ଘୋଷଣା ହେଲା ପଦ୍ମ ପୁରସ୍କାର, ଜାଣନ୍ତୁ କେଉଁମାନଙ୍କୁ ମିଳିବ ସମ୍ମାନ

Published By: Prameya-News Bureau - Prameya-News Bureau | January 25, 2026 03:20 PM

NEWS7

ନୂଆଦିଲ୍ଲୀ: ୨୦୨୬ ମସିହା ପାଇଁ ପଦ୍ମ ପୁରସ୍କାର ଘୋଷଣା ହୋଇଛି । ପୁରସ୍କାର ବିଜେତାଙ୍କ ପ୍ରାରମ୍ଭିକ ସୂଚୀ ସାମନାକୁ ଆସିଛି । ସୂତ୍ର ଅନୁସାରେ ପ୍ରାରମ୍ଭିକ ସୂଚୀରେ ଥିବା ନାୟକମାନଙ୍କୁ ଚଳିତ ବର୍ଷ ପଦ୍ମ ପୁରସ୍କାରରେ ସମ୍ମାନ କରାଯିବ । ତେବେ ପୂର୍ଣ୍ଣ ଓ ଆନୁଷ୍ଠାନିକ ସୂଚୀ ସରକାରଙ୍କ ପକ୍ଷରୁ ସଂଧ୍ୟାରେ ଜାରି କରାଯିବ ।

ସୂତ୍ର ଅନୁସାରେ, ଏହି ପ୍ରାରମ୍ଭିକ ସୂଚୀରେ ସାହିତ୍ୟ, ଶିକ୍ଷା, ସମାଜସେବା, ଚିକିତ୍ସା, କଳା ଓ ଜନକଲ୍ୟାଣ ସହ ଜଡ଼ିତ ବ୍ୟକ୍ତି ବିଶେଷଙ୍କ ନାଁ ସାମିଲ ରହିଛି । ସାହିତ୍ୟ ଓ ଶିକ୍ଷା କ୍ଷେତ୍ରରେ ଯୋଗଦାନ ପାଇଁ ଅଙ୍କେ ଗୌଡ଼ାଙ୍କ ବ୍ୟତୀତ ବ୍ରଜଲାଲ ଭଟ୍ଟ, ବୁଧରୀ ତାତି, ଭଗବାନ ଦାସ ରାୟକବର, ଧାର୍ମିକ ଲାଲ ଚୁନ୍ନି ପାଣ୍ଡ୍ୟା, ଡ଼.ଶ୍ୟାମ ସୁନ୍ଦର, ଚରଣ ହେମ୍ୱ୍ରମ ଓ କେ.ପାଜନେୱେଲଙ୍କ ପରି ନାଁ ସାମିଲ ରହିଛି ।

ସୂଚନା ଅନୁଯାୟୀ, ପଦ୍ମଶ୍ରୀ ୨୦୨୬ ପାଇଁ ଆଲୋଚନା ହେଉଥିବା ନାମଗୁଡ଼ିକ ମଧ୍ୟରେ ତାମିଲନାଡୁର ଡକ୍ଟର ପୁଣ୍ଣିଆମୂର୍ତ୍ତି ନାଟେସନ, ରାଜସ୍ଥାନର ଗଫାରୁଦ୍ଦିନ ମେୱାତି, ମହାରାଷ୍ଟ୍ରର ଡକ୍ଟର ଆର୍ମିଡା ଫର୍ଣ୍ଣାଣ୍ଡିସ ଏବଂ ଭିକଲ୍ୟା ଲାଡକ୍ୟା ଧିଣ୍ଡା, ଉତ୍ତର ପ୍ରଦେଶର ଚିରଞ୍ଜୀ ଲାଲ ଯାଦବ, ତେଲଙ୍ଗାନାର ଡକ୍ଟର କୁମାରସ୍ୱାମୀ ଥାଙ୍ଗରାଜ ଏବଂ ଜମ୍ମୁ-କାଶ୍ମୀରର ଡକ୍ଟର ପଦ୍ମ ଗୁରମେଟ ଅଛନ୍ତି । ଆଜି ସନ୍ଧ୍ୟାରେ ଭାରତ ସରକାର ଦ୍ୱାରା ପଦ୍ମ ପୁରସ୍କାର ୨୦୨୬ର ସମ୍ପୂର୍ଣ୍ଣ ଏବଂ ଚୂଡ଼ାନ୍ତ ତାଲିକା ଆନୁଷ୍ଠାନିକ ଭାବରେ ପ୍ରକାଶ କରାଯିବ ।

ଆଙ୍କେ ଗୌଡା
ଆର୍ମିଡା ଫର୍ଣ୍ଣାଣ୍ଡିଜ୍
ଭଗବାନଦାସ ରାୟକର
ଭିଖଲ୍ୟା ଲାଡକିଆ ଢିଣ୍ଡା
ବ୍ରଜଲାଲ ଭଟ୍ଟ
ବୁଧରି ତାତି
ଚରଣ ହେମ୍ବ୍ରମ
ଚିରଞ୍ଜୀ ଲାଲ ଯାଦବ
ଧାର୍ମିକଲାଲ ଚୁନିଲାଲ ପାଣ୍ଡ୍ୟା
ଗଫରୁଦ୍ଦିନ୍ ମେୱାତି ଯୋଗୀ
ହେଲି ୱାର
ଇନ୍ଦ୍ରଜିତ ସିଂହ ସିଦ୍ଧୁ
କେ. ପାଜାନିଭେଲ୍
କୈଳାସ ଚନ୍ଦ୍ର ପନ୍ତ
ଖେମ ରାଜ ସୁନ୍ଦ୍ରିୟାଲ
କୋଲ୍ଲକୟିଲ ଦେବକୀ ଆମ୍ମା ଜୀ
କୁମାରସ୍ୱାମୀ ଥଙ୍ଗରାଜ
ମହେନ୍ଦ୍ର କୁମାର ମିଶ୍ର
ମୀର ହାଜିଭାଇ କାସମଭାଇ
ମୋହନ ନାଗର
ନରେଶ ଚନ୍ଦ୍ର ଦେବ ବର୍ମା
ନୀଲେଶ ବିନୋଦଚନ୍ଦ୍ର ମଣ୍ଡଲେୱାଲା
ନୁରୁଦ୍ଦିନ ଅହମ୍ମଦ
ଓଥୁଭର ତିରୁଥାନି ସ୍ୱାମୀନାଥନ
ପଦ୍ମ ଗୁରମେଟ୍
ପୋଖୀଲା ଲେକଥେପି
ପୁଣ୍ଣିଆମୂର୍ତ୍ତି ନାଟେସନ୍
ଆର. କ୍ରିଷ୍ଣନ୍
ରଘୁପତ ସିଂହ
ରଘୁବୀର ତୁକାରାମ ଖେଡକର
ରାଜସ୍ଥାପତି କାଲିଅପ୍ପା ଗୌଣ୍ଡର
ରାମା ରେଡ୍ଡୀ ମାମିଦି
ରାମଚନ୍ଦ୍ର ଗଡବୋଲ ଏବଂ ସୁନୀତା ଗଡବୋଲ
ଏସ୍. ଜି. ସୁଶୀଲାମ୍ମା
ସାଙ୍ଗଗୁସାଙ୍ଗ ଏସ୍. ପୋଙ୍ଗେନର
ଶାଫି ସୌକ୍
ଶ୍ରୀରଙ୍ଗ ଦେଭାବା ଲାଡ
ଶ୍ୟାମ ସୁନ୍ଦର
ସୀମାଞ୍ଚଳ ପାତ୍ର
ସୁରେଶ ହାନାଗାୱାଡି
ତାଗା ରାମ ଭେଲ
ଟେଚି ଗୁବିନ୍
ଥିରୁଭାରୁର ଭକ୍ତବତ୍ସଲମ
ବିଶ୍ୱ ବନ୍ଧୁ
ୟୁମନମ୍ ଯାତ୍ରା ସିଂହ

ସାଧାରଣ ଭାରତୀୟଙ୍କ ଅସାଧାରଣ ଅବଦାନକୁ ସମ୍ମାନିତ କରିବାର ପରମ୍ପରାକୁ ଜାରି ରଖି, ଏହି ବର୍ଷର ପଦ୍ମ ପୁରସ୍କାର ସାରା ଦେଶର ଅଗଣିତ, ଲୁଚି ରହିଥିବା ଅଦୃଶ୍ୟ ନାୟକମାନଙ୍କୁ ସ୍ୱୀକୃତି ପ୍ରଦାନ କରୁଛି । ବ୍ୟକ୍ତିଗତ ସଂଘର୍ଷ, କଷ୍ଟ ଏବଂ ଦୁଃଖଦ ପରିସ୍ଥିତି ସତ୍ତ୍ୱେ ଏହି ପ୍ରଖ୍ୟାତ ବ୍ୟକ୍ତିମାନେ କେବଳ ନିଜ ନିଜ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ହାସଲ କରିନଥିଲେ ବରଂ ସମାଜ ସେବାକୁ ନିଜ ଜୀବନର ଲକ୍ଷ୍ୟ କରିଥିଲେ । ପୁରସ୍କାରପ୍ରାପ୍ତ ବ୍ୟକ୍ତିମାନଙ୍କ ମଧ୍ୟରେ ପଛୁଆ ବର୍ଗ, ଦଳିତ ସମ୍ପ୍ରଦାୟ, ଆଦିମ ଜନଜାତି ଏବଂ ଦୁର୍ଗମ, ଅପହଞ୍ଚ ଅଞ୍ଚଳରେ ରହୁଥିବା ନାଗରିକମାନେ ରହିଛନ୍ତି । ଏମାନେ ହେଉଛନ୍ତି ସେହି ବ୍ୟକ୍ତି ଯେଉଁମାନେ ସ୍ୱାସ୍ଥ୍ୟ, ଶିକ୍ଷା, ଜୀବିକା, ପରିମଳ ଏବଂ ସ୍ଥାୟୀ ବିକାଶ ଭଳି କ୍ଷେତ୍ରରେ ଅକ୍ଲାନ୍ତ କାର୍ଯ୍ୟ କରି ଦିବ୍ୟାଙ୍ଗ, ମହିଳା, ଶିଶୁ, ଦଳିତ ଏବଂ ଆଦିବାସୀଙ୍କ ସେବା ପାଇଁ ନିଜର ସମଗ୍ର ଜୀବନ ଉତ୍ସର୍ଗ କରିଛନ୍ତି । ସେମାନେ ନୀରବରେ ଏବଂ ବିନା କୌଣସି ପ୍ରଚାରରେ ଭାରତ ମାତାର ସେବାରେ ନିଜର କର୍ତ୍ତବ୍ୟ ପାଳନ କରୁଛନ୍ତି ।