ହାରିବା ପରେବି ଭାଙ୍ଗୁନି ଗର୍ବ ! ମୋଦିଙ୍କ ଟ୍ୱିଟ୍‌ ଦେଖି ରାଗିଗଲେ ପାକିସ୍ତାନର ପ୍ରତିରକ୍ଷା ମନ୍ତ୍ରୀ

ନୂଆଦିଲ୍ଲୀ: ଏସିଆ କପ୍‌ରେ ପାକିସ୍ତାନକୁ ବଡ଼ ଝଟକା। ଭାରତଠୁ ତିନି ତିନି ଥର ହାରି କାନମୁଣ୍ଡା ଆଉଁସୁଛନ୍ତି ଗ୍ରୀନ ଆର୍ମି। ଦୁବାଇରେ ଖେଳାଯାଇଥିବା ଫାଇନାଲ ବିଜୟ ପରେ ଟିମ୍ ଇଣ୍ଡିଆକୁ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ସମୟରେ ଅପରେସନ ସିନ୍ଦୂରର କଥା କହିଥିଲେ। ପ୍ରଧାନମନ୍ତ୍ରୀ ମୋଦିଙ୍କ ସୋସିଆଲ ମିଡିଆ ପୋଷ୍ଟକୁ ରାଗରେ ଜର୍ଜରିତ ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ। ପୋଷ୍ଟ ଉପରେ ପ୍ରତିକ୍ରିୟା ଦେଇ ସେ କହିଥିଲେ ଯେ ଏମିତି ହେଲେ ଶାନ୍ତି ଆସିବ ନାହିଁ।

ଖୱାଜା ଆସିଫ ପ୍ରଧାନମନ୍ତ୍ରୀ ମୋଦିଙ୍କ ପୂର୍ବତନ ପୋଷ୍ଟ ବିଷୟରେ ଲେଖିଛନ୍ତି, "କ୍ରିକେଟର ସଂସ୍କୃତି ଏବଂ ଆତ୍ମାକୁ ନଷ୍ଟ କରି, ମୋଦି ତାଙ୍କର ରାଜନୀତିକୁ ବଞ୍ଚାଇବା ପାଇଁ ଉପମହାଦେଶରେ ଶାନ୍ତି ଏବଂ ସମସ୍ୟାର ସମାଧାନର ସମ୍ଭାବନାକୁ ନଷ୍ଟ କରୁଛନ୍ତି। ଏହି ଉପାୟରେ ଶାନ୍ତି ଏବଂ ସମ୍ମାନ ପୁନଃସ୍ଥାପିତ ହୋଇପାରିବ ନାହିଁ।" ପାକିସ୍ତାନ-ଭାରତ ଯୁଦ୍ଧର ସ୍କୋର 6-0 ଥିଲା। ଆମେ କିଛି କହୁନାହୁଁ, ମୋଦିଙ୍କୁ ଭାରତ ଏବଂ ବିଶ୍ୱ ଉଭୟରେ ଅପମାନିତ କରାଯାଇଛି।"

ଖ୍ୱାଜା ଆସିଫଙ୍କ ପୋଷ୍ଟ ବିଷୟରେ ଆକର୍ଷଣୀୟ କଥା ହେଉଛି ଯେ ମାତ୍ର ୭୨ ଘଣ୍ଟା ପୂର୍ବରୁ, ପ୍ରଧାନମନ୍ତ୍ରୀ ଶାହବାଜ ସରିଫ ଜାତିସଂଘ ସାଧାରଣ ସଭାର ମଞ୍ଚରେ ଦାବି କରିଥିଲେ ଯେ ପାକିସ୍ତାନୀ ସେନା ଭାରତ ସହିତ ଚାରି ଦିନିଆ ଯୁଦ୍ଧ ସମୟରେ ୭ଟି ଭାରତୀୟ ବାୟୁସେନାର ଜେଟ୍ ଖସାଇ ଦେଇଥିଲା। ଏବେ ୭୨ ଘଣ୍ଟା ପରେ, ତାଙ୍କ ନିଜ ପ୍ରତିରକ୍ଷା ମନ୍ତ୍ରୀ ୬ଟି ଜେଟ୍ ଖସାଇ ଦେଇଥିବା ଦାବି କରିଛନ୍ତି। ଅପରେସନ ସିନ୍ଦୂର ପରେ ପାକିସ୍ତାନ ସରକାର ଅନେକ ଥର ମିଛ କହିଛି। ଏହା ବାରମ୍ବାର ଭାରତୀୟ ବିମାନକୁ ଖସାଇ ଦେବାର ମିଥ୍ୟା ଦାବି କରିଛି। ଗୁରୁତ୍ୱପୂର୍ଣ୍ଣ କଥା ହେଉଛି, ଏହାର ଦାବିରେ ସଂଖ୍ୟା ମଧ୍ୟ ବାରମ୍ବାର ବଦଳୁଛି।

​​​​​​​

ଫାଇନାଲ୍‌ରେ ଭାରତର ବିଜୟ ପରେ ପ୍ରଧାନମନ୍ତ୍ରୀ ମୋଦି ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଥିଲେ। ସେ ଲେଖିଛନ୍ତି, "ଖେଳ ପଡ଼ିଆରେ ଅପରେସନ ସିନ୍ଦୂର। ରେଜଲ୍ଟ ସମାନ: ଭାରତର ବିଜୟ।" ଆମର କ୍ରିକେଟରମାନଙ୍କୁ ବିଜୟ ପାଇଁ ଅଭିନନ୍ଦନ।"

ଏସିଆ କପ୍ ଫାଇନାଲରେ, ପାକିସ୍ତାନ ପ୍ରଥମେ ବ୍ୟାଟିଂ କରି ୧୪୬ ରନ କରିଥିଲା। ଜବାବରେ ଭାରତ ୧୯.୪ ଓଭରରେ ୫ ୱିକେଟ୍ ହରାଇ ମ୍ୟାଚ୍ ଜିତି ନେଇଥିଲା।