୁ ଆବୁଧାବି ସରକାର ଏବଂ ମୋର ଭଲ ବନ୍ଧୁ ଶ୍ରୀ ୟୁସୁଫ ଅଲି ଏମ, ଲୁଲୁ ଗ୍ରୁପର CMD କୁ ମୋର ଅଶେଷ ଧନ୍ୟବାଦ।
ଗୋଲଡେନ୍ ଭିସାର ବୈଶିଷ୍ଟ୍ୟ
ୟୁଏଇ ସରକାରଙ୍କ ଗୋଲଡେନ୍ ଭିସା ଅତ୍ୟନ୍ତ ଶକ୍ତିଶାଳୀ ବୋଲି ବିବେଚନା କରାଯାଏ । ଯାହା ସମସ୍ତଙ୍କ ପାଇଁ ଉପଲବ୍ଧ ନୁହେଁ । ଏହା କେବଳ ସ୍ୱତନ୍ତ୍ର ବ୍ୟକ୍ତିତ୍ୱମାନଙ୍କୁ ଦିଆଯାଏ । ଯିଏ ଦୁବାଇକୁ ଯେକୌଣସି ସମୟରେ ଯାଇ-ଆସି ପାରିବ ।ପ୍ରାୟ ୫ ରୁ ୧୦ ବର୍ଷ ପର୍ଯ୍ୟନ୍ତ ଗୋଲଡେନ ଭିସା ଦିଆଯାଏ । ଭାରତର ଅନେକ ବଡ ବ୍ୟକ୍ତିତ୍ୱଙ୍କର ଗୋଲ୍ଡେନ ଭିସା ଅଛି। ଯେଉଁଥିରେ ସୁପର ୩୦ର ପ୍ରତିଷ୍ଠାତା ଆନନ୍ଦ କୁମାର, ଶାହାରୁଖ ଖାନ, ସଞ୍ଜୟ ଦତ୍ତ, ସାନିଆ ମିର୍ଜା, କ୍ରିତି ସାନନ, ରଣବୀର ସିଂ, କମଲ ହାସନ, ସୁନୀଲ ଶେଟ୍ଟୀ ଭଳି ତାରକା ସାମିଲ।